Иоанн 10:3 - Ыдыктыг Библия

³ Таңныыл аңаа эжикти ажыдып бээр. Хойлар ооң үнүн дыңнаар, ынчангаш ол бодунуң хойларының адын адап кыйгыргаш, сүрүп үндүре бээр.

Иоанн 10:3 Iomraidhean Croise

Ырлар 80:1

Хөгжүм башкарыкчызынга. Гиттит деп хөгжүм херексели үдээр. Асафтыы.

Хосталыышкын 33:17

Дээрги-Чаяакчы Моисейге: «Сээң бо дилеп турар чүвеңни база күүседир мен, чүге дээрге сен Мээң ээ көрнүүшкүнүмнү чедип алган-дыр сен, Мээң чоок таныырым кижи-дир сен» – деп харыылаан.

Чугаалар 27:23

Шээр малыңның шуптузун бирден бирээ чокка танып ал, кодан сүрүүңче сагыштан сал:

Соломоннуң өндүр бедик ырызы 8:13

Сесерликтерде олурар кыс! Эш-өөрүң сээң үнүңнү дыңнаалап тур: меңээ база үнүңнү дыңнадып көр!

Исайя 40:11

Ол Бодунуң сүрүг малын, кадарчы кижи ышкаш, кадарып турар: хураганнарны холунга тудуп, кужактап алгаш, төрүүр хойларны сүрүп бар чыдар.

Исайя 42:16

Мен согурларны оларның билбези оруктар-биле эдертир мен, оларга билдинмес турган оруктар-биле эдертир мен. Оларның мурнунга дүмбей караңгыны чырык кылдыр хуулдуруптар мен, ээр-дагыр оруктарны дорттап каар мен. Чонум дээш, ол бүгүнү кылыр мен, оон ойталавас мен.

Иоанн 10:14

Мен – ачылыг кадарчы-дыр мен, Бодумнуң хойларымны билир мен, Мээң хойларым база Мени билир.

Иоанн 10:16

Менде бо кодандан эвес, өске хойлар база бар – Мен оларны база бөлүп эккээр ужурлуг мен. Олар база-ла Мээң үнүмнү дыңнаар, ынчангаш чаңгыс кадарчылыг чаңгыс кодан турар!

Иоанн 10:4

Ол бодунуң хойларын шуптузун үндүр сүрүп алгаш, оларның мурнунга чоруур, а хойлары ооң үнүн таныыр болгаш, ону эдерип чоруптарлар.

Иоанн 10:9

Мен – хойларга эжик-тир мен. Мени дамчыштыр кирер кижи камгалалды алыр. Ол эжик дамчыштыр кире бээр болгаш үне бээр база бодунга одар-белчиирни тып алыр.

Иоанн 6:37

Адамның Меңээ берген бүгү чүвези Меңээ чедип кээр база Меңээ чедип келген кижини черле үндүр сывырбас мен.

Иоанн 6:45

Медээчилерниң номнарында мынчаар бижээн: „Олар шуптузу Бургандан өөредиг алыр“. Адамны дыңнааш, Оон өөренип алган бүгү улус Меңээ чедип кээр.

Римчилерге 8:30

Бурган кымнарны ындыг боору-биле баш удур шилээнил, оларны кыйгырып алган. А кыйгырып алган улузун актыг деп чарлааш, а ооң соонда өндүр бедик байдалга чедирген. –

1 Коринфичилерге 16:9

Мээң удурланыкчыларым хөй-даа болза, аңаа улуг ажыл-херек чогудар арганы берип турар делгем орук ажыттынган-дыр.

Филипчилерге 4:3

Мээң шынчы эжим, сени база дилеп тур мен: бо херээженнерге дузадан кат. Олар мээң-биле, Климент-биле база амыдыралдың номунче аттарын киир бижээн өске-даа кады ажылдап турар эштерим-биле Буянныг Медээ дээш, эгин кожа туржуп келгеннер болгай.

Колосчуларга 4:3

Бис дээш база Бурган медээвиске орукту ажыдып берип, Христостуң чажыдын суртаалдаар арганы биске берзин дээш, мөргүңер. Ол суртаал ужун мен ам хоругдал адаанда тур мен.

2 Тимофейге 2:19

Ынчалза-даа Бурганның салып кааны быжыг үндезин мындыг сөстер-биле таңмалаттынгаш, тендиш дивейн тур: «Дээрги-Чаяакчы кымның Аңаа хамааржырын билир», а ол ышкаш: «Дээрги-Чаяакчыга хамааржыр мен дээн кижи бүрүзү бузуттан ырай берзин».

1 Пётр 1:12

Бурган медээчилерге оларның боттарынга эвес, а силерге бараан бооп турарын көргүскен. Дээрден айбылап бадырган Ыдыктыг Сүлдеге башкарткаш, Буянныг Медээни медеглээн улустан силер ол бүгүнү ам кээп дыңнаан болгай силер. Дээрниң төлээлери-даа ол бүгүнү аажок билип алыксап, дөстүнмейн турарлар.

1 Иоанн 4:6

А бис Бурганга хамааржыр бис. Бурган кымга билдингир апарганыл, ол кижи бисче кулак салып, дыңнаар. Кым Бурганга хамаарышпазыл, ол кижи бисти дыңнавас. Улуска алыс шынны эккээр Сүлдени база улусту мегелээр сүлдени бис ынчалдыр ылгап шыдаар-дыр бис.

3 Иоанн 1:14

Удавас сээң-биле арын көржүп ужуражырымга база аравыста хөөрежи бээривиске идегеп тур мен.

Ажыдыышкын 20:15

Амыдыралдың номунче адын киир биживээн кижи бүрүзүн оттуг хөлче киир октапкан.

Ажыдыышкын 3:20

Дыңнаңар, Мен эжик артында соктап тур мен. Мээң үнүмнү дыңнааш, эжиин ажыдыптар кижиниң бажыңынче киргеш, ооң-биле кады чемненир мен.

Ажыдыышкын 7:17

Чүге дээрге дүжүлгениң ортузунда олурар Хураган оларның кадарчызы апаар база амыдырал хайырлаар суг бажынче алгаш баар. Бурган улустуң караанда чаш бүрүзүн чодуп бээр».