Иисус 7:26 - Ыдыктыг Библия

²⁶ а оларның кырындан даштар хорумнап кааннар – ол улуг хорум бо хүннерде-даа ында бар. Ооң соонда Дээрги-Чаяакчының килеңи оожургаан. Ынчангаш ол черни бо хүннерге чедир Ахор шынаазы деп адаар чүве-дир.

Иисус 7:26 Iomraidhean Croise

2 Хааннар 18:17

Олар Авессаломнуң мөчү-сөөгүн арыг иштинде улуг оңгарже киир октапкаш, ооң кырынга дыка хөй даштар хорумнап каан. Ол үеде бүгү израильчилер бажыңнарынче тарап чангылай берген турган.

2 Хааннар 21:14

Саулдуң болгаш ооң оглу Ионафанның сөөктерин Вениаминниң черинде Целага Саулдуң адазы Кистиң чевег-куюнга ажаап кааннар. Хаан чүнү дужааганыл, ынчалдыр кылганнар. Ооң соонда Бурган ол израиль черге энерелдиг апарган чүве-дир.

2 Чылдар 29:10

Ам мен Израильдиң Бурганы Дээрги-Чаяакчы-биле керээ чарып аарын күзеп тур мен – Ооң кыптыккан килеңи бистен чайлазын.

Эзра 10:14

Бистиң даргаларывыс бүгү ниитилелди төлээлеп, хөделип кирипсин. Бистиң хоорайларывыста даштыкы кадайлар ап алган бүгү улус боттарының хоорайларының баштыңнары болгаш шииткекчилери-биле кады Иерусалимче доктааткан үеде чедип келзин. Бурганывыстың ол херек дээш бисче кыптыккан килеңи бистен чайлай бергижеге чедир, улус ынчаар кылзын».

Ырлар 85:4

Бодуңнуң чалчаңның сеткил-хөңнүн өөртүп көр – Дээрги, сеткилим ханызындан Сеңээ мөргүп тур мен.

Хосталыышкын 32:12

Египетчилер: „Ол израильчилерни Египеттен кара сагыштыы-биле, дагларга өлүрүп каар дээш база чырык чер кырынга амылыг арттырбас дээш үндүрүп эккелген-дир“ – деп хыы ханып чугаалавазын. Кыптыгып турар килеңиңни чайладып көрем, Бодуңнуң чонуңну узуткаарындан ойталап көрем.

Исайя 40:2

Иерусалим-биле эрге-чассыг чугаалажыңар, ооң аар-берге албан-ажылы төнгенин, кем-буруузу дээш кеземчези четчир болганын аңаа медеглеңер; ол бодунуң бүгү бачыды дээш Дээрги-Чаяакчының холундан ийи дакпыр кеземче алган-дыр».

Исайя 65:10

Менче чүткүп турар чонумга Шарон оргулаажы – хойлар оъттаар одар-белчиир, Ахор шынаа – бода мал дыштанып чыдар чер болур.

Ыы-сыы 3:53

Олар мени оңгардыва киир октап, даш-биле базырдылар.

Осия 2:15

Ооң соонда Мен аңаа чимистиг шөлдерни бээр мен, а Хай-халап шынаазын идегелдиң кирер эжии кылдыр бээр мен; ол аңаа бодунуң аныяк үезинде дег, египет черден үнүп турган хүнүнде дег, Меңээ харыылаар.

Осия 2:17

Ол дүрзү-бурганнарның аттарын сээң аксыңдан чайладып кааптар мен, оларның аттарын улус оон ыңай сагынмастай бээр.

Иоил 2:13

Качыгдалдан хевиңер эвес, чүректериңер чара тырткаш, боттарыңарның Бурганыңар Дээрги-Чаяакчыже эглип келиңер, чүге дээрге Ол килеңнээчел эвес, ээ көрнүүчел, кээргээчел, өндүр улуг энерелдиг-дир, Ол аазаан кеземчезин күш чок болдурарынга белен.

Иоил 2:18

Дээрги-Чаяакчы ынчан Бодунуң чери дээш хүннээчелин база Бодунуң чонунга кээргелин көргүзер.

Иона 1:15

Олар Ионаны туткаш, далайже киир октаптарга, далай коргунчуг хөлзээшкинин соксадып, оожургай берген.

Захария 6:8

Ол ынчан дыңзыдыр: «Көр даан, соңгу чүкте чуртче халдып чорупкан аъттар ол черге Дээрги-Чаяакчының Сүлдезин оожургадып кагды» – диди.

Саннар 25:8

демги израиль эр кижиниң соондан ооң майгынынче киргеш, эр-херээжен ийи кижини каътташтыр өттүр шанчып каан. Чыда херээжен кижиниң иштинче кадалы берип, олар иелээ өлүп калган. Ынчан израиль чонну кырып турган айыыл-халап соксай берген.

Ы. х. к. 13:17

Бурганга тураскааткан узуткаар ужурлуг чүү-даа чүве сээң холуңче кирбезин, ынчан Дээрги-Чаяакчы кыптыккан килеңин чавырылдырар, сеңээ ээ-хайыралыг, өршээлдиг болур база ада-өгбеңге даңгыраглаанын ёзугаар сени өстүрүп-көвүдедир.

Ы. х. к. 13:18

Дээрги-Чаяакчы Бурганыңның сөзүн дыңнап, бөгүн сеңээ айтып-чагып турарым Ооң шупту айтыышкыннарын күүседип, Аңаа таарымчалыг чүүлдү кылып чор».

Иисус 10:27

Хүн ажар өйде Иисус ол мөчү-сөөктү дүжүргеш, ол хааннарның чаштып чытканы куйже киир октапкаш, ооң аксын улуг даштар-биле дуглап каарын дужааган. Ол даштар бо хүннерде-даа ында турар.

Иисус 7:24

Ооң соонда Иисус болгаш бүгү израильчилер Зерахтың үре-салгалы Аханны ап алганы мөңгүнү, хеви, алдыны-биле; оолдары, уруглары-биле; шээр болгаш бода малдары-биле, элчигеннери-биле; майгыны база бүгү-ле эт-севи-биле Ахор шынаазынче аппарганнар.

Иисус 8:29

Гайның хаанын Иисус ыяшка азып каан. Хаанның мөчү-сөөгүн кежээге дээр ыяшка азып каан турган, а хүн ажар өйде ону дүжүргеш, хоорайның хаалгазының аксынче октаптарын Иисус дужааган. Ооң кырынче эңмежок улуг даштарны хорумнап каапкан. Ол хорум бо хүннерде-даа ында турар чүве-дир.