Иисус 7:21 - Ыдыктыг Библия

²¹ Олчалап алганывыс чүүлдерниң аразындан Сеннаардан келген бир чараш хепти база 200 шекел мөңгүннү, 50 шекел деңзилиг алдынны көрүп кааш, алыксааш, ап алдым. Ол чүвелерни шуптузун майгын иштинде черде чажырып каан мен, мөңгүн эң-не адаанда чыдар чүве» – деп харыылаан.

Иисус 7:21 Iomraidhean Croise

Эге дөс 10:10

Ооң баштайгы чагырар девискээри Вавилон, Эрех, Аккад болгаш Халне деп черлер турган. Ол черлер Сеннаар деп чуртка кирип турган.

Эге дөс 3:6

Ол ыяштың чимистери чиксенчиг, аянныг, кижини угаанныг кылыптар кылдыр херээжен көрүп каан. Оон херээжен бир чимисти үзе тыртып алгаш, чипкен. Ашаанга база чимисти ап бээрге, ол база чип алган.

Эге дөс 34:27

Иаковтуң оолдары чурттакчылары өлүртүп каан хоорайга келгеш, дуңмазын бужартатканының орнун негеп, ону үптеп каапканнар.

Эге дөс 6:2

Кижилерниң кыстарының чаражын көргеш, Бурганның оолдары кымга кандыызы тааржырыл, оларны боттарынга кадайлар кылдыр шилип ап турганнар.

2 Хааннар 11:2

Бир кежээ Давид орунундан тургаш, ордузунуң серизинге агаарлап кылаштап турган. Сери кырындан ол чунуп турар херээженни көрүп каан. Ол херээжен дыка чараш болган чүве-дир.

4 Хааннар 7:8

Кеш аарыглыг улус турлагның кыдыынга чеде бергеш, бир чадырже кирип келген. Олар чемненип, суксун ижип алгаш, оортан алдын-мөңгүн, хептер ап алгаш, барып чажырып кааннар. Оон дедир ээп келгеш, өске чадырже киргеш, оон база чүү-хөө алгаш, барып чажырып кааннар.

Иов 31:1

«Аныяк кысче туралап көрбес бооп карактарым-биле дугуржуп алган мен.

Хосталыышкын 20:17

Өске кижиниң аал-оранын алыксава; өске кижиниң кадайын, ооң эр, херээжен кулдарын, ооң бугазын, ооң элчигенин – өске кижиде бар чүү-даа чүвени алыксава».

Чугаалар 1:19

Чазый-чилби үптекчиниң оруу муңгаш – былаап алган олчазы ооң бажын чиир.

Чугаалар 23:31

Арагаже көрбе – өңүнүң кызып турарынче, дашкада кылаңайнып чайнаарынче, боостааже боду-ла ажарынче көрбе.

Чугаалар 28:22

Чазый кижи дүрген-не байып алыксаар, ынчалза-даа ядарал ону чыпшыр сүрүп кел чыдарын билбес.

Чугаалар 4:23

Чүрээңни чүден артык камнап-кадагала, чүге дээрге ол – амыдыралдың үнер дөзү-дүр.

Исайя 28:15

Силер: «Өлүм-биле керээ чарып алган бис, өлүглер ораны-биле дугуржулга кылып алган бис. Коргунчуг үер хөме келгеш, чанывыс-биле эрте бээр; меге бистиң хоргадалывыс апарган, авыяас чүүл – чаштынар черивис» – деп турар-дыр силер.

Исайя 29:15

Дээрги-Чаяакчыдан бодунуң бодалын чажырып, ханы дүпче чаштынып кирер улус ат болур! Олар боттарының херектерин караңгыда кылып: «Бисти кым көрүп каарыл? Кым танып каарыл?» – деп турар.

Аввакум 2:9

Уязын бедик черге тудуп ап, озалдыг байдалдардан бодун айыыл чок болдурар дээш, аал-оранынга былаап алганы олча чыып алыксап турар улус ат болур!

Лука 12:15

Ооң соонда улуска мынча дээн: «Көрдүңер бе, алыксак-чиксек чоруктан кичээнип чоруңар, кижиниң амыдыралы ооң эт-хөреңгизиниң элбээнден хамаарышпас болгай».

Лука 12:2

Көстү бербес хире чажыт чүү-даа чок база илерей бербес хире бүдүү чүү-даа чок.

Эфесчилерге 5:3

Үй-балай самыырал азы кандыг-даа бужар чорук болгаш алыксак-чиксек чорук ышкаш чүүлдер дугайында араңарга чугаа безин көдүрүлбезин. Ындыг үүлгедиглер Бурганның ыдыктыг улузунга көңгүс таарышпас.

Эфесчилерге 5:5

Харын бүзүреп боор силер: чаңгыс-даа самыыраан, бодун бужартаткан база чазый кижи (а ол дүрзү-бурганга чүдүүрлерден ынай-даа ылгалбас) Христостуң база Бурганның Чагыргазынга өнчү албас.

Ы. х. к. 7:25

Ол чоннарның бурганнарының дүрзүлерин отка өрттедивит, оларны каастап шыпкан алдын, мөңгүннү алыксава, оон башка ол каасталгалар сеңээ салган дузак апаар, ол дээрге Дээрги-Чаяакчы Бурганыңга чүдек-бужар чүүлдер-дир.

Колосчуларга 3:5

Ынчангаш бачыттыг делегейден кээр бүгү чүүлүңерни: самыырал, чүдек-бужар херектер, туттунмас туралаашкын, ыят чок күзээшкиннер болгаш алыксак-чиксек чорукту (а ол дүрзү-бурганга чүдүүрүнден ынай-даа ылгал чок) узуткаңар!

Еврейлерге 13:5

Акша-мөңгүнге ынак амыдырал тутпаңар, бар чүвеңерге сеткил ханыңар. Чүге дээрге Бурган: «Сени кажан-даа кагбас мен, сенден кажан-даа ойталавас мен» – дээн-дир.

Иаков 1:15

Ындыг күзээшкиннер сааттангаш, бачыт төрүп алыр, а үүлгеткен бачыт, бодунуң ээлчээнде, долузу-биле өзүп-мандааш, өлүмге чедирер.

Иисус 7:20

Ахан Иисуска: «Израильдиң Бурганы Дээрги-Чаяакчының мурнунга бачыт кылганым шын. Ол мынчаар болган чүве.

Иисус 7:22

Иисус бодунуң айбычыларын Аханның майгынынче чорудупкан. Олар ынаар далаш-биле маңнажып чеде бергеш, чажырып каан чүвелерни майгындан тып алганнар; мөңгүн эң-не адаанда чыткан.

2 Пётр 2:15

Дорт оруктан соора баргаш, олар Восорнуң оглу Валаамның изин истеп чорупкан, а Валаам болза бак ажыл-херээ дээш, төлевир алырынга ынак кижи турган.