Иоанн 10:8 - Ыдыктыг Библия

⁸ Мээң мурнумда кээп турганнарның дөгерези – оорлар болгаш дээрбечилер-дир. Ынчалза-даа хойлар оларны дыңнавайн барган.

Иоанн 10:8 Iomraidhean Croise

Иеремия 23:1

Дээрги-Чаяакчы: «Мээң коданымда хойларны чок кылып, тарадыр сывырып турар кадарчылар ат болур!» – деп медеглээн.

Иезекиил 34:2

«Кижи амытан, израиль чонну кадарып турар чагырыкчыларга удур өттүр билип медегле. Дээрги-Бурган-Чаяакчының чугаалаан чүвезин оларга дамчыдып медегле: чүгле боттарынче сагыш салып чоруур Израильдиң кадарчылары ат болур! Кадарчылар кодан малынче сагыш салыр ужурлуг эвес чүве бе?

Софония 3:3

Ооң нояннары ырланган арзылаңнар дег-дир, баштыңчылары – кежээ чимзенген, эртенге чедир чаңгыс-даа сөөк арттырбас бөрүлер дег-дир.

Захария 11:16

Чүге дээрге Мен бо чуртка бир чаа кадарчы бээр мен, ол кадарчы өлүр деп барган хойларже сагыш салбас, читкен хойларны дилевес, кемдээн хойларны эмневес, кадыктарын чемгербес, харын-даа семис хойларның эъдин чиир, оларның дуюгларын үзе тыртып кааптар.

Иоанн 10:1

«Алыс шынны силерге чугаалап тур мен: хой кажаазынче эжик дамчыштыр эвес, а кандыг-бир өске арга-биле кирер кижи – оор болгаш дээрбечи-дир.

Иоанн 10:27

Мээң хойларым Мээң үнүмнү дыңнап турар. Мен база оларны билир мен, олар Мени эдерип чоруур.

Иоанн 10:5

Хойлар өске кижини эдербес, харын хоюп маңнажы бээрлер, чүге дээрге өске кижиниң үнүн билир эвестер».

Ажыл-чорудулга 5:36

Элээн каш чыл бурунгаар маңаа бодун өндүр улуг кижи кылдыр мегеленген Февда дээрзи турду чоп. Аңаа 400 хире кижи каттыжа берген болгай. Ынчалза-даа Февданы өлүрүп каарга, ону эдерген улус дөгере тарай халчы бергеш, сураг бардылар.