Иисус 24:21 - Ыдыктыг Библия

²¹ «Чок, бис Дээрги-Чаяакчыга бараан болур бис» – деп, чон харыылаан.

Иисус 24:21 Iomraidhean Croise

Хосталыышкын 19:8

Бүгү чон чаңгыс үн-биле: «Дээрги-Чаяакчының биске чагаан бүгү чүүлдерин күүседир бис!» – деп харыылаан.

Хосталыышкын 20:19

Чон Моисейден: «Бистиң-биле сен чугаалажып көр, тооп дыңнаар бис, а Бурган Боду бистиң-биле чугаалашпазын, оон башка өлүп каар бис» – деп дилээн.

Хосталыышкын 24:3

Моисей чонга келгеш, Дээрги-Чаяакчының хамык сөстерин болгаш дүрүм-хоойлуларын оларга дамчыдып чугаалаан. Бүгү чон чаңгыс үн-биле: «Дээрги-Чаяакчының чугаалаан бүгү чүвезин күүседир бис» – деп харыылаан.

Хосталыышкын 24:7

Оон чагыг-керээни бижээн дүрүг-номну ап алгаш, чонга дыңналдыр номчуп бээрге, израильчилер: «Дээрги-Чаяакчының чугаалаан бүгү чүвезин күүседир бис, дыңнангыр болур бис» – дээннер.

Исайя 44:5

Бир кижи: „Мен Дээрги-Чаяакчыга хамааржыр мен“ – дээр, өске кижи: „Мен база Иаковтан укталган мен“ – дээр. Улус боттарының холдарынга „Дээрги-Чаяакчыныы мен“ деп бижип аар болгаш Израиль деп адаттырар».

Ы. х. к. 26:17

Сен бөгүн Дээрги-Чаяакчыга Ол – сээң Бурганың дээрзин, Ооң оруктары-биле чорууруңну, Ооң дүрүмнери, хоойлулары болгаш айтыышкыннарын сагыырыңны, Ооң сөзүн тооп дыңнаарыңны аазап чугаалаан сен.

Иисус 24:20

Бир эвес силер Дээрги-Чаяакчыдан ойталап, хары бурганнарга бараан болур болзуңарза, Ол силерге хайырлаан бүгү ачы-буянының соонда хора чедирип, силерни узуткап кааптар» – дээн.

Иисус 24:22

«Дээрги-Чаяакчыга бараан болур деп шилилгеңерниң херечилери боттарыңар болур силер» – деп, Иисус чугаалаарга: «Ийе, херечилер бис» – деп, чон бадыткаан.