Иисус 8:28 - Ыдыктыг Библия

²⁸ Хоорайны Иисус өрттедипкен – ол мөңгеде хорум даштарже шилчий берген. Амгы үеде-даа ол ындыг хевээр чыдар.

Иисус 8:28 Iomraidhean Croise

4 Хааннар 19:25

Ол бүгүнү шаандан бээр Мээң белеткеп келгенимни дыңнавааның ол бе? Сен быжыглалдыг хоорайларны бузундулар оваазы кылып кагдың – ол дээрге шаг шаанда-ла бодап алган чүвемни ам сени дамчыштыр боттандырганым ол-дур.

Исайя 17:1

Дамаск дугайында өттүр билген медеглел бо-дур. «Дыңнаңар, Дамаск моон соңгаар хоорайлар санындан казыттырар, бузундулар оваазы апаар.

Исайя 25:2

Сен хоорайларны даш оваалар кылып кагдың, быжыглалдыг хоорайларны – бузундулар кылып кагдың. Даштыкы улустуң шивээ-хоорайлары ам чок – олар ам кажан кезээде катап туттунмас.

Иеремия 49:2

Ынчалза-даа үе кээрге, аммон чоннуң Равва хоорайынга дайын-чааның алгы-кышкызы дыңналыр кылып каар мен! – деп, Дээрги-Чаяакчы медеглээн. – Ол хоорай бузундулар оваазы апаар, ооң чанында хоорай-суурлар отка өрттенир, Израиль бодун чагырган улусту боду чагырып эгелээр – деп, Дээрги-Чаяакчы медеглээн. –

Иеремия 50:26

Бүгү чүктен Вавилонче халдаңар. Ооң тараа шыгжаан черлерин ажыдыңар, кошкул-хөреңгизин тараа дег оваалай чыңар, аңаа чүү-даа артпас кылдыр бүрүнү-биле узуткап кааптыңар!

Иеремия 9:11

«Мен Иерусалимни бузундулар оваазы, шөө-бөрүлер чурттаар чер кылып каар мен, Иудеяның хоорайларын хоозурадыр мен, оларга чурттакчылар артпас».

Михей 3:12

Ынчангаш силерниң хайыңар-биле Сионну шөл ышкаш аңдарып кааптар, Иерусалим бузундулар оваазы апаар, Бурганның өргээзин туткан даг арга-ыяш үнген чер апаар.

Ы. х. к. 13:16

Ол хоорайдан олчалап алган эт-хөреңгини ооң төп шөлүнге оваалай чыггаш, хоорайны база шупту эт-хөреңгини Дээрги-Чаяакчы Бурганыңга салган бүрүн өрттедир өргүл кылдыр өрттедивит; ол кезээ мөңгеде хорумналган бузундулар бооп артсын, ону кажан-даа катап тургуспазын.

Ы. х. к. 13:17

Бурганга тураскааткан узуткаар ужурлуг чүү-даа чүве сээң холуңче кирбезин, ынчан Дээрги-Чаяакчы кыптыккан килеңин чавырылдырар, сеңээ ээ-хайыралыг, өршээлдиг болур база ада-өгбеңге даңгыраглаанын ёзугаар сени өстүрүп-көвүдедир.

Иисус 4:9

Иисус өске он ийи дашты алгаш, ыдыктыг аптараны көдүрүп чораан бараалгакчыларның буттарының баскан черинге салып каан. Ол даштар бо хүннерде-даа ында чыдар.

Иисус 8:29

Гайның хаанын Иисус ыяшка азып каан. Хаанның мөчү-сөөгүн кежээге дээр ыяшка азып каан турган, а хүн ажар өйде ону дүжүргеш, хоорайның хаалгазының аксынче октаптарын Иисус дужааган. Ооң кырынче эңмежок улуг даштарны хорумнап каапкан. Ол хорум бо хүннерде-даа ында турар чүве-дир.