Хосталыышкын 23:3 - Ыдыктыг Библия

³ Бир кижиниң чаргызын үзе шиитпирлеп тура, ядыы-ла болганы дээш, ону амдажытпа.

Хосталыышкын 23:3 Iomraidhean Croise

Хосталыышкын 23:6

Түреңги кижиниң чаргызын үзе шиитпирлеп тура, ооң эргезин кызагдава.

Чугаалар 18:5

Бузуттуг кижини чүүлдүг деп көөрү азы эки кижиге чөптүг шииткел үндүрбези – бак херек-тир.

Чугаалар 22:22

Ядыы-ла кижи-дир дээш, ядамыкты үптеп-тонава, түреңги диленчини шииткел черинге хомудатпа,

Исайя 10:1

Чөптүг эвес хоойлулар үндүрүп, кээргел чок доктаалдар бижип турар улус ат болур!

Левит 19:15

Улусту чөптүг эвес шиитпе. Ядыы-ла кижи-дир дээш, аңаа чымчак болба, күш-шыдалдыг-ла кижи-дир дээш, ооң күзелин хандырарын бодава. Өске кижини шынның туружундан шиидип чор.

Амос 5:12

Чүге дээрге Мен кемниг херээңерниң кайы хире хөйүн, бачыдыңарның кайы хире аарын билир мен: чөптүг-шынныг кижини кызып-кыйып, хээли ап турар силер, шииткел черинге ядыы кижиниң херээн шын шиитпес силер.

Ы. х. к. 1:17

Шииткел үндүрүп тура, улусту ылгай көрбеңер, аргажок ынай-даа, өндүр улуг-даа кижини деңге дыңнаңар, кандыг-даа кижиден кортпаңар, чүге дээрге силер улусту Бурганның өмүнээзинден шиидип турар силер; а шиитпирлээри эмин эрттир берге херекти меңээ эккелиңер, ону дыңнап көргеш, бодум шиитпирлээр мен“.

Ы. х. к. 16:19

Хоойлуну хажытпа, улусту ылгай көрбе, хээли алба – хээли мерген угаанныг улусту согурартыр, актыг улустуң чугаа-сөзүн хажыдар.

Иаков 3:17

А дээрден кээр мерген угаан, чүнү-даа мурнай, арыг, ол ышкаш тайбыңзырак, биче сеткилдиг, дыңнап билир, өршээлдиг, буянныг ажыл-херектери-биле бай, кымны-даа ылгай көрбес, ак сагыштыг боор.