Иисус 23:14 - Ыдыктыг Библия

¹⁴ Ам мен кижи бүрүзүнүң баар сөөлгү оруунче чоруптар мен. Дээрги-Чаяакчы Бурганыңарның аазаан эки чүүлдеринден күүсеттинмейн барган чүве чок дээрзин чүрээңерниң, сеткил-сагыжыңарның ханызындан шуптуңар эки билир силер. Олар шупту бүткен, чаңгызы-даа күүсеттинмейн барбаан болгай.

Иисус 23:14 Iomraidhean Croise

Эге дөс 47:29

Өлүр үези чоокшулап кээрге, ол оглу Иосифти кыйгырып алгаш, мынча дээн: «Бир эвес менче ээ көрнүр болзуңза, меңээ бердингениңни көргүс: мээң дөңмээмге дээп, египет черге мени хөөржүтпезиңни даңгырагла!

3 Хааннар 2:2

«Кижи бүрүзүнүң баар сөөлгү оруунче чоруурум ол-дур. Кадыг-быжыг, эр соруктуг бооп көр.

3 Хааннар 8:56

«Аазаанын ёзугаар Бодунуң израиль чонунга амыр-дышты хайырлаан Дээрги-Чаяакчыга алдар! Бодунуң чалчазы Моисейни дамчыштыр Ооң берген ачылыг аазаашкыннарындан чаңгыс-даа сөс күүселде чок артпаан.

Иов 30:23

Билир мен: Сен мени өлүмче, бүгү амытаннарга белеткеп каан бажыңче аппар чыдар сен.

Хосталыышкын 3:8

Чонумну египетчилерден камгалаар дээш, бо черден үндүрүп, сүт биле ары чигири агып чыдар үнүш-дүжүткүр, делгем черже – хананей, хет, амор, ферез, хиввей болгаш иевус чоннарның чурттап турар черинче – эдертип аппаар дээш бадып келдим.

Экклесиаст 12:5

Бедик черлерден коргар апаар сен, а оруктарны айыыл долган ышкаш апаар, миндаль ыяжы чечектели бээр; шерги шимченгир эвес апаар база каперс дээштиг эвес апаар. Оон кижини ооң мөңге бажыңынче аппар чыдар, а ыглаан-сыктаан улус ону долганып, кудумчуда бар чыдар.

Экклесиаст 9:10

Холуң кылып шыдаар бүгү-ле ажылды бар шааң-биле кылып чор; чүге дээрге чеде бээриң өлүглер оранында ажыл-даа чок, бодал-даа чок, билиг-даа чок, мерген угаан-даа чок.

Иезекиил 20:28

Мен оларны бээр бооп даңгыраглаан черимче эккелдим. А олар бедик тей азы улуг хөлегелиг ыяш көрүп кааш-ла, аңаа өргүлдер кылып, Мээң килеңим оттурар өргүл белектери салып, чаагай чыттыг чүүлдер кыпсып, арага өргүлдери чажып турду.

Саннар 23:19

Бурган дээрге кижи эвес-ле болгай, Ол чүү дээш мегелээрил? Бурган дээрге кижи амытан эвес-ле болгай, Ол чүү дээш өскээр бодай бээрил? Ол эткен сөзүн ээлевейн барбас, аазаан соонда, күүсетпейн барбас.

Лука 21:33

Дээр биле чер эстип-хайлы бээр, а Мээң сөстерим эстип-хайлы бербес».

Еврейлерге 9:27

Кижи бүрүзү чүгле чаңгыс катап өлүр, а оон Бурганның шииткели боор.

1 Хааннар 3:19

Самуил өзүп келген. Дээрги-Чаяакчы үргүлчү ооң-биле кады бооп келген. Дээрги-Чаяакчының Самуилди дамчыштыр чугаалаан сөстериниң чаңгызы-даа күүсеттинмейн барбаан.