Хосталыышкын 23:2 - Ыдыктыг Библия

² Хөйнүң талазынче чайгылып, бузут үүлгетпе база чаргы үзе шиитпирлеп тура, хөйнүң талазынга турар дээш шындан ойталава.

Хосталыышкын 23:2 Iomraidhean Croise

Эге дөс 19:4

Олар удуп чыдып четтикпээнде-ле, Содом хоорайның бүгү эр чурттакчылары, улуг-аныяа чок, Лоттуң бажыңын бүзээлеп келгеннер.

Эге дөс 6:12

Чер кырының бужартаанын, шупту улустуң бузуттуг оруктар-биле чоруп орарын Бурган көрүп каан.

Эге дөс 7:1

Дээрги-Чаяакчы Нойга мынча дээн: «Өг-бүлеңни эдертип алгаш, бажың-хемеге олурувут. Бо-ла бүгү кижилерниң аразында Мээң мурнумга чөптүг-шынныг кижи чаңгыс сен деп көрүп тур мен.

3 Хааннар 19:10

Ол: «Мен Аг-шериглиг Бурган Дээрги-Чаяакчыга дыка чүткүлдүг бараан болуп чордум. А израильчилер Сээң чагыг-керээңден ойталап, өргүл салыр бедигээштериңни үрегдеп, медээчилериңни хылыш-биле шанчып өлүрүп кагды. Мен чааскаан арттым, олар ам мээң амы-тынымны база алыксап турлар» – деп харыылаан.

Иов 31:34

Мөөң чондан корткаш, чаңгыс чер чурттугларымның бак көөрүнден сезингеш, ыыт чок барып, дашкаар үнмейн олурган мен бе?

Ырлар 72:2

А мээң буттарым бичии-ле болза, тендирий бээр часты, таваңгайларым бичии-ле болза, тая бээр часты.

Чугаалар 1:15

Оглум! Олар-биле орууң чаңгыс болбазын, оларны эдереринден кичээн,

Чугаалар 18:5

Бузуттуг кижини чүүлдүг деп көөрү азы эки кижиге чөптүг шииткел үндүрбези – бак херек-тир.

Чугаалар 4:14

Бузуттуг улустуң оруун эдербе, бак улустуң изин истеве:

Иеремия 37:15

Нояннар Иеремияга ажынып-хорадап турган. Олар ону эттеп-эттеп, Ионафан бижээчиниң кара-бажың кылдыр эде кылып каан бажыңынга хоругдап кааннар.

Иеремия 37:21

Седекия хаанның айтыышкынын ёзугаар Иеремияны таңныылдар турар шөлге хоругдап каан. Хлеб быжырыкчыларының кудумчузундан аңаа хоорайда далган-тараа төнгүжеге чедир, хүнде-ле бир хлеб берип турган. Иеремия ынчалдыр таңныылдар шөлүнге артып калган.

Иеремия 38:9

«Мээң чагырыкчым, хааным! Бо улус Иеремия медээчини кончуг бак аажылаан-дыр. Олар ону оңгарже киир октапкан-дыр, ол аңаа аштап өлүп каар, чүге дээрге хоорайда ам аъш-чем арткан эвес» – дээн.

Иезекиил 9:9

Ол меңээ: «Израиль болгаш Иудеяның бузут-багы канчаар-даа аажок улуг-дур, бо черни хан хөме алган-дыр, хоорайны кемниг херектер бүргээн-дир. Улус: „Дээрги-Чаяакчы бо черни каапкан-дыр, Ол көрбейн турар-дыр“ – деп тур.

Левит 19:15

Улусту чөптүг эвес шиитпе. Ядыы-ла кижи-дир дээш, аңаа чымчак болба, күш-шыдалдыг-ла кижи-дир дээш, ооң күзелин хандырарын бодава. Өске кижини шынның туружундан шиидип чор.

Аггей 1:4

«Мээң бо өргээм хоозурап бузулган турда, каас-коя дерээн бажыңнарга чурттаар үеңер келген деп бе?» – деп чугаалаан.

Марк 15:15

Пилат чыылган чоннуң күзелин хандырар дээш, оларга Варавваны хостап берген, а Иисусту кымчылааш, хере шавары-биле аппаарын дужааган.

Ажыл-чорудулга 24:27

А ийи чыл эрткен соонда, Феликсти Порций Фест солуп келген. Иудейлерниң күзелин хандырар дээш, Феликс Павелди кара-бажыңга арттырып каан.

Ажыл-чорудулга 25:9

Фест иудейлерге эки кижи бооп көстүр бодаан, ынчангаш ол Павелден: «Сеңээ удур буруудадыышкыннар ёзугаар сени аңаа шиидейн, Иерусалимче баар сен бе?» – деп айтырган.

Римчилерге 1:32

Ындыг чүүлдер үүлгедикчилерин өлүмге төлептиг деп көөр Бурганның хоойлузу барын олар билир. Ынчалза-даа чүгле боттары бачыт үүлгедип турар эвес, а ындыг үүлгедиглер кылып чоруур өске улусту база деткип турарлар.

Ы. х. к. 1:17

Шииткел үндүрүп тура, улусту ылгай көрбеңер, аргажок ынай-даа, өндүр улуг-даа кижини деңге дыңнаңар, кандыг-даа кижиден кортпаңар, чүге дээрге силер улусту Бурганның өмүнээзинден шиидип турар силер; а шиитпирлээри эмин эрттир берге херекти меңээ эккелиңер, ону дыңнап көргеш, бодум шиитпирлээр мен“.

Ы. х. к. 16:19

Хоойлуну хажытпа, улусту ылгай көрбе, хээли алба – хээли мерген угаанныг улусту согурартыр, актыг улустуң чугаа-сөзүн хажыдар.

Ы. х. к. 24:17

Даштыкы кижиниң база өскүс кижиниң эргезин кызагдава, дулгуяк херээженниң хевин долаа кылдыр алба.

Иисус 24:15

Бир эвес силер Дээрги-Чаяакчыга бараан болурунга таарзынмас болзуңарза, кымга бараан болуруңарны бөгүн шилип алыңар: Евфрат хем ындынга чурттап чорааш, ада-өгбеңерниң чүдүп чорааны бурганнарынга бе? Амгы үеде оларның черинде чурттап турарыңар аморларның бурганнарынга бе? А мен болгаш мээң өг-бүлем Дээрги-Чаяакчыга бараан болур бис!»

1 Хааннар 15:24

Саул Самуилден: «Дээрги-Чаяакчының сөзүн күүсетпейн, бачыт кылган-дыр мен. Силерни база дыңнаваан-дыр мен. Мен улустан корткаш, оларның сөзүн дыңнааным ол-дур.

1 Хааннар 15:9

Ынчалза-даа Саул болгаш ооң шерии Агагты кээргээш, өршээп кааннар, эң эки шээр, бода малын, семис-шыырак хураганнарын база шупту эки малдарын кээргээш, өлүрбээннер. А чудаңгы, арган-дорган малды узуткап каапканнар.