Иисус 3:17 - Ыдыктыг Библия

¹⁷ Чон Иордан хемни Иерихоннуң дужундан кеже берген. Дээрги-Чаяакчының чагыг-керээзиниң аптаразын көдүрген бараалгакчылар хемниң кургап калган дүвүнде чайгылыш чок турганнар. Израильчилер шупту өске талакы эрикче кеже бергиже дээр, хем кургаг чыткан.

Иисус 3:17 Iomraidhean Croise

4 Хааннар 2:8

Илия тонун уштуп, дүрүп алгаш, сугну ооң-биле сопкан. Суг оң, солагай талаже ийи чарлып, орук чайлай турупкан, олар хемни кургаг черлеп кеже бергеннер.

Ырлар 66:6

Бурганывыс, бүгү чоннар Сени алгап-мактазын, аймактар шупту Сени алдаржытсын!

Хосталыышкын 14:21

Моисей холун далайже углай сунупкан; Дээрги-Чаяакчы чөөн чүктен күштүг шуурган-биле дүннү өттүр далайны ийи чара хадыдып кээрге, далай кургаг чер апарып, суг орук чайлап берген.

Хосталыышкын 14:22

Израиль чон далайны кургаг черлеп кеже берген; суг оларның оң база солагай талазындан ханалаштыр камгалай турупкан.

Хосталыышкын 14:29

А израиль чон далайны кургаг черлеп кеже берген; суг оларның оң база солагай талазындан ханалаштыр камгалай турупкан.

Исайя 25:8

өлүмнү Ол кезээ мөңгеде чок кылып каар! Ынчан Дээрги-Бурган-Чаяакчы бүгү улустуң чаактарында карак чажын чодар, бүгү чер кырынга Бодунуң чонундан бак атты ап кааптар. Дээрги-Чаяакчы ону аазаан.

Саннар 33:51

«Израиль чонга мону дамчыдып чугаала. Иордан хемни кежип, ханаан черге чеде бергеш,

Еврейлерге 11:29

Бүзүрели-биле израиль чон, кургаг черлеп дег, Кызыл далайны кеже берген, а египетчилер оларны сүрүп кежер дээш, дүжүп өлүп калганнар.

Иисус 4:1

Бүгү чон Иордан хемни кежип келгенде, Дээрги-Чаяакчы Иисуска:

Иисус 4:10

Дээрги-Чаяакчының Иисусту дамчыштыр чонга дужаалы (Моисейниң Иисуска чагаан бүгү чүүлү) күүсеттингиже чедир, ыдыктыг аптараны көдүрүп чораан бараалгакчылар Иордан хемниң ортузунга турганнар. А чон өске талакы эрикче дүрген кеже берген.

Иисус 4:11

Шупту улус хемни кеже бээрге, Дээрги-Чаяакчының аптаразын көдүрген бараалгакчылар чонну катап баштап алгаш чорупкан.

Иисус 4:22

силер оларга бо Иордан хемни израиль чон кургаг черлеп канчаар кежип келгениниң дугайын чугаалап бээр силер.

Иисус 4:3

Оларга Иордан хемниң дүвүнден, бо бараалгакчыларның чайгылыш чок турар черинден, он ийи даш ап аарын дужааңар. Ол даштарны алгаш, хонар чериңерге аппарып алыңар» – дээн.

Иисус 5:1

Иорданның барыын чүгүн чурттаан амор хааннар болгаш далай чоогу чурттуг хананей хааннар шупту Дээрги-Чаяакчы Иордан хемниң суун, израильчилер ону кеже бээр кылдыр, кургадып соолдурупканының дугайында медээни дыңнааш, кортканындан сузу бастынып калган. Израильчилер-биле олар ам туржуп диттикпээн.