Иоанн 4:1 - Ыдыктыг Библия

¹ Иисустуң, Иоаннга бодаарга, хөй өөреникчилер хаара тудуп база хөй улусту сугже суп турарын фарисейлер дыңнап каан.

Иоанн 4:1 Iomraidhean Croise

Лука 1:76

А сен, чаш оглум, Дээди Өрүкүнүң медээчизи деп адаттырар сен, чүге дээрге Дээрги-Чаяакчының оруун белеткеп бээр дээш, Ону мурнай чоруур-дур сен.

Лука 19:31

Бир эвес кандыг-бир кижи силерден: „Элчигенни чүге чеже бердиңер?“ – деп айтырар болза, аңаа: „Ол Дээргиге херек апарды“ – дээр силер».

Лука 19:34

Олар: «Ол Дээргиге херек апарды» – деп харыылааннар.

Лука 2:11

Силерниң Камгалакчыңар, Дээрги Христос бөгүн Давидтиң төрээн хоорайында төрүттүнген-дир!

Лука 7:13

Аваны көрүп кааш, Дээрги Иисус ону кээргей бергеш: «Ыглавайн көр» – деп дилээн.

Лука 7:19

Иоанн оларның ийизин кый деп алгаш, Дээрги Иисустан мынча деп айтырары-биле айбылапкан: «Чедип кээр ужурлуг Кижи Силер силер бе азы өскезин манаар бис бе?»

Иоанн 3:22

Иисус ооң соонда өөреникчилери-биле кады Иудеяже чедип келгеш, олар-биле кады аңаа элээн өйде артып калгаш, улусту сугже суп турган.

Иоанн 3:26

Олар Иоаннга чедип келгеш, мынча дээннер: «Башкы, Иорданның ол чарыынга кады турганыңар база Ооң дугайында херечилеп чугаалааныңар Кижини сактыр-дыр силер бе? Ынчаарга Ол база улусту сугже суп тур, а хамык улус Олче сөктүп кээп туруп берди».

Ажыл-чорудулга 10:36

Бурганның израиль чонга чорудуп бергени медээ дугайында билир силер. Амыр-тайбың дугайында Буянныг Медээзин Ол бүгүдениң Дээргизи Иисус Христостуң аксы-биле медегледи.

1 Коринфичилерге 1:17

Христос мени улусту сугже суксун дээш эвес, а Буянныг Медээни суртаалдазын дээш, чоруткан болгай. Ындыг-даа болза, суртаалым чечен, мерген сөстерге үндезилеттинмээн, оон башка Христостуң белдир-ыяшка өлүмү ужур-утказын чидириптер ийик.

1 Коринфичилерге 15:47

Баштайгы кижи черден келген, дой-довурактан чаяаттынган, а ийиги Кижи* дээрден келген.

1 Коринфичилерге 2:8

Бо делегейниң чагырыкчыларындан кым-даа ону билип шыдаваан, оон башка олар өндүр улуг Дээргивисти хере шаппас ийик.

2 Коринфичилерге 4:5

Боттарывысты алдаржыдар дээш суртаалдавайн турар болгай бис, харын Иисус Христос – Дээргивис дээрзин, а бис – Иисус дээш, силерниң чалчаларыңар бис дээрзин суртаалдап турар болгай бис.

Иаков 2:1

Ха-дуңма! Өндүр улуг Дээргивис Иисус Христоска бүзүрээр болганыңарда, улусту ылгай көрбеңер.

Ажыдыышкын 19:16

Ооң дөңмээнде болгаш ак хевинде: «Хааннарның Хааны база дээргилерниң Дээргизи» деп ат бижиттинген болду.