Хосталыышкын 24:12 - Ыдыктыг Библия

¹² Дээрги-Чаяакчы Моисейге: «Менче, даг бажынче үнүп келгеш, орта тур; Мен сеңээ улусту өөредир кылдыр хоойлу болгаш айтыышкыннар бижип кааным калбак даштарны бээр мен» – деп чугаалаан.

Хосталыышкын 24:12 Iomraidhean Croise

3 Хааннар 19:11

Дээрги-Чаяакчы: «Үнгеш, даг кырынга Мээң мурнумга туруп ал. Мен сээң чаның-биле эрте бээр мен!» – дээн. Оон коргунчуг хат-казыргы хадып келгеш, Дээрги-Чаяакчының мурнунга дагларны бузуп, хаяларны чуура шаап каапкан, ынчалза-даа ол хатта Дээрги-Чаяакчы көзүлбээн. Хаттың соонда чер шимчээшкини болган, ынчалза-даа аңаа Дээрги-Чаяакчы көзүлбээн.

Эзра 7:10

Эзра бодунуң сеткил-чүрээн Дээрги-Чаяакчының хоойлузун шинчилеп көөрүнге, ону күүседиринге база израиль чонну Ооң дүрүмнер, айтыышкыннарынга өөредиринге бараан болдурган кижи турган.

Неемия 9:13

Сен дээрден Синай дагже дүжүп келгеш, чонуң-биле чугаалажып турган сен. Оларга чөптүг шииткелдер, шынныг хоойлулар берген сен, ачылыг дүрүмнер, айтыышкыннар берген сен.

Неемия 9:14

Оларга Сеңээ тураскааткан амыр-дыш хүнүн айтып берип, Бодуңнуң чалчаң Моисейни дамчыштыр айтыышкыннар, дүрүмнер, хоойлуңну берген сен.

Хосталыышкын 19:3

Моисей Бурганга ужуражыры-биле дагже үнүп бар чыткан. Дээрги-Чаяакчы ону дагдан кый деп, мынча дээн: «Иаковтуң үре-салгалы болур израиль чонга мону чугаала:

Хосталыышкын 24:15

Моисей дагже үне бээрге, булут дагны бүргей апкан;

Хосталыышкын 24:18

Моисей булуттуң ортузунче кирип, дагже улам бедидир үне берген; даг бажынга ол дөртен хүн, дөртен дүн дургузунда турган.

Хосталыышкын 24:2

Моисей чааскаан Менче чоокшулазын, а арткан улус чоокшулавазын; чон олар-биле кады дагже үнмезин».

Хосталыышкын 31:18

Дээрги-Чаяакчы Синай дагга Моисей-биле чугаазын төндүрген соонда, Бодунуң холу-биле айтыышкыннарны оюп бижээни, чагыг-керээни бадыткаан ийи калбак дашты Моисейге берип каан.

Хосталыышкын 32:1

Чон Моисейниң дагдан дыка үр дүшпейн турарын көргеш, Ааронну долгандыр чыглып келгеш, аңаа: «Бисти баштаар бургандан кылып бер че. Бисти Египеттен үндүрүп эккелген Моисей дээр кижиниң канчап барганын билбес-тир бис» – дээн.

Хосталыышкын 34:1

Дээрги-Чаяакчы Моисейге мынча дээн: «Бодуңга мурнундагы калбак даштар ышкаш ийи калбак даштан чондуруп ал. Мен ол калбак даштарга сээң буза шаап каапканың даштарга турган сөстерни оюп бижип каар мен.

Иеремия 31:33

Мен ол хүннерде израиль чон-биле мындыг чагыг-керээ чарар мен: Бодумнуң дүрүм-хоойлумну оларның угаан-медерелинче киирер мен, оларның чүректеринге бижип каар мен! Мен оларның Бурганы болур мен, а олар Мээң чонум болур – деп, Дээрги-Чаяакчы медеглээн. –

Матфей 5:19

Ынчангаш айтыышкыннарның эң бичиизин-даа үрээр болгаш өскелерни база ынчаар кылырынга өөредир кижи Дээрниң Чагыргазынга адактың адаа боор. А айтыышкыннарны күүседир база өскелерни ынчаар өөредир кижи Дээрниң Чагыргазынга өндүр улуг боор.

2 Коринфичилерге 3:3

Бистиң бараан болуушкунувус ачызында Христостуң бижээн чагаазы – силер-дир силер. Ындыызын бүгү улус көрүп турар. Будук-биле эвес, а дириг Бурганның Сүлдези-биле бижээн; калбак даштарга эвес, а кижилерниң чүректеринге бижээн чагаа силер.

2 Коринфичилерге 3:7

Калбак даштарда оюп каан үжүктерге үндезилээн Эрги Чагыг-керээге – өлүмче аппаар ыдыктыг хоойлуга бараан боору кайы хире чайынналчак ийик, сактып келиңерем. Алызы барып, ындыг чайын арлып чиде-даа бээр болза, Моисейниң чайыннаан арнынче чиге көргеш, израиль чоннуң караа чылчырыктап турган болгай.

Ы. х. к. 4:14

Ол үеде Дээрги-Чаяакчы меңээ силерни, эжелеп аар дээш кирип турарыңар черге сагыыр кылдыр, дүрүм, хоойлуларга өөредип каарын дужааган».

Ы. х. к. 5:22

«Дээрги-Чаяакчы ол сөстерни чыылган бүгү чонга даг кырынга от, булут болгаш дүмбей караңгы аразындан ыыткыр медеглээш, оон өске чүве чугаалаваан. Оон Бодунуң сөстерин ийи калбак дашка бижээш, ол даштарны меңээ берип каан.

Ы. х. к. 5:31

а бодуң маңаа, Мээң-биле кады артып кал. Мен сеңээ оларга өөредип каарың ужурлуг шупту айтыышкыннар, дүрүмнер болгаш хоойлуларны чугаалап берейн. А бо улус Мээң оларга ээлээр кылдыр берип турарым черге чеде бергеш, ол бүгүнү күүсетсин“.

Еврейлерге 9:4

Аңаа айдызаар өргүл салыр алдын бедигээш болгаш бүгү талаларын алдын-биле шыпкан ыдыктыг аптара турган. Ол аптарага манна деп чемниг алдын саваны, Аароннуң частып келген даянгыыжын база чагыг-керээниң сөстерин ойган калбак даштарны шыгжап каан.