Хосталыышкын 23:8 - Ыдыктыг Библия

⁸ Хээлилээн белектер алба, олар карактыг улусту согурартып каар база актыг улустуң чугаа-сөзүнүң утказын хажыдып каар болгай.

Хосталыышкын 23:8 Iomraidhean Croise

Ырлар 15:5

Дээрги-Чаяакчы – мээң үлүүм сен, салым-чолум Сенден хамааржыр.

Ырлар 26:10

Авам биле ачам-даа мени каапкаш баар болза, Дээрги-Чаяакчы мени хүлээп алыр.

Чугаалар 15:27

Чазый-чилби кижи бодунуң аалынга айыыл халдадыр, а хээлиге хөңнү чок кижи амылыг артар.

Чугаалар 17:23

Бузуттуг кижи чөптүг шииткелди хажыдар дээш улустан бүдүү хээли алыр.

Чугаалар 17:8

Хээли берип турар кижиге хээлизи – илбилиг даш дег: кайнаар-даа сунуп чедерге, чедиишкинниг болур.

Чугаалар 19:4

Бай-шыдалдыг кижиге эш-өөр муңчок, а ядыы кижини эш-өөрү каапкаш баар.

Экклесиаст 7:7

Базымча мерген угаанныг кижини мугулай кылып каар база хээли сеткил-чүректи сандарадып үрээр.

Исайя 1:13

Моон соңгаар хоозун өргүл белектери эккелбеңер. Айдызаар чүүлдериңер меңээ бужар-багай-дыр. Ай чаазының байырлалдары, амыр-дыш хүннери болгаш байырлыг чыыштарыңар... Ол бүгү байырлалдарны кылбышаан, бузут үүлгедип турарыңар-биле эптежир аргам чогул.

Исайя 1:23

Сээң нояннарың Менден ойталаан-дыр база оорлар-биле бир баг болган-дыр; олар шупту хээли чииринге ынак, белектер негеп ап турар, чаргы-чаалы үезинде өскүстерни камгалавас, дулгуяк херээженниң херээн сайгарып көрбес улус-тур.

Исайя 33:15

Чүгле мындыг кижи: ажыл-херээнге чөптүг-шынныг база шынын чугаалаар; кызагдал-биле чедип алган ажык-кончаа алырындан ойталаар; хээли алыр дээш, холун сунмас; өлүрүүшкүнге киржилге дугайында чугаалар дыңнавас дээш, кулаан бөөшкүннеп аар; бузут үүлгедиишкини көрбес дээш, караан шийип аар кижи ынчап шыдаар.

Исайя 5:22

Эрес-маадырлыы чүгле эңдере арага ижери-биле илерээр, күш-шыдалы чүгле эзиртир суксун белеткээри-биле илерээр улус ат болур;

Исайя 5:23

хээли алгаш, буруулуг кижини агартыр, а буруу чок кижиге шынныг шииткел үндүрбес кижи ат болур!

Иезекиил 22:12

Чурттакчыларың хээли алгаш, өске кижи ханы төгер-дир; сен болза хөөзүн алыр дээш, хуу хавырып аар дээш акша-мөңгүн чегдирип, өске кижиден ажык-кончаа түрүдүп алыр-дыр сен. А Мени уттупкан-дыр сен». Дээрги-Бурган-Чаяакчының медеглээн чүвези ол-дур.

Осия 4:18

Оларның арагалаары кедерээн-дир, самыыраашкыны хемчээл чок-тур, ол чоннуң чагырыкчылары ыянчыг чүүлге ынак-тыр.

Амос 5:12

Чүге дээрге Мен кемниг херээңерниң кайы хире хөйүн, бачыдыңарның кайы хире аарын билир мен: чөптүг-шынныг кижини кызып-кыйып, хээли ап турар силер, шииткел черинге ядыы кижиниң херээн шын шиитпес силер.

Михей 7:3

Оларның холдары бузут үүлгедир талазы-биле мергежээн; чагырыкчы кижи белектер негеп турар, шииткекчи хээли ап турар, бай-шыдалдыглар боттарының күзел-соруун албадап күүсеттирер – олар шупту аразында дугуржулгалыг.

Ы. х. к. 10:17

Чүге дээрге Дээрги-Чаяакчы Бурганыңар – бурганнарның Бурганы, дээргилерниң Дээргизи-дир, өндүр улуг, күчү-күштүг, сүртенчиг Бурган-дыр. Ол улусту ылгай көрбес база хээли албас;

Ы. х. к. 16:19

Хоойлуну хажытпа, улусту ылгай көрбе, хээли алба – хээли мерген угаанныг улусту согурартыр, актыг улустуң чугаа-сөзүн хажыдар.

1 Хааннар 12:3

Дээрги-Чаяакчының болгаш ооң шилип каан хаанының мурнунга меңээ удур херечилер болуңар. Кымның шарызын, кымның элчигенин ап алган мен, кымны хомудадып азы кымны кызып-кыйган мен, кымдан карак көрбестедир хээли алган мен, кымның херээн шын эвес шииткен мен? Бир эвес ындыг чүүлдер турган болза, шуптуңарга алган чүвемни эгидейн» – дээн.

1 Хааннар 8:3

Ынчалза-даа Самуилдиң оолдары ачазының изин истевээн. Олар ажык-кончаа сүрер, хээли алыр болгаш шын эвес шиидер болганнар.