Иисус 19:9 - Ыдыктыг Библия

⁹ Симеоннуң аймаанга черни Иуда аймааның черинден үзүп берген турган. Иуданың аймааның хувааглыг чериниң девискээри оларга улуг турган болгаш, Симеоннуң аймаанга черни ооң аразындан берген чүве-дир.

Иисус 19:9 Iomraidhean Croise

Эге дөс 49:7

Оларның каржы-дошкун кылыы, араатанзыг килеңи каргаттырар! Иаковтуң салгалының аразынга оларның үре-салгалын тарадып, израиль чоннуң аразынга үлеп чорудуптар мен!

Хосталыышкын 16:18

Хөйнү чыып алган кижи артыкшыл билбес болзун, а эвээшти чыып алган кижи чедишпезин билбес болзун дээш, олар гомор-биле хемчээп турганнар. Кижи бүрүзү бодунга чеже херек-тир, ынчаны чыып алган.

Иезекиил 48:7

Иуданың хувааглыг чери Рувимниң ээлээн чери-биле чөөн чүктен барыын чүкче кызыгаарлажыр.

Саннар 26:54

Хөй санныг аймак хувааглыг черниң улуг кезээн, а эвээш санныг аймак – эвээш кезээн алзын. Аймак бүрүзүнге хувааглыг черни, ооң санаашкынны эрткен улузунуң санын барымдаалап, бээр ужурлуг.

Иисус 19:10

Үш дугаарында Завулоннуң аймаа төрел бөлүктер аайы-биле хувааглыг черни алган. Оларның чериниң кызыгаары Саридке чедир шөйлүп чоруткан.

Иисус 19:8

Ол хоорайларны долгандыр турар бүгү суурлар, Ваалат-Беэрге (азы Негевте Рамага) чедир безин суурлар Симеонга хамааржыр. Симеоннуң аймааның төрел бөлүк аайы-биле үлелгеге алган черлери ындыг чүве-дир.