Иисус 24:14 - Ыдыктыг Библия

¹⁴ Оон Иисус мынча дээн: «Ынчангаш Дээрги-Чаяакчыдан коргуп чоруңар, Аңаа арыг-шынчы сеткилиңер ханызындан бараан болуңар. Ада-өгбеңерниң Евфрат хем ындынга болгаш Египетке чурттап турган үезинде бараан болуп чорааны бурганнарындан ойталаңар. Чүгле Дээрги-Чаяакчыга бараан болуңар.

Иисус 24:14 Iomraidhean Croise

Эге дөс 17:1

Аврам тозан тос харлыг турда, Дээрги-Чаяакчы аңаа көстүп келгеш, мынча дээн: «Мен Күчүлүг Бурган-дыр мен. Мээң мурнумга актыг-шынчы болуп, дыңнангыр чурттап чор.

Эге дөс 35:2

Ынчан Иаков өг-бүлезинге болгаш бодунга хамааржыр улузунуң шуптузунга мынча деп чагаан: «Бодуңарда бар хары бурганнарны октапкаш, арыгланып чунуп алыңар. Идик-хевиңерни база солуп алыңар.

4 Хааннар 20:3

«О, Дээрги-Чаяакчы, сактып кээп көрем! Мен Сээң мурнуңга шынчы чурттап, сеткилимден бердинип келдим, Сеңээ таарымчалыг чүүлдү кылып чордум!» Оон Эзекия ишкирнип ыглай берген.

Эзра 9:11

Оларны Сен биске Бодуңнуң чалча-медээчилериң дамчыштыр берип: „Эжелеп аар дээш бар чыдарыңар чер дээрге ында чурттап турар чоннарның бужар-бак чоруундан арыг эвес апарган чер-дир. Олар боттарының чүдек-бужар чаңчылдары-биле ол черни бүрүнү-биле долдуруп каапкан-дыр.

Иов 1:1

Уц деп черге Иов дээр кижи чурттап чораан. Ол болза кем-буруу чок, чөптүг, Бургандан коргар болгаш бачыттан хая көрнүп чоруур кижи турган.

Иов 28:28

А кижи төрелгетенге Бурган мынча дээн: „Дээргиден коргары – мерген угаан ылап ол-дур, бузуттан чайлаары – угаан-сарыыл ол-дур“».

Ырлар 111:10

Бузуттуг кижи ону көргеш, анчыгзынып, ש диштерин кыжырадыр база эстип чиде бээр. ת Бузуттугларның күзел-бодалы узуткаттырар.

Ырлар 119:1

Көдүрлүүшкүн ыры. Бергелерге кызагдаткаш, Дээрги-Чаяакчыны кыйгырар мен, а Ол меңээ харыылаар.

Иезекиил 20:18

Мен ээн кургаг ховуга оларның ажы-төлүнге: „Ада-өгбеңерниң дүрүмнерин эдербеңер, оларның доктаалдарын сагываңар, боттарыңарны оларның дүрзү-бурганнары-биле бужартатпаңар.

Иезекиил 23:3

Олар аныяандан-на Египетке самыын-садып турганнар; аңаа оларның эр кижи дегбээн эмиглерин нугуп, эмииниң допшуларын бырыштыр суйбап каапкан.

Осия 3:5

Израиль чон ооң соонда Бурганынче эглип, Дээрги-Чаяакчыже чүткүүр база бодунуң хааны Давидтиң салгакчызын хүлээп көөр, келир үеде ачы-буянныг Дээрги-Чаяакчыдан коргар.

Левит 17:7

Израиль чон самыыралга алзып, сүрүп халып турары хуназыг дүрзү-бурганнарынга моон соңгаар өргүлдер эккеп салбазын дээш, ындыг болзун. Бо дүрүм-хоойлуну оларның бүгү салгалдарынга кезээ мөңгеде доктаадып каан болзун!

Михей 6:8

О, кижи амытан, Бурган сеңээ Ооң экизинер чүүлү чүдел дээрзин чугаалап каан ийик. Дээрги-Чаяакчы сенден чүнү негеп турар ийик: ажыл-херектериңге чөптүг бооруңну, энерел көргүзеринче чүткүлдүг бооруңну болгаш Бурганыңның мурнунга томаарып чурттаарыңны эвес чүве бе?

Лука 8:15

Үнүш-дүжүткүр хөрзүннүг черже кээп дүшкеннери дээрге медээни дыңнааш, ону боттарының буянныг болгаш арыг чүректеринге кадагалап шыгжааш, туруштуг чоруунуң ачызында дүжүдүн бээр кижилер-дир.

Ажыл-чорудулга 9:31

Бүгү Иудеяга, Галилеяга база Самарияга христиан ниитилелге амыр-тайбың дүжүп, ол быжыгып олурган. Бүзүрээн улус Дээрги-Чаяакчыны хүндүлеп, Оон коргуп чурттаар боорга база Ыдыктыг Сүлде оларны сорук киирерге, өөреникчилерниң саны көвүдеп кел-ле чыткан.

2 Коринфичилерге 1:12

Бо делегейге амыдыралывыска (ылаңгыя силерге хамаарылгавыска) бодувусту ажыт-чажыт чокка, Бургандан кээр ак сеткил-биле ап келген бис – арын-нүүрүвүс-даа ону бадыткап шыдаар; ол дээш, чоргаарланыр бис. Кижиниң мерген угаанынга эвес, а Бурганның авыралынга ынанып, бодувусту ап чоруур бис.

Эфесчилерге 6:24

Дээргивис Иисус Христоска өлүм билбес ынакшыл-биле ынакшаан бүгү улуска Бурганның авыралы доктаазын!

Ы. х. к. 10:12

«Израиль чон, ам дыңна: Дээрги-Чаяакчы Бурганың сенден чүнү негеп турарыл? Ол чүгле Дээрги-Чаяакчы Бурганыңдан коргарыңны, Ооң шупту оруктарын эдерериңни, Аңаа ынак бооруңну, Дээрги-Чаяакчы Бурганыңга бүгү чүлдү-чүрээңден, бүгү сеткил-сагыжыңдан бараан бооруңну база

Ы. х. к. 18:13

Дээрги-Чаяакчы Бурганыңның мурнунга кем-буруу чок бол!

Ы. х. к. 6:13

Чүгле Дээрги-Чаяакчы Бурганыңдан корт, чүгле Аңаа бараан бол, чүгле Ооң ады-биле даңгырагла.

Филипчилерге 1:10

Ынчан боттарыңарга эң эки чүүлдү билип ап, Христостуң ээп кээр хүнүнде бүрүн арыг, кем-буруу чок болу бээр силер база

Иисус 24:2

Иисус бүгү чонга Израильдиң Бурганы Дээрги-Чаяакчының дараазында сөстерин дамчыдып, мынча деп чугаалаан: «Шаг төөгүден бээр силерниң ада-өгбеңер, оларның иштинде Авраам биле Нахорнуң адазы Фарра, Евфрат хем ындынга чурттап, өске бурганнарга бараан болуп чораан.

Иисус 24:23

«Ынчаарга силерде кандыг хары бурганнар барыл, олардан ойталааш, чүрээңерни Израильдиң Бурганы Дээрги-Чаяакчыже угландырыңар» – деп, Иисус чугаалаан.

1 Хааннар 12:14

Дээрги-Чаяакчыдан коргар болзуңарза, Аңаа бараан болур болзуңарза, Ооң сөзүн дыңнаар болзуңарза, Ооң күзелинге удурланмас болзуңарза, силер болгаш силерни чагырып турар хааныңар Дээрги-Чаяакчыга бердингениңер ол болур.

1 Хааннар 12:24

А силер Дээрги-Чаяакчыдан коргуңар, Аңаа бүгү чүрээңер-биле шынчы бараан болуңар, Ол кайы хире улуг херектерни силер-биле кылганын көрүңер.

1 Хааннар 7:3

Ол өйде Самуил бүгү израиль чонга чугаалаан: «Бир эвес силер сагыш-сеткилиңер ханызындан Дээрги-Чаяакчыже эглип турар болзуңарза, бодуңарның араңардан хары бурганнарны, Астарта бурган дүрзүлерин ап кааптыңар. Сеткилиңерниң ханызындан Дээрги-Чаяакчыга бердинип, чүгле Аңаа бараан болуңар. Ынчан Ол силерни филистимнерниң холундан адырар».