Иисус 20:9 - Ыдыктыг Библия

⁹ Сагыштыы-биле эвес өлүрүүшкүн кылган үндезин израильчилер-даа, Израильде чурттап турар даштыкы кижилер-даа өжээн негекчизинден дезип, ниитилелдиң шииткелиниң болурунга чедир хоргадалдан тып алзын дээш ылгап каан хоорайлар ол-дур.

Иисус 20:9 Iomraidhean Croise

Саннар 35:13

Силерниң аңгылап берип турарыңар хоргадал-хоорайларның саны алды болур ужурлуг.

Саннар 35:15

Шак ол алды хоорай израильчилерге-даа, силерниң араңарда доктаамал азы түр када чурттап турар даштыкы кижиге-даа хоргадал-хоорайлар болзун, бир-ле кижини эндеп каан кижи ынаар дезе берзин.

Иисус 20:4

Ол хоорайларның кайы-бирээзинче дезип чеде берген кижи хоорайже кирер хаалга аксынга баргаш, хоорайның баштыңнарынга чүү болганын чажырбайн чугаалап берзин. Ынчан ол хоорайның улузу ону хүлээп алгаш, оларның аразынга чурттаар черден ылгап берзин.

Иисус 20:6

Өлүрүкчү кижи ол хоорайга ниитилел ооң херээн сайгаргыже чедир чурттап турзун. Азы ол болуушкун болуп турган үеде Бурганның дээди бараалгакчызы турган кижиниң өлүмүнге чедир аңаа чурттазын. Ооң соонда ол бодунуң дезипкени хоорайынче, аал-оранынче чана берзин».

Иисус 20:8

Иордан хемниң ындында, Иерихоннуң чөөн чүгүнде: Рувимниң черинде, оргулааш черде, ээн кургаг ховуда – Бецер; Гадтың черинде, Галаадта – Рамот; Манассияның черинде, Васанда – Голан.