Иисус 22:5 - Ыдыктыг Библия

⁵ Чүгле Дээрги-Чаяакчының чалчазы Моисейниң силерге бергени хоойлу, айтыышкыннарын утпайн сагыңар: Дээрги-Чаяакчы Бурганыңарга ынак болуңар, Ооң бүгү оруктарын эдериңер, Ооң айтыышкыннарын сагыңар. Ооң-биле коштунчу бериңер, бүгү чүлдү-чүрээңерниң ханызындан бердинип, бүгү сагыш-сеткилиңерден Аңаа бараан болуңар».

Иисус 22:5 Iomraidhean Croise

Ырлар 78:7

Чүге дээрге олар израиль чонну сыырыпкан, ооң чурттаан черин хоозурадып каан болгай.

Хосталыышкын 15:26

Ол: «Дээрги-Чаяакчы Бурганыңарның сөзүнге чагыртып, Меңээ таарымчалыг чүүлдерни кылыр болзуңарза база Мээң айтыышкыннарымны тооп дыңнап, бүгү дүрүмнеримни сагыыр болзуңарза, Египетче салган аарыгларымның чаңгызын-даа силерже салбас мен. Силерни экиртип турар Дээрги-Чаяакчы – Мен-дир мен!» – деп чонга чугаалаан.

Хосталыышкын 20:6

А Меңээ ынак база Мээң айтыышкыннарымны күүседир улуска муң салгал чедир энерелдиг болур мен.

Хосталыышкын 23:13

Силерге Мээң чугаалаан бүгү чүвемни күүседиңер, өске бурганнар аттары безин адаваңар: аксы-дылыңардан ол аттар үнмезин.

Хосталыышкын 23:25

Дээрги-Чаяакчы Бурганыңга бараан бол, Мен ынчан сээң аъш-чемиңни болгаш сууңну элбек кылып каар мен, аарыг-аржыкты сенден чайладыр мен.

Чугаалар 4:23

Чүрээңни чүден артык камнап-кадагала, чүге дээрге ол – амыдыралдың үнер дөзү-дүр.

Исайя 55:2

Аъш-чем боор харык чок чүве дээш чүге акша-мөңгүн төлеп турар силер? Кижи тоттурбас чүве дээш чүге күш-ажылыңар төлевирин берип турар силер? Мени топтап дыңнаңар, ынчан эки аъш-чем чиир силер, чаагай чемге сеткилиңер ханар.

Иеремия 12:16

Бир эвес олар Мээң чонумнуң оруктарын истеп өөренип аар болза, боттары-ла Мээң чонумну Ваал бурганның ады-биле даңгыраглаарынга өөреткени дег, Мээң адым-биле: „Дээрги-Чаяакчы дириг!“ – деп даңгыраглаар болза, олар база Мээң чонумнуң кезии апаар.

Матфей 22:37

Ол мынча дээн: «„Бодуңнуң Бурганың Дээрги-Чаяакчыга бүгү-ле чүлдү-чүрээңден, бүгү-ле сеткил-сагыжыңдан, бүгү-ле угаан-сарыылыңдан ынак бол“.

Матфей 4:10

Иисус аңаа: «Ырап чор, эрлик! Бижилгеде: „Чүгле Дээрги-Чаяакчы Бурганыңга мөгейип чор, чүгле Аңаа бараан бол“ – деп бижээн-дир» – деп харыылаан.

Матфей 6:24

Кым-даа ийи дээргиге хары угда бараан бооп шыдавас: чок-ла болза бирээзин көрбес, а өскезинге ынак боор азы бирээзинге кызып бараан болгаш, өскезин тоовас боор. Силер база Бурганга болгаш акша-мөңгүнге хары угда бараан болуп шыдавас силер.

Иоанн 12:26

Меңээ бараан болган кижи Мени эдерзин! Мен кайда турар болдур мен, Мээң чалчам база ында болур. Меңээ бараан болган кижини Мээң Адам алдаржыдар.

Иоанн 14:15

«Меңээ ынак болзуңарза, айтыышкыннарым сагыыр силер.

Ажыл-чорудулга 11:23

Варнава ынаар четкеш, Бурганның ол улуска көргүскен авыралын көргеш, аажок өөрүп, Дээрги-Чаяакчыга сеткилдиң ханызындан бердинер база шынчы боор кылдыр оларны сорук киирип турган.

Ажыл-чорудулга 27:23

Эрткен дүне мээң мөгейип, бараан бооп чоруурум Бурганның төлээзи меңээ келгеш барды.

Римчилерге 1:9

Ооң Оглунуң дугайында Буянныг Медээни медеглеп, Аңаа бүгү бодумдан бараан бооп чоруурум Бурган херечим болзун: мөргүп турар санымда-ла, силерни сактыр-дыр мен.

Римчилерге 12:9

Ынакшылыңар ажыт-чажыт чок, шынчы болзун. Бузутту көөр хөөн чок, буянга бердинген болуңар.

Римчилерге 8:28

А бис билир бис: Бурганга ынак, Ооң бодалын ёзугаар кыйгырткан улуска шупту чүве ачы-буянныг боорунче угланган боор.

Ы. х. к. 10:20

Чүгле Дээрги-Чаяакчы Бурганыңдан коргуп чор, Аңаа бараан бол, Ооң-биле коштунчу бер, Ооң ады-биле даңгырагла.

Ы. х. к. 11:1

«Дээрги-Чаяакчы Бурганыңарга ынак болуңар, Ооң сагызын деп дужааган бүгү чүвезин, Ооң дүрүмнерин, хоойлуларын болгаш айтыышкыннарын кезээде сагып чоруңар.

Ы. х. к. 11:13

Мээң бөгүн силерге айтып-чагып турар айтыышкыннарымны тооп дыңнаар: Дээрги-Чаяакчы Бурганыңарга ынак боор, Аңаа бүгү чүлдү-чүрээңерден, бүгү сеткил-сагыжыңардан бараан болур болзуңарза,

Ы. х. к. 11:22

Бир эвес силерге күүсетсин дээш айтып-чагып турарым шупту айтыышкыннарны сагыыр: Дээрги-Чаяакчы Бурганыңарга ынак болур, Ооң шупту оруктарын эдерер, Ооң-биле коштунчу бээр болзуңарза,

Ы. х. к. 13:4

Чүгле Дээрги-Чаяакчы Бурганыңарны эдериңер, Оон коргуп чоруңар, Ооң айтыышкыннарын сагыңар, сөзүн дыңнаңар, Аңаа бараан болуңар база Ооң-биле коштунчу бериңер.

Ы. х. к. 4:29

Ынчалза-даа ол чурттарга Дээрги-Чаяакчы Бурганыңарже чүткүп, Ону дилеп эгелээр силер; бир эвес Олче бүгү чүлдү-чүрээңер-биле, бүгү сеткил-сагыжыңар-биле чүткүүр болзуңарза, тып чеде бээр силер.

Ы. х. к. 4:4

а силер, Дээрги-Чаяакчы Бурганыңарга бердинген улус, шуптуңар амдыгаа чедир дириг-дир силер.

Ы. х. к. 4:6

Оларны кадагалап, күүседир болзуңарза, өске чоннар мурнунга угаан-сарыылдыг улус бооп көстүр силер, ол чоннар демги бүгү дүрүмнер дугайында дыңнап кааш: „Шынап-ла, бо өндүр улуг чон угаан-сарыылдыг-дыр!“ – дээр.

Ы. х. к. 4:9

Чүгле сеткил-сагыжыңарны кадагалаңар, карааңар-биле көргениңер Бурганның ажыл-херектерин уттуңар халак, олар силерниң назыныңар дургузунда чүрээңерге шыгжаттынып артсын; шак ол ажыл-херектерни ажы-төлүңерге-даа, оларның ажы-төлүнге-даа чугаалап бериңер.

Ы. х. к. 5:10

А Меңээ ынак база Мээң айтыышкыннарымны күүседир улуска муң салгал чедир энерелдиг болур мен.

Ы. х. к. 6:17

Дээрги-Чаяакчы Бурганыңарның силерге айтып-чагаан айтыышкыннарын, доктаалдарын болгаш дүрүмнерин ыяк сагыңар.

Еврейлерге 12:15

Силерниң кайыңар-даа Бурганның авыралын ышкынмазын дээш кичээниңер. Силерниң араңарга кандыг-даа ажыг чашпан дазыл тыртып үнгеш, хора халдатпазын дээш база ону дамчыштыр хөй улус бужартавазын дээш кичээниңер.

Иаков 1:12

Шенелделерни шыдажып эртип турар кижи амыр-чыргалдыг, чүге дээрге оларны шыдажып эрткеш, Бурганга ынак улуска Ооң аазааны шаңналды – мөңге амыдыралды алыр.

Иаков 2:5

Ханы ынак ха-дуңма, дыңнап көрүңер! Бурган бо делегейниң ядыы улузун чүге шилип алганыл? Оларны бүзүрел-биле байыткаш, Аңаа ынак улуска аазааны Чагырганың салгакчылары кылып каар дээш эвес бе?

Иисус 23:8

Бо хүннерге чедир Дээрги-Чаяакчы Бурганыңар-биле коштунчуп келгениңер дег, Аңаа моон-даа соңгаар шынчы болуңар.

Ажыдыышкын 15:3

Бурганның чалчазы Моисейниң ырын база Хураганның ырын ырлажып турдулар: «Бүрүн Күчүлүг Дээрги-Бурган-Чаяакчы, Сээң ажыл-херээң өндүр улуг, кайгамчык-тыр! Сээң оруктарың чөптүг болгаш алыс шынныг-дыр, бүгү чоннарның Хааны!

1 Хааннар 12:20

Самуил чонга: «Кортпаңар. Бачытты кылган-дыр силер, ам канчаар, Дээрги-Чаяакчыдан черле ойталаваңар, чүрээңер ханызындан Дээрги-Чаяакчыга бараан болуп чоруңар.

1 Хааннар 12:24

А силер Дээрги-Чаяакчыдан коргуңар, Аңаа бүгү чүрээңер-биле шынчы бараан болуңар, Ол кайы хире улуг херектерни силер-биле кылганын көрүңер.

1 Хааннар 7:3

Ол өйде Самуил бүгү израиль чонга чугаалаан: «Бир эвес силер сагыш-сеткилиңер ханызындан Дээрги-Чаяакчыже эглип турар болзуңарза, бодуңарның араңардан хары бурганнарны, Астарта бурган дүрзүлерин ап кааптыңар. Сеткилиңерниң ханызындан Дээрги-Чаяакчыга бердинип, чүгле Аңаа бараан болуңар. Ынчан Ол силерни филистимнерниң холундан адырар».