Иисус 7:6 - Ыдыктыг Библия

⁶ Иисус муңгаралдан хевин ора соп каапкаш, Дээрги-Чаяакчының аптаразының мурнунга черже доңгайып кээп дүшкеш, кежээге чедир аңаа чыткан. Иисус-биле кады Израильдиң баштыңнары база ынчалганнар, баштарынче довурак бызап алганнар.

Иисус 7:6 Iomraidhean Croise

Эге дөс 37:29

Рувим катап оңгарга чедип кээрге, ында Иосиф чок болган. Качыгдалдан ол идик-хевин ора соп каапкан.

Эге дөс 37:34

Иаков бодунуң идик-хевин ора соп каапкаш, качыгдал хевин белинге ораап алгаш, оглу дээш хөй-ле хүннер иштинде ыглап-сыктап келген.

2 Хааннар 1:11

Ынчан Давид болгаш ооң кады чораан улузу качыгдап, хептерин ора соккулап алганнар.

2 Хааннар 1:12

Олар дайынга өлүртүп каан Саул база ооң оглу Ионафан дээш, Дээрги-Чаяакчының аг-шерии дээш, израиль чон дээш кежээге чедир ыглап-сыктап, чүнү-даа чивейн, кажыыдап турганнар.

2 Хааннар 1:2

Үшкү хонукта Саулдуң турлаандан качыгдал демдээ кылдыр хевин ора соп, бажында довурак-доозун чажып алган бир кижи Давидке чедип келгеш, аңаа черге чедир мөгейген.

2 Хааннар 12:16

Давид Бурганга мөргүп, чем чивейн, чааскаан черге чыдып алгаш, дүн эрттирген.

2 Хааннар 13:19

Фамар качыгдалдан бажынче хүл чаштынып алгаш, бодунуң кедип чорааны чараш хевин ора соп алгаш, бажын туттунуп алган ыглап-сыктап чораан.

2 Хааннар 13:31

Хаан туруп келгеш, качыгдалдан хевин ора соп каапкаш, черже барып ушкан. Ооң чанынга турган дүжүметтери база хептерин ора соккулап каапкан.

4 Хааннар 22:11

Ыдыктыг хоойлунуң номунуң сөстерин дыңнааш, хаан кеткен хевин качыгдалдан ора тыртып каапкан.

2 Чылдар 34:19

Ыдыктыг хоойлунуң сөстерин дыңнааш, хаан кеткен хевин качыгдалдан ора тыртып каапкан.

Эзра 10:1

Эзра мөргүп, ол бачытты ажыы-биле миннип, ыглап-сыктап, Бурганның өргээзиниң мурнунга доңгая кээп дүжүп турда, ону долгандыр мөөң израильчилер: эр, херээжен улус болгаш ажы-төл чыглып келген. Ол улус база ажыг-шүжүглүг ыглап турган.

Неемия 9:1

Ол-ла айның чээрби дөртте бүгү израильчилер шээрленип, качыгдалдың самдар хевин кедип, баштарынче довурак-доозун чажып алган чыглып келген.

Эсфир 4:1

Мардохей чүү болганын билип кааш, бодунуң идик-хевин ора соп каапкаш, качыгдалдың самдар хевин кеткеш, бодунче хүл чажып алган; оон хоорайның ортузунга үнүп келгеш, муңгаранчыг ыглап-сыктап, алгырып-кышкырып эгелээн.

Эсфир 4:3

Хаанның чарлык-дужаалы четкен девискээр, булуң бүрүзүн еврейлерниң качыгдалы, ыы-сыызы долуп, олар шээрленип турган; качыгдал хеви болгаш хүл оларның орун-дөжээн солуй берген.

Иов 1:20

Иов ынчан туруп келгеш, качыгдалдан хевин ора тыртып, бажын чүлүп каапкаш, черже кээп дүжүп, Бурганга мөгейген.

Иов 2:12

Иовту ырактан көрүп кааш, танывайн барганнар. Олар ынчан качыгдалдан ишкирнип ыглажып, боттарының хевин ора соп, доозун-довуракты дээрже чажып, баштарынче уруп эгелээн.

Иов 42:6

Ынчангаш бүгү сөстеримден ойталап тур мен, доозун-довурак, хүлде олуруп алган, буруум миннип тур мен».

Ыы-сыы 2:10

Баштарынче доозун-довурак чажып, качыгдал хевин кеткен Сионнуң баштыңнары ыыттаар сөс чок, черде орлар. Иерусалим кыстары-даа качыгдалдан бажын черже халайтылар. כ (каф)

Саннар 14:6

А Нуннуң оглу Иисус биле Иефоннийниң оглу Халев – ханаан черни шинчип көрүп чораан улустуң ийизи – хептерин ора соп каапкаш,

Саннар 16:22

А Моисей биле Аарон доңгая кээп дүшкеш: «Бурганывыс, бүгү амылыг чүүлдү тынгарып турар Бурган! Чаңгыс кижи бачыт үүлгедирге, бүгү чонга килеңнээриң ол бе?» – дээннер.

Саннар 16:45

«Бо ниитилелден ырай бериңер, Мен оларны карак чивеш дээр аразында узуткап каайн» – дээн. Олар ынчан доңгая кээп дүшкеннер.

Ажыл-чорудулга 14:14

Варнава биле Павел ону дыңнап кааш, муңгараанындан идик-хевин ора соп каапкаш, чон аразынче кире халааш:

Иисус 7:7

Ынчан Иисус: «Аа халак, Дээрги-Бурган-Чаяакчы! Чүге Сен бо чонну Иордан хемни кежирдиң? Бисти амор чонга узуткадыр дээш бе? Ооң орнунга бис Иордан хемниң ындынга артып каар чүвевисти!

Ажыдыышкын 18:19

Олар качыгдалдан баштарын доозун-довурак-биле бызап, ыы-сыызын төп, алгыржып турдулар: «Кара халап! О, өндүр улуг хоорай, аа халак! Далайга эжиндирген хамык улус ооң эртине-байлаа-биле байып чорду. Ол чаңгыс-ла шак иштинде хоозурады».

Баштыңчылар 11:35

Уруун көрүп кааш, ол качыгдалдан хевин ора тырткаш: «Ох, мээң уруум, мени ат кылдың! Мени хай-халапче чыгадыптың! Мен Дээрги-Чаяакчыга аксы-сөзүм берген болгай мен, ам оон ойталап шыдавас мен!» – деп алгырып үнген.

Баштыңчылар 20:23

А ооң мурнунда олар Дээрги-Чаяакчының мурнунга кежээге чедир ыглап-сыктап: «Боттарывыстың ха-дуңмаларывыс вениаминчилер-биле ам база тулчур бис бе?» – деп Оон айтырып турган. Дээрги-Чаяакчы оларга: «Тулчуңар!» – деп харыылаан.

Баштыңчылар 20:26

Оон шупту израиль чон Вефилге баргаш, Дээрги-Чаяакчының мурнунга ыглап-сыктап олуруп, ол хүннү бадыр шээрленип, бүрүн өрттедир өргүлдер болгаш эп-найырал өргүлдери кылып турган.

Баштыңчылар 21:2

Ам олар Вефилге чедип келгеш, Бурганның мурнунга кежээге чедир ыглап-сыктап хүнзээннер. Ыыткыр ыглап тура, олар:

1 Хааннар 4:12

Ол хүн Вениаминниң аймаандан бир кижи дайын шөлүнден Силомга маңнап чедип келген. Качыгдал демдээ кылдыр ол идик-хевин ора соп алган, бажынче довурак-доозун чажып алган болган.