Хосталыышкын 20:2 - Ыдыктыг Библия

² «Мен дээрге сени кул болуп чорааның Египеттен үндүре берген Бурганың Дээрги-Чаяакчы-дыр мен.

Хосталыышкын 20:2 Iomraidhean Croise

3 Хааннар 18:39

Ону көргеш, бүгү чон хаваан черге дегзип, доңгая кээп дүшкеш: «Дээрги-Чаяакчы – Бурган-дыр! Дээрги-Бурган-Чаяакчы-дыр!» – деп алгыржы берген.

4 Хааннар 17:12

Дээрги-Чаяакчы: «Ынчанмаңар!» – деп чугаалап турда-ла, олар дүрзү-бурганнарга мөгейип турган.

4 Хааннар 17:7

Оларны Египеттен үндүре берген, ук чурттуң хааны фараоннуң холундан адырып каан боттарының Бурганы Дээрги-Чаяакчыга удур израильчилер бачыт үүлгеткен. Олар өске бурганнарга мөгейип,

2 Чылдар 28:5

Ынчаарга Бурганы Дээрги-Чаяакчы Ахазты арамейлерниң хаанының холунга хүлээдип бээрге, олар ону чылча шапкаш, чонундан хөй улусту Дамаскыже тудуп аппарган. Оон Ахазты Израильдиң хаанының холунга база хүлээдип бээрге, ол хаан аңаа аар аштырыышкын таварыштырган.

Ырлар 50:7

Боттанып келген үемден бээр бузуттуг мен, ием мени божуурда-ла, бачыттыг мен.

Ырлар 81:7

Ындыг-даа болза, кижилер ышкаш өлүп каар силер, кандыг-даа ноян кижи ышкаш буураар силер.

Хосталыышкын 13:14

Алызы барып, оглуң сенден: „Бо кандыг уткалыг чүвел?“ – деп айтырар болза, аңаа мынча деп харыылаар сен: „Дээрги-Чаяакчы бисти өндүр улуг күчү-күжү-биле кулдар болуп чораанывыс Египеттен үндүрүп эккелген.

Хосталыышкын 13:3

Моисей чонга мынча дээн: «Кулдар болуп чорааныңар Египеттен үнүп келгениңер бо хүннү сактып алыңар. Дээрги-Чаяакчы силерни оортан Бодунуң өндүр улуг күчү-күжү-биле үндүрген болгай; ажыткы-биле хөөткен далган-тараа чивейн көрүңер.

Хосталыышкын 15:13

Бодуңнуң камгалап кааның чонну энерелдииң-биле эдертип аппар чыдыр сен – ыдыктыг чериңче Бодуңнуң күчү-күжүң-биле чедирип бар чыдыр сен.

Хосталыышкын 15:16

Олар аажок коргуп-сүртезин. Сээң өндүр улуг күчү-күжүңден олар көжээлештир көжүй берзиннер, Дээрги-Чаяакчының чону чаны-биле эртип турда, Сээң чаяап кааның чон чаны-биле эртип турда, ыыт-шимээн чок барзыннар.

Хосталыышкын 15:26

Ол: «Дээрги-Чаяакчы Бурганыңарның сөзүнге чагыртып, Меңээ таарымчалыг чүүлдерни кылыр болзуңарза база Мээң айтыышкыннарымны тооп дыңнап, бүгү дүрүмнеримни сагыыр болзуңарза, Египетче салган аарыгларымның чаңгызын-даа силерже салбас мен. Силерни экиртип турар Дээрги-Чаяакчы – Мен-дир мен!» – деп чонга чугаалаан.

Хосталыышкын 20:1

Бурган чонга бо бүгүнү чугаалаан:

Хосталыышкын 29:46

Улус ынчан Мени оларның Бурганы Дээрги-Чаяакчы деп; оларның аразынга чурттаар дээш оларны Египеттен үндүрүп эккелген деп билип алыр. Мен – оларның Бурганы Дээрги-Чаяакчы-дыр мен!»

Хосталыышкын 6:6

Ынчангаш израиль чонга мону чугаала: „Мен – Дээрги-Чаяакчы-дыр мен. Силерни египет дарлалдан хостап үндүрер мен, египетчилерге кулдар болбас силер. Өндүр улуг күчү-күжүм-биле база коргунчуг кеземчелерим-биле силерни камгалаар мен.

Исайя 43:3

Мен – Дээрги-Чаяакчы, сээң Бурганың, Израильдиң ыдыктыг Камгалакчызы-дыр мен. Сени хостаар дээш, Мен Египет, Эфиопия болгаш Севаны сээң орнуңга берип тур мен.

Иеремия 16:14

Ынчалза-даа үе кел чыдар – деп, Дээрги-Чаяакчы медеглээн, – улус ынчан: „Израиль чонну Египеттен үндүре берген дириг Дээрги-Чаяакчының ады-биле!“ – деп даңгыраглавайн баар,

Иеремия 2:6

Олар: „Дээрги-Чаяакчы бисти Египеттен үндүре берген, Ол бисти ээн кургаг ховуга, кооргалдарлыг, суг чок черге, дүмбей караңгы, кым-даа чорбайн турар, кижи ээлеп чурттавайн турар черге эдертип чораан болгай. Олче чүткүүлү“ – диведилер.

Иеремия 31:1

«Ол үе кээрге, Мен Израильде төрел бөлүк бүрүзүнүң Бурганы болур мен – деп, Дээрги-Чаяакчы медеглээн, – а олар Мээң чонум болур».

Иеремия 31:33

Мен ол хүннерде израиль чон-биле мындыг чагыг-керээ чарар мен: Бодумнуң дүрүм-хоойлумну оларның угаан-медерелинче киирер мен, оларның чүректеринге бижип каар мен! Мен оларның Бурганы болур мен, а олар Мээң чонум болур – деп, Дээрги-Чаяакчы медеглээн. –

Иеремия 34:13

«Мен силерниң ада-өгбеңерни оларның кул болуп чорааны Египеттен үндүре бергеш, олар-биле мындыг чагыг-керээ чарган мен:

Иезекиил 20:19

Мен, Дээрги-Чаяакчы – – силерниң Бурганыңар-дыр мен; Мээң айтыышкыннарымны сагыңар, Мээң дүрүмнеримни чүткүлдүү-биле күүседиңер.

Иезекиил 20:5

Дээрги-Бурган-Чаяакчының чугаалаан чүвезин оларга дамчыт: Израильди шилип алганым хүнде Мен Иаковтуң салгалы болур чонга даңгырак берип, Египетке оларга Бодумну ажыткан мен. Даңгырак берип, оларга: „Мен – Дээрги-Чаяакчы, Бурганыңар-дыр мен“ – деп чугаалаан мен.

Иезекиил 20:7

Оларга: „Чарашсынып магадаар чүдек-бужар дүрзүлериңерден шуптуңар ойталаңар, Египеттиң дүрзү-бурганнары-биле бодуңарны бужартатпаңар. Мен – Дээрги-Чаяакчы, Бурганыңар-дыр мен“ – деп чугаалаан мен.

Осия 12:10

Мен Бодумнуң медээчилерим-биле чугаалажып, оларже чоруткан көстүүшкүннеримни көвүдедип, медээчилерни дамчыштыр чонну сагындырып турган мен.

Осия 13:4

А Мен – египет черге турган үеңден бээр, сээң Дээрги-Чаяакчы Бурганың болгай мен, сен Менден өске Бурган билбес сен, Менден өске Камгалакчы-даа чок.

Левит 11:45

Мен – Бурганыңар болур дээш силерни египет черден үндүрүп эккелген Дээрги-Чаяакчы-дыр мен. Ыдыктыг бооп көрүңер, чүге дээрге Мен ыдыктыг-дыр мен.

Левит 19:36

Силерниң деңзилээр деңзиңер, килдериңер, төктүүчел база суук чүүлдер хемчээр саваларыңар шын хемчээр болзун. Мен дээрге силерни египет черден үндүре берген Дээрги-Чаяакчы Бурганыңар-дыр мен.

Левит 23:43

Силерниң хамык үре-салгалыңар Мээң израиль чонну Египеттен үндүрүп эккелгеш, чадырларга чурттадып каанымны билип алзын. Мен – Дээрги-Чаяакчы Бурганыңар-дыр мен».

Левит 25:38

Мен дээрге силерге ханаан черни бээр дээш база Бурганыңар болур дээш, силерни египет черден үндүре берген Дээрги-Чаяакчы Бурганыңар-дыр мен.

Левит 25:42

Чүге дээрге израиль чон – египет черден Мээң үндүре берген кулдарым-дыр: оларны кулгулаштыр садып болбас.

Левит 25:55

Чүге дээрге израиль чон – Мээң кулдарым-дыр. Мээң египет черден үндүре берген кулдарым – олар-дыр. Мен – Дээрги-Чаяакчы Бурганыңар-дыр мен!»

Левит 26:1

«Боттарыңарга хоозун дүрзүлер, кижи холу-биле шуткуп-чазаан бурганнар, ыдыктыг адагаштар кылбаңар база чер-чуртуңарга даш көжээлер тургузуп, оларга мөгейбеңер; Мен – Дээрги-Чаяакчы Бурганыңар болгай мен!

Левит 26:13

Мен – силерни, египетчилерге кулдар болбазыннар дээш, египет черден үндүре берген Бурганыңар Дээрги-Чаяакчы-дыр мен. Дөңгүңерни чуура шапкаш, оорга-мойнуңарны хөндүрткеш, силерни эдертип аппарган мен».

Амос 2:10

Мен силерни, амор черни ээлеп алзын дээш, египет черден үндүре бергеш, дөртен чыл дургузунда ээн кургаг ховуга эдертип чоруп турдум.

Римчилерге 10:12

Иудей биле өске чоннар кижизиниң аразында ылгал чок. Ону кыйгырган улустуң шуптузунга экииргек чаңгыс-ла Дээрги-Чаяакчы бүгү улустуң Дээргизи боор.

Римчилерге 3:29

А Бурган? Таанда Ол чүгле иудейлерниң Бурганы бе? Өске чоннар улузунга база Бурган болбас бе? – Ийе, Ол өске чоннар улузунга база Бурган боор.

Ы. х. к. 13:10

Ону даштар-биле өлүр соп каг, чүге дээрге ол кижи кул болуп чорааның египет черден сени үндүре берген Дээрги-Чаяакчы Бурганыңдан ойталаар кылдыр көгүдүп турган болгай.

Ы. х. к. 15:15

Египет черге кул болуп чорааныңны, Дээрги-Чаяакчы Бурганыңның сени адырып хостап каанын утпайн чор, ынчангаш бөгүн сеңээ бо бүгүнү айтып-чагып тур мен.

Ы. х. к. 20:1

«Дайзыныңга удур дайылдажып үнгеш, дайынчы аъттар биле тергелер база сенден хөй санныг аг-шериг көрүп кааш, кортпа, чүге дээрге сени египет черден үндүре берген Бурганың Дээрги-Чаяакчы сээң-биле кады болгай.

Ы. х. к. 5:15

Египет черге кул болуп чорааныңны, Дээрги-Чаяакчы Бурганыңның сени оортан быжыг холу-биле база күчү-күжү-биле үндүре бергенин утпайн чор, ынчангаш Дээрги-Чаяакчы Бурганың сеңээ амыр-дыш хүнү доктаадырын дужааган болгай.

Ы. х. к. 5:6

„Мен дээрге сени кул болуп чорааның Египеттен үндүре берген Бурганың Дээрги-Чаяакчы-дыр мен.

Ы. х. к. 7:8

А Дээрги-Чаяакчы силерге ынак болгаш база ада-өгбеңерге берген даңгыраан күүседир дээш, силерни Египеттен быжыг холу-биле үндүрүп, кулданыышкындан база Египеттиң хааны фараоннуң холундан адырып хостаан болгай.

Баштыңчылар 2:1

Ынчан Дээрги-Чаяакчының төлээзи Галгалдан Бохимче чедип келгеш, мынча дээн: «Мен силерни Египеттен хостап үндүрген мен база ада-өгбеңерге аазааным черже силерни эккелген мен. Ынчан Мен: „Силер-биле чарган чагыг-керээмни мөңге шагда үревес мен – деп сөзүм бергеш, –

Баштыңчылар 6:10

Силерге: „Мен, Дээрги-Чаяакчы, силерниң Бурганыңар-дыр мен; оларның черинде чурттап турарыңар амор чоннуң бурганнарынга чүдүвеңер“ – дээн мен, ынчалза-даа силер Мээң сөзүмнү дыңнавайн бардыңар».