Иисус 7:5 - Ыдыктыг Библия

⁵ Гайжылар израильчилерни хоорайның эжик-хаалгазындан Севаримге чедир сүрүп, дагның эдээнге оларны чылча шапкаш, үжен алды хире кижини өлүрүп кааннар. Ол болуушкундан израильчилерниң сузу бастынып, холу салдына берген.

Иисус 7:5 Iomraidhean Croise

Ырлар 58:7

Дайзыннарым кежээлерде ээп келгеш, ыттар ышкаш улуур-дур, хоорайны дескиндир кедеңгирлеп чоруур-дур.

Исайя 13:7

Ынчангаш бүгү улустуң холдары салдына бээр, кижи бүрүзүнүң чүрээ серт кынныр.

Иезекиил 21:7

Кажан олар: „Чүге човууртап тур сен?“ – деп айтырарга, „Дыңналып келген медээден“ – деп харыылаар сен. Чүрек бүрүзү кортканындан шапкыланыр, холдар салдына бээр, сагыш-сеткил бүрүзү харыксырап каар, дискек бүрүзү, бырлаңнаан суг дег, сирилээр. Медээлээн халап албан боттаныр». Дээрги-Бурган-Чаяакчының медеглээн чүвези ол-дур.

Левит 26:36

А силерден дириг арткан улус канчаарыл? Дайзыннарының чурттарынга оларның чүректеринче коргуушкунну сиңирер мен: хатка чайганган бүрү шылыраарга, хылыш туткан кижи сывыртаан-даа дег, дезип ыңай боорлар. Сүрүп турар кижи чок-даа болза, пет кээп ужарлар.

Наум 2:10

Ниневия үптеттирген, ээнзиреп база хоозурап калган. Кортканындан улустуң чүректери даамчырап, дискектери сириңейнип, эъди аарып, арыннары агарып турар.

Ы. х. к. 1:44

Ол даглыг черниң чурттакчылары – амор чон силерге удур чаалажып үнгеш, силерни арылар ышкаш сывыртап, Сеирден эгелээш, мырыңай Хормага чедир чылча шаап турган.

Иисус 2:11

Ону дыңнап кааш, бистиң сузувус бастынып калган. Силерге ам кым-даа удурланып дидинмес. Чүге дээрге силерниң Бурганыңар Дээрги-Чаяакчы өрү дээрде-даа, куду черде-даа тергиидеп турар-дыр!

Иисус 2:9

«Дээрги-Чаяакчы бистиң чуртувусту силерге берипкен деп билир мен. Бис шупту силерден коргуп тур бис. Черивистиң чурттакчыларының сузу бастынып тур!

Иисус 5:1

Иорданның барыын чүгүн чурттаан амор хааннар болгаш далай чоогу чурттуг хананей хааннар шупту Дээрги-Чаяакчы Иордан хемниң суун, израильчилер ону кеже бээр кылдыр, кургадып соолдурупканының дугайында медээни дыңнааш, кортканындан сузу бастынып калган. Израильчилер-биле олар ам туржуп диттикпээн.