Иоанн 10:2 - Ыдыктыг Библия

² А эжик дамчыштыр кирген кижи – хойларның кадарчызы ол-дур.

Иоанн 10:2 Iomraidhean Croise

Ырлар 23:1

Чер-делегей болгаш ону долган бүгү чүве, өртемчей болгаш ында чурттаан бүгү амытаннар Дээрги-Чаяакчыга хамааржыр;

Ырлар 80:1

Хөгжүм башкарыкчызынга. Гиттит деп хөгжүм херексели үдээр. Асафтыы.

Экклесиаст 12:11

Мерген угаанныгларның сөстери – мал сүрүкчүзүнүң шиш баштыг ыяжы дег база чыып каан угаадыглыг чугаалары – чаңгыс Кадарчыдан келген кадап каан өргеннер дег.

Исайя 40:11

Ол Бодунуң сүрүг малын, кадарчы кижи ышкаш, кадарып турар: хураганнарны холунга тудуп, кужактап алгаш, төрүүр хойларны сүрүп бар чыдар.

Исайя 63:11

Ынчан Ооң чону эрте-бурунгу үени, Моисейниң үезин сактып келген – Бодунуң сүрүүн кадарчылары-биле кады далайдан үндүре берген Бурган кайыл, чонунга Бодунуң ыдыктыг Сүлдезин хайырлаан Бурган кайыл,

Иезекиил 34:23

Хоюмнуң бажынга чаңгыс кадарчыны, Мээң чалчам Давидтиң салгакчызын, салып каарымга, хойларымны кадарып, оларга кадарчы апаар.

Михей 5:5

Чагырыкчы чонга амыр-тайбыңны хайырлаар. Бистиң чуртувусче ассирийлер кирип келгеш, ордуларывысты таптаар болза, оларга удур чеди азы сес баштыңчыны көдүрер бис.

Захария 11:3

Кадарчыларның ыы-сыызы дыңналып тур: оларның байлак-чаагай одар-белчиири узуткаттынган-дыр. Аныяк арзылаңнарның ырланган алгызы дыңналып тур: Иордан шынаазында оларның шыргайлары узуткаттынган-дыр.

Захария 11:5

Оларны садып алган улус буруузунмайн кыра шаап кааптар, а садыпкан улус: „Дээрги-Чаяакчыга алдар, мен байый бердим!“ – дээр; кадарчылар хойларын кээргевес.

Захария 11:8

Бир ай дургузунда өске үш кадарчыны узуткап каан мен. Ол садыгжылар меңээ хөңнү чок апарган, мен база олардан хөңнүм кала берген.

Захария 13:7

«Хылыш, Мээң томуйлаан кадарчымче, Мээң чоок кижимче халда! – деп, Аг-шериглиг Дээрги-Чаяакчы медеглээн. – Кадарчыны соп каарыңга, хойлар тарай маңнажы бээр! А хураганнарже Мен Бодумнуң холумну көдүрер мен.

Матфей 15:11

Кижини аас дамчып кирип кээр чүве бужартатпас, харын аксындан үнер чүве бужартадыр».

Иоанн 10:14

Мен – ачылыг кадарчы-дыр мен, Бодумнуң хойларымны билир мен, Мээң хойларым база Мени билир.

Иоанн 10:7

Иисус улаштыр мынча дээн: «Алыс шынны силерге чугаалап тур мен: Мен – хойларга эжик-тир мен.

Иоанн 10:9

Мен – хойларга эжик-тир мен. Мени дамчыштыр кирер кижи камгалалды алыр. Ол эжик дамчыштыр кире бээр болгаш үне бээр база бодунга одар-белчиирни тып алыр.

Ажыл-чорудулга 20:28

Бодуңарны база Ыдыктыг Сүлдениң силерге хүлээдип берген кодан хоюн хайгаарап көрүп чоруңар. Бурганга бүзүрээннер ниитилелиниң кадарчылары бооп көрүңер, ону Ол Бодунуң ханын төккеш, бөлүп алган болгай.

1 Тимофейге 4:14

Удуртукчулар холдарын сеңээ дээскеш, өттүр билир медеглеп турда, сеңээ берген Ыдыктыг Сүлдениң ачы-буянныг белээн херексевейн барба.

Титке 1:5

Мээң сеңээ айытканым дег, чедир кылбаан ажыл-херекти эчизинге чедир кылып, аайлазын дээш, хоорай бүрүзүнге христиан ниитилелдерниң удуртукчуларын томуйлазын дээш, сени Критке арттырып каан ийик мен.

Еврейлерге 13:20

Амыр-дыш бээр Бурган хойларның өндүр улуг Кадарчызы – Дээргивис Иисусту өлүглер аразындан катап диргизипкен-дир, Ооң төккен ханы-биле мөңге чагыг-керээ чарган-дыр.

1 Пётр 2:25

Силер оруундан азып-тенээн хойлар дег чордуңар, ынчалза-даа силер ам Кадарчыңар болгаш амы-тыныңарның Кадагалакчызынче дедир ээп келген-дир силер.

1 Пётр 5:4

Дээди Кадарчы чедип кээрге, кажан-даа оңмас чаагай шаңналды алыр силер

Ажыдыышкын 1:20

Мээң оң холумга көргениң чеди сылдыстың болгаш чеди алдын чырыткының чажыды мындыг: чеди сылдыс болза дээрниң чеди төлээзи-дир. Дээрниң ол чеди төлээзи чеди христиан ниитилелге хамааржыр, а чеди чырыткы дээрге чеди ниитилел боттары ол-дур».