Иоанн 4:10 - Ыдыктыг Библия

¹⁰ Иисус: «Сен Бурганның бээр хайыразын база Кым сеңээ: „Сууңдан Меңээ берем“ – деп турарын билген болзуңза, бодуң-на Оон дилей бээр ийик сен, а Ол сеңээ амыдырал хайырлаар сугну бээр ийик» – деп харыылаан.

Иоанн 4:10 Iomraidhean Croise

Ырлар 46:4

Ол өске аймактар болгаш чоннарны биске чагыртып, буттарывыс адаанга салып кагды.

Хосталыышкын 17:6

Оон Мен аңаа – Хорив дагда хая кырынга – сээң мурнуңга туруп алыр мен. Сен ынчан ол хаяны кагарыңга, оортан суг ага бээр, чон ол сугну ижип алыр». Израиль баштыңнар көрүп турда, Моисей ынчалдыр кылган.

Соломоннуң өндүр бедик ырызы 4:15

Сесерликте суг бажы сен, агым суглар сен, кудук сен, Ливандан агып баткан суглар сен.

Исайя 12:3

камгалалдың кудуктарындан сугну өөрүшкүлүг узуп аар силер.

Исайя 35:6

Ынчан аскак кижи иви ышкаш шурап, үнү чок кижи өөрүшкүлүг ырлап эгелээр. Ээн кургаг ховуга суг баштары үндүр аттыгып, ховуга суглар агып эгелээр.

Исайя 42:6

«Мен, Дээрги-Чаяакчы, чөптүг-шынныг чорук боттандырар дээш чалчам сени кыйгырган мен, сени холуңдан чедип аар мен, кадагалаар мен. Сени дамчыштыр улус-чон-биле керээ чарар мен база бүгү чоннарга чырык эккээр мен.

Исайя 43:20

Черлик аң-мең безин Мени алдаржыдар – шөө-бөрүлер, страус куштар. Чүге дээрге Мен Бодумнуң шилип алган чонумга ижиртир дээш, ээн кургаг ховуже суг, ээн черже – хемнер аксып тур мен.

Исайя 44:3

Мен кагып-суксаан черже сугну, кургап калган черже – сугларны аксыр мен. Бодумнуң Сүлдем-биле сээң үре-салгалыңны, ачы-буяным-биле – ажы-төлүңнү бүргээр мен!

Исайя 49:10

Олар аштавас-даа, суксавас-даа, дендии изиг хүнден-даа качыгдавас. Кээргей көрген Бурган оларны эдертип аппаргаш, суг баштарынга чедире бээр.

Исайя 9:6

Чаш төл бис дээш төрүттүнген, оолду биске берген болгай! Эрге-чагырга демдээ ооң эгиннеринде, ол «Кайгамчык чөвүлекчи», «Мөге-шыырак Бурган», «Мөңге ада», «Амыр-тайбың хайырлаар чагырыкчы» деп адаттырар.

Иеремия 2:13

Мээң чонум бузуттуг ийи херек үүлгеткен: ол Мени, амыдырал хайырлаар суг бажын, каапкаш, суг ызырынмас, үрелип бузулган доскаарлардан суг узуксап турар.

Иезекиил 16:35

Ынчангаш, самыыраан Израиль, Дээрги-Чаяакчының сөзүн дыңна!

Захария 13:1

«Ол хүн Давидтиң салгалынга база Иерусалимниң чурттакчыларынга суг бажы аттыгып үнгеш, оларны бачыттан база бужар-багындан арыглап чуур.

Захария 14:8

Ол хүн Иерусалимден амыдырал хайырлаар суг агып бадар: ооң бир чартыы чөөн чүкте далайже, өске чартыы – барыын чүкте далайже киир агар; чайын-даа, кыжын-даа ындыг боор.

Лука 11:13

Бир-тээ, бузуттуг-бак-даа тургаш, ажы-төлүңерге буянныг белек берип шыдаар болзуңарза, силерниң дээрде Адаңар Оон диленгеннерге Ыдыктыг Сүлдени бербес деп бе?»

Иоанн 16:3

Олар силерни ынчалдыр аажылай бээр, чүге дээрге Адамны-даа, Мени-даа билбес-тирлер.

Иоанн 17:3

А мөңге амыдырал дээрге-ле дың чаңгыс алыс шын Бурган болур Сени база Сээң айбылап чорутканың Иисус Христосту билип алыры болгай.

Иоанн 3:16

Аңаа бүзүрээн кижи бүрүзү өлбезин, харын мөңге амыдыралдыг болзун дээш, Бурган Бодунуң эр чаңгыс Оглун берипкен. Ооң бо делегейниң улузунга ынакшылы ол хире болган-дыр.

Иоанн 4:14

А Мээң аңаа бээрим сугну ижер кижи кажан-даа суксавас. Мээң аңаа бээр суум ооң иштинге мөңге амыдыралче агып баткан суг бажы болу бээр».

Иоанн 6:35

Иисус оларга мынча дээн: «Мен дээрге амы-тынны бээр хлеб-тир мен. Мени сурап кээр кижи кажан-даа аштавас база Меңээ бүзүрээн кижи кажан-даа суксавас.

Иоанн 6:51

Мен дээрге дээрден дүжүп келген, амылыг хлеб-тир мен. Ол хлебти чиген кижи мөңге амыдыралды алыр. Мээң аңаа бээрим хлеб дээрге-ле Мээң мага-бодум ол-дур. Мен ону бо делегейниң улузу амыдыразын дээш, берип турар мен».

Ажыл-чорудулга 9:11

Дээрги-Чаяакчы аңаа мынча деп айыткан: «Бо дораан Дорт дээр кудумчуга бар, оон Иуданың бажыңындан Тарс хоорай чурттуг Савл дээр кижини айтыр, ол ам ында мөргүп турар-дыр.

Римчилерге 8:32

Кым-даа эвес! Бодунуң Оглун хайыралаваан, Ону бистиң шуптувус дээш, өлүмге берипкен Бурган арткан бүгү чүүлдү Оглу-биле катай биске белек кылдыр бербес деп бе? –

1 Коринфичилерге 1:30

Бурганның ачызында силер ам Христос Иисуска башкарты берген силер. Бурганның мерген угааны биске Ону дамчыштыр боттанган. А ол мерген угаан бисти актыг болгаш ыдыктыг кылып кааш, бачыттардан хостаан.

1 Коринфичилерге 10:4

чаңгыс-ла ол, Сүлде хайырлаан суксунну ижип турганнар. Ол улус Сүлдеге башкарткан Хаядан аккан суксун ишкен, а оларны үдеп чораан ол Хая – Христос болган.

2 Коринфичилерге 9:15

Сөс-биле чугаалап четпес белээ дээш, Бурганга өөрүп четтирээлиңер!

Эфесчилерге 2:8

Ийе, силер Бурганның авыралы-биле бүзүрелиңер дамчыштыр камгалал алган силер. Ол дээрге силерниң ачы-хавыяаңар эвес, а Бурганның белээ-дир!

Еврейлерге 6:4

Бир катап алыс шынның чырыын көрүп каан, дээрниң белээн четтирип шенээн, Ыдыктыг Сүлдениң күчү-күжүн ожаап билип каан, Бурганның сөзүнүң буянныг дээжин база Ооң ам кээр делегейиниң күжүнүң салдарын четтирип шенээн, а ооң соонда Христостан ойталаан улус бар дижик. База катап бачыдын миннип, Бурганче эглириниң оруу ындыг улуска муңгаш, чүге дээрге олар боттарынга хамаарыштыр Бурганның Оглун база катап хере шаап, Ону улус мурнунга дорамчылап турарлар.

1 Иоанн 5:20

Ол ышкаш Бурганның Оглунуң келгенин база алыс шын Бурганны билип алзыннар дээш, биске угаап билиишкинни эккелгенин билир бис. Ынчангаш бис алыс шын Бурган-биле сырый харылзаалыг амыдыраар бис, чүге дээрге Ооң Оглу Иисус Христос-биле харылзаалыг-дыр бис. Ол дээрге алыс шын Бурган-дыр, Ол дээрге мөңге амыдырал-дыр.

Ажыдыышкын 21:6

Ол ооң соонда меңээ мынча диди: «Боттанган-дыр! Мен Альфа болгаш Омега, эгези болгаш төнчүзү-дүр мен. Кагып-суксаан кижиге амыдырал хайырлаар суг бажындан халаска ижиртир мен.

Ажыдыышкын 22:17

Сүлде-даа, душтук кыс-даа: „Чедип кел!“ – деп чугаалап тур. Ону дыңнап турар кижи база: „Чедип кел!“ – дизин. Суксаан кижи база чедип келзин. Күзээн-не кижи бо халас белекти – амыдырал хайырлаар сугну дозуп алзын».

Ажыдыышкын 7:17

Чүге дээрге дүжүлгениң ортузунда олурар Хураган оларның кадарчызы апаар база амыдырал хайырлаар суг бажынче алгаш баар. Бурган улустуң караанда чаш бүрүзүн чодуп бээр».