Иов 1:3 - Ыдыктыг Библия

³ Ол 7000 өшкү-хой, 3000 теве, 500 эжеш шары болгаш 500 кыс элчиген кошкул малдыг, дыка хөй санныг чалча-хөделдиг кижи чүве-дир. Чөөн чүктүң бүгү аймактарының аразында Иов эң ат-алдарлыг кижи турган.

Иов 1:3 Iomraidhean Croise

Эге дөс 12:16

Сараның ачызы-биле Аврамның ажыл-херээ эки чогуп турган; ооң эр, кыс кулдары, шээр малы, бода малы, элчигеннери, тевелери бар апарган.

Эге дөс 12:5

Ол бодунуң кадайы Сараны, дуңмазы Лотту, бар-ла турган эт-хөреңгизин база Харранга турда, оларга хамааржып турган шупту улусту эдертип алган. Олар ханаан черге чедип келгеннер.

Эге дөс 13:6

Оларның кады чаңгыс черге чурттаары дакпыш апарган, чүге дээрге мал-маганы, эт-хөреңгизи көвүдээш, ол кавыга сыңышпастап эгелээн.

Эге дөс 24:35

Дээрги-Чаяакчы мээң ээмге хөй ачы-буян хайырлап, ону улуг кижи кылып каан. Ол аңаа эр, кыс кулдарны, шээр болгаш бода малды, тевелерни, элчигеннерни, алдын-мөңгүннү берген.

Эге дөс 25:6

А кул-кадайларындан төрүттүнген оолдарынга Авраам белек-селекти бергеш, боду дириг тургаш-ла, оларны чөөн чүкче – чөөн талакы черлерже Исаактан аңгылап чорудупкан.

Эге дөс 29:1

Иаков оруун уламчылап чорупкан. Ханаандан чөөн чүк талазында бир чуртка чеде бергеш,

Эге дөс 32:14

200 өшкү, 20 хуна, 200 хой, 20 кошкар,

Эге дөс 34:23

Бис чөпшээрежипкеш, кады чурттап эгелээривиске-ле, оларның бүгү өнчү-хөреңгизи, мал-маганы бистии болбас деп бе?» – деп чугаалааннар.

2 Хааннар 12:2

Бай кижиниң шээр болгаш бода малы кончуг хөй турган.

3 Хааннар 4:30

Соломоннуң мерген угааны Чөөн чүктүң база Египеттиң бүгү улузунуң мерген угаанын ажып турган.

4 Хааннар 15:20

Менаим ол акша-мөңгүннү израильчилерден төлеттирип алган. Бай кижи бүрүзү-ле Ассирияның хаанынга бээр кылдыр бежен шекел мөңгүн дужаар ужурлуг турган. Ынчан Ассирияның хааны чуртту эжелевейн барып, ээп чана берген.

4 Хааннар 3:4

Моавтың хааны Меша хөй малдыг турган чүве-дир. Ол Израильдиң хаанынга үндүрүг төлеп, 100 000 хойну база 100 000 кошкарның кыргаан дүгүн чорудуп берип турган.

1 Чылдар 27:30

тевелерни – измаил уктуг Овил; элчигеннерни – Меронот чурттуг Иехдия;

2 Чылдар 26:10

Ол ээн кургаг ховуга база камгалал суургалар тудуп, хөй кудуктар оюп кылып каан, чүге дээрге шат болгаш оргулааш черлерде хөй сүрүг малдыг турган. А дагларга болгаш дүжүткүр черлерге ооң тараачыннары база виноград ажаакчылары ажылдап турган, чүге дээрге Озия чер ажылынга ынак кижи чүве-дир.

2 Чылдар 32:29

Бодунга ол хоорайлар тудуп алган. Шээр болгаш бода малының коданнары база дыка хөй турган, чүге дээрге Бурган аңаа байлакты бажын ажыр хайырлаан чүве-дир.

Иов 1:10

Сен ооң бодун, өг-бүлезин база кошкул-хөреңгизин бүгү талазындан камгалап турбаан сен бе? Ооң холунуң ажыл-херээнге ачы-буян хайырлаан сен, ооң кодан-кодан малдары чер кырында өзүп-көвүдеп-ле турар-дыр.

Иов 1:4

Ооң оолдары ээлчег аайы-биле бот-боттарының бажыңнарынга найырлап-дойлаар дээш чыглыр, олар-биле кады дойлазын дээш кыс дуңмаларын база кыйгырып аар чаңчылдыг чүве-дир.

Иов 21:28

Силер: „Ноянның оран-савазы ам кайыл, бузуттуглар чурттап турган бажың кайыл?“ – дээр-дир силер.

Иов 29:25

Мен оларга орук айтып, баштыңы бооп турдум, бодунуң шерииниң аразында хаан дег, качыгдааннарга аргалакчы дег чурттап чордум».

Иов 31:25

бир эвес байлаамның эгээртинмезинге, холум хөйнү чыып алганынга өөрүп турган болзумза;

Иов 31:37

Базымнарым санын Бурганга ажыдып берип, ызыгууртан кижи дег бажым көдүрүп, Олче чоокшулаар ийик мен.

Иов 42:10

Иов эш-өөрү дээш мөргүп дооскан соонда, Дээрги-Чаяакчы аңаа эки чолду эгидип берген: ооң мурнунда турганындан ийи катап хөйнү хайырлаан.

Иов 42:12

Дээрги-Чаяакчы Иовтуң чуртталгазының арткан чылдарында аңаа, биеэги чылдарынга бодаарга, оон-даа хөй ачы-буян хайырлаан. Ол ам 14 000 хой-өшкүлүг, 6000 тевелиг, 1000 эжеш шарылыг болгаш 1000 кыс элчигенниг апарган.

Чугаалар 10:22

Дээрги-Чаяакчының ачы-буяны кижини байыдар, ооң-биле кады хилинчек келбес.

Иеремия 49:28

Вавилоннуң хааны Навуходоносорнуң чылча шаап кааны Кедар биле Асор деп күрүнелер дугайында Дээрги-Чаяакчы мынча дээн: «Кедарга удур дайылдажып үнүңер, чөөн чүктүң аймак-чоннарын узуткаңар!

Саннар 23:7

Валаам чеченчидир медеглеп эгелээн: «Валак мени арамей чурттан, Моавтың хааны мени чөөн чүкте даглардан бээр эккеп: „Чедип кээп көр, меңээ дузалап, Иаковка каргыштан салып көр, чедип кээп көр, Израильди каргап көр“ – диди.

Баштыңчылар 6:3

Израиль чон тараазын тарып каарга-ла, мадианнар, амаликтер болгаш чөөн чүктүң өске-даа аймактары келгеш, оларның черинче халдаар турган.

Баштыңчылар 6:5

Олар мал-маганы-биле, майгыннары-биле кээр боорда, оларның боттары болгаш тевелери саң-түң чок турганындан, шартылаа дег хөй санныг кээр турганнар, ынчангаш израиль черни хоозурадыр таптай базып турганнар.

Баштыңчылар 7:12

Мадианнар, амаликтер база өске чөөн аймактар шынаа сыңмас шартылаалар дег хөй чыглы берген турган, а оларның тевелери далай эриинде элезин дег санап четпес болган.

Баштыңчылар 8:10

Зевей биле Салман чөөн чүктүң аймактарының бүгү аг-шериинден арткан 15 000 хире дайынчызы-биле кады Каркорга турганнар, оларның хылыш тудуп шыдаар 120 000 шерии кырлып калган.

1 Хааннар 25:2

Маон хоорайга хөлчок бай-шыдалдыг бир-ле кижи чурттап чораан. Ооң ээлээн чери Кармил хоорайга турган. Ол 3000 хойлуг, 1000 өшкүлүг чүве-дир. Хой-өшкүзүн ол Кармилге кээп кыргып турган.

1 Хааннар 27:9

оларны кыргып-хыдып каапкан. Эр-даа, херээжен-даа улусту дириг арттырбайн, шээр болгаш бода малдарын, элчигеннерин, тевелерин база идик-хевин былаап алгаш, Анхуска чедип кээп турган.