Хосталыышкын 11:4 - Ыдыктыг Библия

⁴ Моисей фараонга чугаалаан: «Дээрги-Чаяакчы мынча деп тур: „Дүн ортузунда бүгү Египетти өттүр таварып эртер мен.

Хосталыышкын 11:4 Iomraidhean Croise

2 Хааннар 5:24

Бальзам ыяштарның кырынга кылаш даажын дыңнап кааш-ла, халдап кирер сен – ол дааш дээрге филистим шеригни чылча шавар дээш, Дээрги-Чаяакчы сээң мурнуңда чоруп орары ол-дур» – дээн.

Иов 34:20

Олар хенертен, дүне када өлүп каар; чон хөлзеп үнерге, олар чиде бээр. Күштүг-шыырак улус кижи холу дегбээнде-ле, узуткаттырып аар.

Ырлар 81:5

Олар билбес-тир, угаап албаан-дыр, караңгыда чоруп турар-дыр; чер-делегейниң бүгү үндезиннери божаңайнып тур.

Хосталыышкын 12:12

Мен бо дүне египет черни өттүр таварып эрткеш, Египетте бар кижилерниң-даа, мал-маганның-даа дун төлдериниң дөгерезин чок кылып каар мен база Египеттиң бүгү бурганнарын шиидип, кеземче көргүзер мен. Мен – Дээрги-Чаяакчы-дыр мен!

Хосталыышкын 12:23

Дээрги-Чаяакчы египетчилерни кезедип турар үезинде, доора ыяжында болгаш кастыктарында хан чаап каан эжик көрүп кааш, ол бажыңны оюп эрте бээр база узуткакчының бажыңыңарже кирип, хора чедирерин болдурбас.

Хосталыышкын 12:29

Дүн ортузунда Дээрги-Чаяакчы фараоннуң дүжүлге салгаар дун оглундан эгелээш, хоругдаттырган кижиниң дун оглунга чедир – египет черде бүгү дун оолдарны база мал-маганның бүгү дун төлдерин – чок кылып каапкан.

Исайя 42:13

Дээрги-Чаяакчы күчүлүг маадыр дег чедип кээр, дайынчы дег, килеңи кыптыгар, дайынчы кыйгы салып, алгырар, дайзыннарынга күжүн көргүзер:

Амос 4:10

«Египетке болуп турганы дег, силерже мал-маган кырар хамчык аарыгны ыттым, аныяк эрлериңерни хылыш-биле кырып кагдым, аъттарыңарны сүрүп аппаар турду; турлагларыңарда өлүмнүң чыды думчууңар үдүн дола берди. Ындыг-даа болза, Менче эглип келбээн силер». Дээрги-Чаяакчының медеглээн чүвези ол-дур.

Амос 5:17

Виноград тараан шөлдерниң шуптузунга ыы-сыы дыңналыр, чүге дээрге Мен силерниң араңар-биле кезедип эрте бээр мен». Дээрги-Чаяакчының чугаалаан чүвези ол-дур.

Михей 2:13

Силерниң мурнуңарга орук ажыдыкчызы чоруур; силер хоорайның хаалгазын чаза таварып үне бээр силер. Хааныңар силерниң мурнуңарга чоруур, Дээрги-Чаяакчы силерни баштаар».

Матфей 25:6

Дүн ортузунда: „Көрүңер, күдээ кел чор! Ону уткуп үнүңер!“ – деп кыйгы дыңналган.