Иисус 4:10 - Ыдыктыг Библия

¹⁰ Дээрги-Чаяакчының Иисусту дамчыштыр чонга дужаалы (Моисейниң Иисуска чагаан бүгү чүүлү) күүсеттингиже чедир, ыдыктыг аптараны көдүрүп чораан бараалгакчылар Иордан хемниң ортузунга турганнар. А чон өске талакы эрикче дүрген кеже берген.

Иисус 4:10 Iomraidhean Croise

Хосталыышкын 12:39

Олар Египеттен көдүрүп эккелгени ажытпаан далганын хаарып алганнар, чүге дээрге Египеттен үндүр сывыртадып тура, далаш кадында далганын ажыткы-биле хөөдүп четтикпээннер база орукка чиир аъш-чем безин белеткээр чай чок болганнар чүве-дир.

Чугаалар 27:1

Даартагы хүнде болур чүве-биле мактанма – ол хүннүң чүнү эккээрин билбес-ле болгай сен.

Экклесиаст 9:10

Холуң кылып шыдаар бүгү-ле ажылды бар шааң-биле кылып чор; чүге дээрге чеде бээриң өлүглер оранында ажыл-даа чок, бодал-даа чок, билиг-даа чок, мерген угаан-даа чок.

Исайя 28:16

Ынчангаш Дээрги-Бурган-Чаяакчы мынча дээн: «Көрүңер даан, Сионга дашты салып тур мен – шилиттинген, улуг үнелиг, быжыг, бажың таваанга эң чугула дашты салыр мен. Аңаа бүзүрээн кижи мөгүдевес.

2 Коринфичилерге 6:2

Бурган мынча деп турар болгай: «Таарымчалыг үеде сени дыңнап каан мен; камгалал хүнүнде сеңээ дузалаан мен» . Ам дыңнаңар: ол таарымчалыг үе, ол камгалал хүнү келген ышкажыл!

Ы. х. к. 31:9

Моисей ол хоойлуну бижээш, Дээрги-Чаяакчының чагыг-керээзиниң аптаразын дажыглаар албан-хүлээлгелиг левит бараалгакчыларга база Израильдиң шупту баштыңнарынга хүлээдип берген.

Иисус 24:11

Оон Иорданны кешкеш, Иерихонга чедип келген силер. Силер-биле иерихончулар, амор, ферез, хананей, хет, гергес, хиввей база иевус чоннар дайылдажып эгелээрге, Мен оларны силерниң холуңарга берипкен мен.

Иисус 3:13

Кажан бүгү чер-делегейниң Чагырыкчызы болур Дээрги-Чаяакчының аптаразын көдүрүп чоруур бараалгакчыларның буттары Иорданның суун сүзүп кирери билек, ооң суу агымын соксадыптар, хемниң бажындан агып келген суг ханалаштыр туруптар».

Иисус 4:11

Шупту улус хемни кеже бээрге, Дээрги-Чаяакчының аптаразын көдүрген бараалгакчылар чонну катап баштап алгаш чорупкан.

Иисус 4:9

Иисус өске он ийи дашты алгаш, ыдыктыг аптараны көдүрүп чораан бараалгакчыларның буттарының баскан черинге салып каан. Ол даштар бо хүннерде-даа ында чыдар.