Иоанн 1:16 - Ыдыктыг Библия

¹⁶ Биске херек бүгү чүве Ында бар, шуптувус Ооң авыралын бажывыс ажыр четтирип келдивис.

Иоанн 1:16 Iomraidhean Croise

Ырлар 84:7

Сээң чонуң Сен дээш өөрүп-байырлаар кылдыр, бисти база катап тынгарар болгай сен.

Захария 4:7

Сен чүү сен, өндүр бедик даг? Зоровавелдиң мурнунга оргулааш апаар сен! Ол Бурганның өргээзиниң эң кол дажын салып каарга, улус: „Бурганның ээ көрнүүшкүнү ында-дыр!“ – деп алгыржы бээр».

Матфей 13:12

Кымда чүве барыл, аңаа оон-даа хөйнү эгээртинмес кылдыр бээр. А кымда чүве чогул, ооң бар чүвезин безин хунаай бээр.

Матфей 3:11

Бачыдыңар миннип, Бурганче ээлгениңерниң демдээ кылдыр, силерни сугже суп тур мен. Ынчалза-даа менден күчү-күштүг Кижи мээң соомдан чоруп олурар. Мен Ооң идиин-даа тудуп алгаш чоруурунга төлеп чок мен. Ол силерни Ыдыктыг Сүлдеже, отче сугар-дыр.

Матфей 3:14

Иоанн баштай Ону соксадып: «Мен харын Силерге сугга суктурар ужурлуг мен. Силер чоп меңээ келдиңер?» – деп турган.

Лука 21:15

Чүге дээрге Мен силерге удурланыкчыларыңарның кайызы-даа удур туржуп база чаргылдажып шыдавазы чечен дыл болгаш мерген угаанны бээр мен.

Иоанн 3:34

Бурганның айбылап чоруткан Кижизи Бурганның сөстерин чугаалаар, чүге дээрге Бурган Аңаа Сүлдени хемчээл чогу-биле берип турар.

Римчилерге 5:17

Бир-тээ чаңгыс кижиниң үүлгеткен кемниг херээниң ужун өлүм чагыра берген болганда, чаңгыс Кижиниң – Иисус Христостуң ачызында Бурганның элбек авыралдыг белээ кылдыр агартыышкынны алган улус Ооң-биле кады амыдырап, ылап чагырбайн канчаар!

Римчилерге 5:2

Бисте ам бар апарган Бурганның авыралынче Христос бисти бүзүрелдиң оруу-биле чедире берген. Ынчангаш Бурганның өндүр-чаагайындан үлүг алыр бис деп идегеливис дээш, өөрүп-байырлап тур бис.

Римчилерге 5:20

Бурган ыдыктыг хоойлуну улуска сөөлзүредир, кемниг херектерни медереп билири өзүп-көвүдезин дээш берген. Ынчалза-даа кайда бачыт көвүдээнил, ында Бурганның авыралы база улам-на элбекшип, көвүдээн.

Римчилерге 8:9

А бир эвес Бурганның Сүлдези ылап-ла силер-биле кады амыдырай берген болза, кижи бүдүжүңерниң эвес, а Сүлдениң аайынче кире берген-дир силер. А кандыг-бир кижиде Христостуң Сүлдези чок болза, ол кижи Аңаа хамаарышпас.

Эфесчилерге 1:23

А христиан ниитилел – Ооң мага-боду-дур. Ол Боду бүгү чаяалганы бүрүнү-биле бүргей ап турар.

Эфесчилерге 3:19

Кижиниң угаап шыдаар деңнелин оранчок ажып-даа турар болза, ол ынакшылды билип шыдаптар силер. Бурганның бүдүжү ынчан амыдыралыңарны бүрүнү-биле бүргей бээр.

Колосчуларга 1:19

Чүге дээрге Бурган Бодунуң бүдүн-бүрүн бүдүжү Христоска бар болзун деп күзээн-дир.

Колосчуларга 2:3

Чүге дээрге мерген угаан болгаш билигниң хамык эртине-байлаан Христоста шыгжаан.

1 Пётр 1:11

Христостуң хилинчээниң база ооң соонда алдаржыырының дугайында баш бурунгаар чугаалап тура, Христостуң Сүлдезиниң оларны дамчыштыр медеглеп айытканы үениң кажан база кандыг байдалдарда чедип кээрин билип аар дээш, медээчилерниң айтыртынып турганы ол.

1 Пётр 1:2

Силерни Бурган Ада Бодунуң баш бурунгаар көрген сорулгазын ёзугаар Сүлдезин дамчыштыр ыдыктап, Иисус Христоска чагыртсыннар база Ооң ханы-биле бызай чаштынып арыгланзыннар дээш аңгылап үскен болгай. Авырал болгаш амыр-тайбың силерге эң-не элбээ-биле доктаазын!