Иоил 2:3 - Ыдыктыг Библия

³ Ол чоннуң мурнунда хөме ап турар от бар, а артында – өрттендир чип турар чалбыыш бар. Ол бээр келбээнде, бо чер Эдемниң сесерлии дег турган, а ол келгеш баарга, кургап калган хову дег апаар. Кым-даа ол чондан камгаланып шыдавас.

Иоил 2:3 Iomraidhean Croise

Эге дөс 13:10

Лот топтап көргеш, Иордан хемниң чоок-кавызында Төгерик шынааны көрүп каан. Ол чер Сигор хоорайга чедир, Дээрги-Чаяакчының сесерлии дег, египет чер дег, суггаттыг болган. (Ук чер Дээрги-Чаяакчы Содом биле Гоморра хоорайларны узуткап каарынга чедир ындыг турган.)

Эге дөс 2:8

Чөөн чүкте Эдем деп черге Дээрги-Бурган-Чаяакчы сесерлик тарып өстүргеш, чаяап каан кижизин аңаа чурттадып каан.

Ырлар 50:3

Энерелдииң-биле мени өршээ, Бурганым, эгээртинмес ээ-хайыраң-биле кемниг херектерим балап каавыт.

Ырлар 97:3

Ол Бодунуң израиль чонунга шынчызы биле энерелин бодап келди. Чер-делегейниң кайы-даа ужу-кыдыы Бурганывыстың тиилелгезин көрүп кагды.

Хосталыышкын 10:15

Ол черниң кырын шыва аптарга, чер кыры кара бизирт апарган. Шартылаа черниң бүгү оът-сигенин болгаш ыяштарның бүрүлериниң долу соонда бүдүн артканнарын чипкен: бүгү египет черге – ыяштарга-даа, оът-үнүшке-даа – ногаан бүрү артпаан.

Хосталыышкын 10:5

Ол чериң кырын шыва аптарга, чер көзүлбестей бээр. Шартылаа силерде долу соонда бүдүн арткан бүгү чүвени чиптер; шөлдерде үнген ыяштарның шуптузунуң бүрүлерин база чиптер.

Исайя 14:17

Делегейни ээнзиреткен, бүгү хоорайларны үреп бускан, тудуп аппарган улузун бажыңынче чандырбайн турган кижи бо бе?“

Исайя 15:6

Нимрим хемниң суу соглуп калган, шыктар кургап, оът-сиген оңа берген – үнүш-дүжүт артпаан.

Исайя 33:4

Чоннар, дайзын силерниң араңарга олча-тывышты шартылаа ышкаш чыыр, шерги ышкаш, олче хөме шурай бээр!

Исайя 51:3

Дээрги-Чаяакчы Сионну ыяап-ла аргалаар, Ол ооң бүгү бузундуларын аргалаар, ээн кургаг ховуларын Эдем сесерлии ышкаш, ээн черлерин – Дээрги-Чаяакчының сесерлии ышкаш кылып каар; Сионну өөрүшкү биле хөглел долар, алгаг-мактал ырлары дыңналыр.

Исайя 9:18

Оларның бузуду от ышкаш чалбыышталып, тенниг бок үнүштү чип, арга-арыгны өрттедип тур – ыш адагашталдыр көдүрлүп үнүп тур.

Исайя 9:19

А Аг-шериглиг Дээрги-Чаяакчының килеңи черни өрттендир чиир, чон оттуң чемижи апаар. Кым-даа бодунуң ха-дуңмазын кээргевес;

Иеремия 5:17

Ол чон силерниң дүжүдүңерни, аъш-чемиңерни сыырыптар, оглу-кызыңарны база сыырыптар, мал-маганыңарны чиптер, виноградыңарны, фига чимизиңерни база чиптер. Ол силерниң идегеп турар быжыглалдыг хоорайларыңарны хылыш-биле чылча шаап каар.

Иезекиил 36:35

Олар ынчан: „Ээнзиреп турган бо чер Эдем сесерлии дег апарды. Буступ дүшкен, кижи чок калган, хоозураан хоорайлар ам быжыгып, чурттакчыларлыг апарды“ – дээр.

Амос 7:4

Дээрги-Бурган-Чаяакчы меңээ мындыг көстүүшкүн чорудуп берген. Ол от-биле шииткел үндүрерин чарлады; шак ол от чер адаанда өндүр улуг сугларны, ол кезек черни өрттендир чип эгеледи.

Аввакум 1:6

Көрүңер даан, Мен ам халдей чонну күштелдирер мен; ол дээрге бодунга хамаарышпас хоорай-суурларны эжелеп алыр дээш чер-делегей кезип чоруур, каржы-хажагай, хайжок чон болгай.

Захария 7:14

Мен оларны билбес чорааны бүгү чоннарже тарадыр хадыдыптым. Оларның соонда чер-чурту ээнзиреп, ону тавартыр кым-даа ыңай-бээр чорбас апарган. Олар ынчалдыр боттарының кайгамчык чараш черин ээн куруг кылып алган».