Иисус 3:13 - Ыдыктыг Библия

¹³ Кажан бүгү чер-делегейниң Чагырыкчызы болур Дээрги-Чаяакчының аптаразын көдүрүп чоруур бараалгакчыларның буттары Иорданның суун сүзүп кирери билек, ооң суу агымын соксадыптар, хемниң бажындан агып келген суг ханалаштыр туруптар».

Иисус 3:13 Iomraidhean Croise

1 Чылдар 29:11

Дээрги-Чаяакчы, өндүр улууң болгаш күжүң, өндүр-чаагайың, тиилелгең болгаш алдарың – Сээңии-дир. Дээрде-даа, черде-даа – бүгү чүве Сеңээ хамааржыр болгай. Чагырга – Сээңии-дир, Дээрги-Чаяакчы! Сен бүгү чүвениң кырында өндүр бедик Баштың сен.

Ырлар 33:7

Кээргенчиг кижи кыйгырды – Дээрги-Чаяакчы дыңнап кааш, ону бүгү айыыл-халавындан камгалап кагды. ח (хет)

Ырлар 78:13

А бис – Сээң чонуң, коданыңда хой-сүрүүң Сеңээ кезээ мөңгеде өөрүп четтирип, Сени салгалдан салгал дамчып алгап-мактаар бис!

Хосталыышкын 15:8

Сээң килеңниг тыныжың үрүптерге, суг ийи чара чайлып, чалгыглар ханалаштыр турупту, далайның ханы ээремнери кадыг апарды.

Исайя 54:5

Чүге дээрге сээң Чаяакчың – сээң Өөң ээзи-дир, Ооң ады – Аг-шериглиг Дээрги-Чаяакчы! Ол, Израильдиң ыдыктыг Бурганы – сээң Камгалакчың-дыр, Ооң ады – бүгү чер-делегейниң Бурганы.

Аввакум 3:15

Сен Бодуңнуң аъттарың-биле далайга, өндүр улуг сугларга орук изеп алдың.

Захария 4:14

Ынчан ол: «Бо ыяштар дээрге бүгү чер-делегейниң Чагырыкчызынга бараан болуп турар, олива үзү-биле шилип чаап каан ийи кижи-дир» – диди.

Иисус 3:11

Бүгү чер-делегейниң Чагырыкчызының чагыг-керээзиниң аптаразын силерниң мурнуңарда улус Иордан хемче аппар чорлар.

Иисус 4:7

оларга Дээрги-Чаяакчының чагыг-керээзиниң аптаразын Иордан хемни кежирип чыдырда, ол хемниң агымы канчаар соксай бергениниң дугайында чугаалап бээр силер. Ынчангаш бо даштар израильчилерге ол болуушкуннуң дугайында мөңге шагда тураскаал болур».