Хосталыышкын 24:4 - Ыдыктыг Библия

⁴ Моисей Дээрги-Чаяакчының хамык сөстерин бижип алган, а даартазында эртежик тургаш, даг эдээнге өргүл салыр бедигээшти база Израильдиң он ийи аймаан көргүскен он ийи даш көжээни тургузуп каан.

Хосталыышкын 24:4 Iomraidhean Croise

Эге дөс 12:7

Дээрги-Чаяакчы Аврамга көстүп келгеш: «Бо черни Мен сээң үре-салгалыңга бээр мен» – дээн. Ынчан Аврам Дээрги-Чаяакчының көстүп келген черинге Аңаа өргүл салыр бедигээш тудуп каан.

Эге дөс 28:18

Иаков эртен эрте тургаш, сыртанып хонган дажын тураскаал кылдыр тургускаш, ону ыдыктап, кырынче олива үзү кудуп каан.

Эге дөс 28:22

Тураскаал кылдыр салып каан мээң бо дажым Бурганның ыдыктыг чери болур. Меңээ хайырлааның өнчүнүң онгу кезээн Сеңээ берип өргүүр мен, Бурган».

Эге дөс 31:45

Иаков даш алгаш, ону тураскаал кылдыр тургузуп каан.

3 Хааннар 11:30

Ахия кедип чораан чаа хевин ужулгаш, он ийи кезек кылдыр ора тыртып алган.

3 Хааннар 18:31

Илия он ийи дашты – Дээрги-Чаяакчының ону Израиль деп эде адап кааны Иаковтан укталган аймактарның санын ёзугаар – ап алган.

Эзра 6:17

Бурганның өргээзин чаартып турар үеде израильчилер өргүл кылдыр чүс буганы, ийи чүс кошкарны, дөрт чүс хураганны база бүгү израиль чоннуң бачыды дээш өргүл кылдыр – Израильдиң аймактарының санын ёзугаар – он ийи хунаны эккеп салган.

Неемия 10:1

Таңмалар салып, шынзыткан улус бо-дур: Гахалияның оглу, тус чер чагырыкчызы Неемия; Седекия,

Хосталыышкын 17:14

Дээрги-Чаяакчы Моисейге: «Бо бүгүнү улус сактып артар кылдыр номга бижип каг база чырык черге амаликтер шуут уттундура бээр кылып каарымны Иисуска чугаала» – дээн.

Хосталыышкын 17:15

Моисей Дээрги-Чаяакчыга өргүл салыр бедигээш туткаш, аңаа «Дээрги-Чаяакчы – мээң тугум» деп атты тывыскаш:

Хосталыышкын 21:1

«Сээң израильчилерге чарлап чугаалаар хоойлуларың бо-дур:

Хосталыышкын 24:7

Оон чагыг-керээни бижээн дүрүг-номну ап алгаш, чонга дыңналдыр номчуп бээрге, израильчилер: «Дээрги-Чаяакчының чугаалаан бүгү чүвезин күүседир бис, дыңнангыр болур бис» – дээннер.

Хосталыышкын 28:21

Ол даштарның ниити саны Израильдиң оолдарының аттары-биле дең санныг болур; даш бүрүзүнге он ийи аймактың кайы-бирээзиниң адын, таңмага оя кескен дег, сиилбип каг.

Хосталыышкын 34:27

Дээрги-Чаяакчы Моисейге: «Бо сөстерни бодуңга бижип ал. Мээң сээң-биле база Израиль-биле чарып турарым чагыг-керээ дээрге бо сөстер ол-дур» – деп чугаалаан.

Исайя 19:19

Ол хүн Дээрги-Чаяакчыга өргүл салыр бедик чер Египеттиң ортузунга турар, а Дээрги-Чаяакчыга тураскаал ооң кызыгаарынга турар.

Левит 24:5

Эң шынарлыг далганны алгаш, он ийи хлебтен быжырып ал: хлеб бүрүзүн быжырарынга бир эфаның оннуң ийи кезээ далган үнер ужурлуг.

Саннар 17:2

«Израиль чон-биле чугаалаш. Оларның аймак бүрүзүнден, аймактарның баштың бүрүзүнден бир-бир – шупту он ийи даянгыыштан ап ал, баштың бүрүзүнүң адын ооң даянгыыжынга бижип каг;

Лука 22:30

Ындыг болганда, Мээң Чагыргам кээрге, Мээң столум артынга дойлаар силер; дүжүлгелерге саадапкаш, Израильдиң он ийи аймаан шиидер силер».

Галатчыларга 2:9

Христиан ниитилелдиң быжыг баганалары деп санадып турар Иаков, Пётр болгаш Иоанн олар, Бурган меңээ авыралын хайырлаан деп хүлээп көргеш, ажыл-херээвис дөмейиниң демдээ кылдыр, мен болгаш Варнава-биле найыралдажып, хол тудуштулар. Өске чоннарның улузунче – бистиң, а иудейлерже – оларның суртаалдап чоруурунга чөпшээрештилер.

Ы. х. к. 31:9

Моисей ол хоойлуну бижээш, Дээрги-Чаяакчының чагыг-керээзиниң аптаразын дажыглаар албан-хүлээлгелиг левит бараалгакчыларга база Израильдиң шупту баштыңнарынга хүлээдип берген.

Иисус 4:20

Иордан хемден ап алганы он ийи дажын Иисус Галгалга тургузуп кааш,

Иисус 4:5

оларга мынча дээн: «Дээрги-Чаяакчы Бурганыңарның аптаразының мурнунче, хемниң ортузунче чеде бериңер. Кижи бүрүзү оон бодунуң эктинге бир даштан салып алгаш, чорупсун – Израильде чеже аймак барыл, ынча дашты ап алыңар.

Ажыдыышкын 21:14

Хоорайның ханаларын он ийи даш тавак кырында туткан база Хураганның он ийи элчининиң аттарын даш санай бижээн.