Иоанн 3:10 - Ыдыктыг Библия

¹⁰ «Сен, Израильдиң башкызы эртип, ону канчап билбезиң ол? – деп, Иисус аңаа харыылаан. –

Иоанн 3:10 Iomraidhean Croise

1 Чылдар 29:19

А Мээң оглум Соломонну Сээң айтыышкыннарыңны, дужаалдарыңны, дүрүмнериңни хажык чокка чүрээниң ханызындан күүседир, мээң белеткеп кааным чүүлдер-биле ыдыктыг өргээни тудар болдуруп көр».

Ырлар 51:10

А мен Бурганның өргээзинде ногаарарган ыяш дег мен, Бурганның энерелинге кезээ мөңгеде идегээр мен.

Ырлар 51:6

Сээң нүгүлдүг аас-дылың өлүмнүг сөстерге ынак апарган-дыр.

Ырлар 73:1

Бурганывыс, чүге бистен кезээ шагда ойталадың, чүге Сээң килеңиң кодан хоюңче кыптыгып турарыл?

Исайя 56:10

Мында доскуулчулар – согур, угаан чок, олар шупту – үнү чок, ээрип шыдавас ыттар-дыр. Шөлээн удумзурап чыдар, удуурунга аажок ынак болгайлар.

Исайя 9:16

Башкарыкчылары бо чонну өскээр эдерткен: оларга башкарткан улус оруундан аза берген.

Иеремия 31:33

Мен ол хүннерде израиль чон-биле мындыг чагыг-керээ чарар мен: Бодумнуң дүрүм-хоойлумну оларның угаан-медерелинче киирер мен, оларның чүректеринге бижип каар мен! Мен оларның Бурганы болур мен, а олар Мээң чонум болур – деп, Дээрги-Чаяакчы медеглээн. –

Иезекиил 11:19

Мен оларга чаңгыс аай чүректи хайырлап, оларны чаа сүлде-биле бүргээр мен; оларның дашталган чүрээн ап каапкаш, чымчак чүректи бээр мен.

Матфей 11:25

Иисус ол өйде мынча дээн: «Ачай, дээр биле черниң Дээргизи! Бо чүүлдерни мерген угаанныглар болгаш эртем-билиглиглерден чажыргаш, чаштарга көргүскениң дээш, Сени алдаржыдып тур мен!

Матфей 15:14

Оларже сагыш салбаңар. Олар дээрге согурларны чедип чоруур согурлар ышкажыл. А согурну согур кижи чедер болза, олар ийилээ оңгарже кээп дүжер» – деп харыылаан.

Матфей 22:29

Харыызынга Иисус мынча дээн: «Соора барган-дыр силер, чүге дээрге Бижилгелерни-даа, Бурганның күчү-күжүн-даа билбес-тир силер.

Лука 2:46

Олар Ону чүгле үш хүн эрткенде, Бурганның өргээзинден, башкылар аразында турупкан, оларны дыңнап база олардан айтырыглар салып олурган черинге тып алганнар.

Лука 5:17

Бир-ле катап Иисус чонну өөредип орда, Галилеяның база Иудеяның бүгү суурларындан болгаш Иерусалимден чыглып келген фарисейлер биле ном-хоойлу тайылбырлакчылары база Ооң дыңнакчыларының аразынга олурганнар. Дээрги-Чаяакчының аарыг кижилерни экиртир күчү-күжү Иисуста бар турган.

Иоанн 3:9

Никодим Оон: «Ол канчап ындыг болур чүвел?» – деп айтырган.

Ажыл-чорудулга 5:34

Оларның аразынга бүгү чонга хүндүткелдиг ном-хоойлу тайылбырлакчызы Гамалиил дээр фарисей турган. Ол дээди иудей Чөвүлелдиң мурнунга туруп келгеш, элчиннерни бичии када үндүрүптерин дужааган.

Римчилерге 2:28

Даштыкы ылгавыр демдектери-биле иудей бооп турар кижи ёзулуг иудей болбас, мага-ботта даштыкы кыртыжап демдектээшкин ёзулуг кыртыжап демдектээшкин болбас.

Ы. х. к. 10:16

Ынчангаш Дээрги-Чаяакчыга хамааржырыңарны демдектеп, чүректериңер арыглап алыңар, моон соңгаар чөрүү болбаңар.

Ы. х. к. 30:6

Дээрги-Чаяакчы Бурганыңга бүгү чүлдү-чүрээң-биле, бүгү сеткил-сагыжың-биле ынак болзун дээш, сээң-даа, үре-салгалыңның-даа чүректерин Ол Бодунга бараалгадып, демдектээр, ынчан дириг артар сен.

Филипчилерге 3:3

Чүге дээрге ылап-ла кыртыжап демдектеткен улус – бис-тир бис, Сүлдени дамчыштыр Бурганга бараан болган, Христос Иисус-биле мактанып шыдаар база мага-ботка кылган ёзулалдарга ынанмас улус-тур бис.

Колосчуларга 2:11

Ооң-биле харылзаалыг апаргаш, кыртыжап демдектээшкинни база алган силер. Ынчалза-даа кижи холу-биле кылган кыртыжап демдектээшкин эвес-тир ол – Христостуң кылган кыртыжап демдектээшкини бачыттыг бүдүжүңерни адыра сивирип каапканыңарда.