Иисус 24:19 - Ыдыктыг Библия

¹⁹ Оон Иисус чонга: «Дээрги-Чаяакчыга бараан болуп шыдавас силер. Ол – ыдыктыг Бурган-дыр! Ол – хүннээчел Бурган-дыр! Ол силерниң үймээнчи чорууңарны болгаш бачыттарыңарны шыдажып эртпес.

Иисус 24:19 Iomraidhean Croise

2 Чылдар 36:16

Иудейлер Бурганның ыдып турган төлээлекчилерин дорамчылап кочулап, Ооң сөстерин тоовайн, Ооң медээчилерин бак сөглеп турган. Адак сөөлүнде Дээрги-Чаяакчының килеңи Ооң чонунче кыптыгып, ону кым-даа оожургадып шыдавас апарган.

Ырлар 99:3

Дээрги-Чаяакчы – Бурган дээрзин билип алыңар, Ол бисти чаяап каан, Аңаа хамааржыр бис, Ооң чону болгаш Ооң коданының хойлары бис.

Ырлар 99:5

Дээрги-Чаяакчы ачылыг-дыр, Ооң энерели – кезээ шагда үстүп төнмес-тир; Ооң шынчы чоруу – салгалдан салгал дамчып артар.

Хосталыышкын 20:5

Оларга мөгейбе база бараан болба, чүге дээрге сээң Дээрги-Чаяакчы Бурганың болур Мен – хүннээчел Бурган-дыр мен; Мени хүлээп көрбес улустуң ажы-төлүн, ада-өгбезиниң кем-буруузу дээш, үшкү болгаш дөрткү салгал чедир кезедир мен.

Хосталыышкын 23:21

Ооң мурнунга бодуңну шын алдынып чор, ооң үнүн тооп дыңна, аңаа удурланма, чүге дээрге Мээң өмүнээмден айбылаткан болгаш, ол силерниң Меңээ удурланганыңарны өршээвес.

Хосталыышкын 34:14

Сен Дээрги-Чаяакчыдан өске бурганга мөгейбес ужурлуг сен, Ооң адын „Хүннээчел“ дээр болдур ийин; хүннээчел Бурган-дыр ол.

Хосталыышкын 34:7

Мен Бодумнуң энерелимни муң-даа дугаар салгалга көргүзүп, улустуң кем-буруузун, кемниг херектерин, бачыттарын өршээп турар мен, ынчалза-даа буруулугларны кеземче чокка арттырбас мен база адаларның кем-буруузу дээш ажы-төлдү, ажы-төлдүң ажы-төлүн үшкү болгаш дөрткү салгал чедир кезедир мен».

Исайя 2:9

Кижилер боттарын бакка суп, куду көрдүрген-дир. Сен оларны өршээвейн көр!

Исайя 27:11

Будуктар кургап каарга, сыйып кааптар, херээженнер келгеш, оларны өрттедиптер. Бо чон угаан чок-тур, ынчангаш Чаяакчызы ону кээргевес, хайыра көргүспес.

Исайя 30:11

Оруктан чайлай бериңер, бо орук-чолдан өскээр ээптиңер, Израильдиң ыдыктыг Бурганының дугайында биске моон соңгаар сагындырбаңар!“ – деп турар».

Исайя 30:15

Дээрги-Чаяакчы, Израильдиң ыдыктыг Дээргизи: «Силерниң камгалалыңар – Менче эглип келгеш, дүвүрел чок боорунда; силерниң күжүңер – сагыш амыр боорунда, Меңээ идегээринде» – дээн. Ынчалза-даа силер ындыг боорун күзевейн бардыңар.

Исайя 5:16

А Аг-шериглиг Дээрги-Чаяакчы Бодунуң шынныг шииткели-биле өндүр бедиин көргүзер, ыдыктыг Бурган Бодунуң чөптүг чоруун дамчыштыр Бодунуң ыдыктыын илередир.

Левит 10:3

Моисей Ааронга: «Дээрги-Чаяакчының: „Менче чоокшулап кээп турар улус Мээң ыдыктыымны хүндүлээр ужурлуг! Бүгү чоннуң мурнунга алдаржыыр мен!“ – дээш, чугаалаар бодаан чүвези бо ышкажыл» – дээрге, Аарон ыыт чок барган.

Левит 11:44

Чүге дээрге Мен – Дээрги-Чаяакчы Бурганыңар-дыр мен! Мен ыдыктыг болганымда, силер база ыдыктыг болу бериңер. Бодуңарны чер кырында көжүп-шимчээн үүрмек дириг амытан-биле арыг эвес болдурбаңар.

Левит 11:45

Мен – Бурганыңар болур дээш силерни египет черден үндүрүп эккелген Дээрги-Чаяакчы-дыр мен. Ыдыктыг бооп көрүңер, чүге дээрге Мен ыдыктыг-дыр мен.

Левит 19:2

«Израиль чоннуң бүгү ниитилелинге мону дамчыдып чугаала. Ыдыктыы-биле чурттаңар, чүге дээрге Дээрги-Чаяакчы Бурганыңар болур Мен ыдыктыг-дыр мен.

Левит 20:26

Меңээ хамааржыр дээш ыдыктыг болуңар, чүге дээрге Дээрги-Чаяакчы болур Мен ыдыктыг-дыр мен. Мен силерни Мээң улузум болзун дээш өске чоннардан тускайлап ылгап каан мен.

Левит 20:7

Бодуңарны ыдыктаңар база ыдыктыг болуңар, чүге дээрге Мен – Дээрги-Чаяакчы Бурганыңар-дыр мен!

Наум 1:2

Дээрги-Чаяакчы – хүннээчел, өжээн негекчизи Бурган. Ол – өжээн негекчизи, Ол кедергей килеңнээн. Дээрги-Чаяакчы Бодунуң дайзыннарындан өжээн негээр, Ол Бодунуң өжээтеннеринге соксаал чок килеңнээр.

Аввакум 1:13

Сээң арыг карактарыңга кемниг үүлгедиглерже көөрү таарышпас, улустуң базындырыышкынынче анаа көрүп шыдавас сен. А чүге-ле кара сагыштыг улусче анаа көрүп турар сен, бодундан чөптүг-шынныг кижини бузуттуг кижи сыыра бээрге, чүге ыыт чок хайгаарап турар сен?

Матфей 6:24

Кым-даа ийи дээргиге хары угда бараан бооп шыдавас: чок-ла болза бирээзин көрбес, а өскезинге ынак боор азы бирээзинге кызып бараан болгаш, өскезин тоовас боор. Силер база Бурганга болгаш акша-мөңгүнге хары угда бараан болуп шыдавас силер.

Иисус 24:18

Дээрги-Чаяакчы аморларны – бо черге чурттап чораан чоннарны бистиң мурнувустан үндүр ойладыпкан болгай. Ынчангаш бис Аңаа бараан болур бис, Ол бистиң Бурганывыс-тыр» – деп харыылаан.

Иисус 24:23

«Ынчаарга силерде кандыг хары бурганнар барыл, олардан ойталааш, чүрээңерни Израильдиң Бурганы Дээрги-Чаяакчыже угландырыңар» – деп, Иисус чугаалаан.

Руф 1:15

«Орфа кенним бодунуң чонунче болгаш бурганнарынче чорупту. Сен база чанып чорувут» – деп, Ноемин чугаалаан.

1 Хааннар 3:14

Ынчангаш Илийниң салгалынга даңгыраглап тур мен: оларны кандыг-даа өргүлдер буруузундан арыглап шыдавас».

1 Хааннар 6:20

Бет-Шемештиң чурттакчылары: «Бо ыдыктыг Бурганның, Дээрги-Чаяакчының мурнунга кым туруп шыдаарыл? Бистен чоруткаш, Ол ам кымнарже углаарыл?» – деп айтырып турганнар.