Иисус 18:16 - Ыдыктыг Библия

¹⁶ Оон кызыгаар Бен-Энном шынаазының баарында – Рефаим шынаазының соңгу талазында даглап баткаш, Бен-Энном шынаазын таварып, Иевус хоорайның мурнуу талазын эрткеш, Эн-Рогелче чорупкан.

Иисус 18:16 Iomraidhean Croise

2 Хааннар 17:17

Ионафан биле Ахимаас хоорайга көстүрүнден сестир болгаш, Эн-Рогел деп кара суг кыдыынга турганнар. Бир чалча херээжен чүү болуп турарын дамчыдып чугаалаарга, олар Давидче дыңнадыр ужурлуг турганнар.

2 Хааннар 5:18

Филистимнер Рефаим шынаазынга чедип келгеш, аңаа турумчуп алган.

3 Хааннар 1:9

Адония Эн-Рогел чоогунда Зохелет деп дашка хойлар, шарылар болгаш семис бызааларны өргүп, дөгерген. Ол бодунуң акы-дуңмалары болур бүгү тажыларны болгаш хаанның Иудея чурттуг бүгү дүжүметтерин чалап алган.

4 Хааннар 23:10

Иосия Бен-Энном шынаазында Тофетте өргүл бедигээжин, аңаа кым-даа оон ыңай оглу-кызын Молох бурганга от өттүр эрттирбезин дээш, бужартадып каапкан.

1 Чылдар 14:9

Филистимнер Рефаим шынаазынга кээп турумчуп алганнар.

2 Чылдар 28:3

Ахаз Бен-Энном шынаазынга айдызаар өргүлдер кылып, Дээрги-Чаяакчының израильчилерниң мурнундан үндүр сывырыпканы чоннарның чүдек-бужар чаңчылдарын өттүнүп, бодунуң оолдарын от-биле өрттедип турган.

2 Чылдар 33:6

Ол бодунуң оолдарын Бен-Энном шынаазынга от өттүр эрттирип турган база төлгелээр, илби-шиди кылыр болгаш өлүг улус сүнезини кыйгырар, караң-көрнүр улус-биле харылзажып турган. Ол Дээрги-Чаяакчының мурнунга хөй бузутту үүлгедип, Ооң килеңин кыптыктырып турган.

Исайя 30:33

Мөчү-сөөктер өрттедир оңгар шагда-ла манай берген, Ассирияның хаанын хүлээп аарынга белен. Ханы болгаш калбак оңгарда улуг одагны салып каан, ында от өөскээн, хөй ыяш чыгдынган. Дээрги-Чаяакчының тыныжы ыяшты, чалбыышталган күгүр дег, кыпсыптар.

Иеремия 19:11

оларга мону чугаала: „Аг-шериглиг Дээрги-Чаяакчының чугаалаан чүвези бо-дур. Мен бо чон биле бо хоорайны чуура шавар мен! Дой сава кылыкчылары доңганы ынчаар буза шавар, ол ооң соонда катап чыып эптеттинмес. Кижи ажаар чер чедишпес боорга, улусту Тофетке ажаап эгелээр.

Иеремия 19:2

Бузулган савалар хаалгазын дамчыштыр Бен-Энном шынаазынче үне бергеш, Мээң сеңээ чугаалаар сөстеримни аңаа чарла.

Иеремия 19:6

Ынчангаш үе кээрге, ол чер оон соңгаар Тофет азы Бен-Энном шынаазы эвес, а Кыргып хыдыышкын шынаазы деп адаттырар – деп, Дээрги-Чаяакчы медеглээн. –

Иеремия 32:35

Молох бурганга оглу-кызын өргүп, Бен-Энном шынаазынга Ваал бурганга өргүл салыр черлер тудуп алдылар. Мен оларга ынчаар кылырын дужааваан мен, ындыг чүдек-бужар чүүл Мээң сагыжымга-даа турбаан, Иудея ол дээш бачытка борашкан».

Иисус 15:63

А Иерусалимге чурттап чораан иевус чонну чуртундан Иуданың аймаа үндүр сывырып шыдаваан. Амгы үеде-даа иевустар Иуданың үре-салгалы-биле кады Иерусалимде чурттап чоруурлар.

Иисус 18:28

Цела, Элеф, Иевус (азы Иерусалим), Гивеат база Кириат-Иарим – суурлары-биле кады он дөрт хоорай. Вениаминниң аймааның төрел бөлүктер аайы-биле үлелгеге алган черлери ол-дур.

Баштыңчылар 1:21

А Вениаминниң аймаа Иерусалимге чурттап турган иевус чонну үндүр сывыртавайн барган, ынчангаш иевустар вениаминчилер-биле Иерусалимде амдыгаа чедир чурттап чоруурлар.

Баштыңчылар 1:8

Иуданың аймаа Иерусалим хоорай-биле база дайылдашкаш, ону эжелээш, хылыш-мези-биле ооң чурттакчыларын кыргып-хыдып каан соонда, хоорайны өрттедипкеннер.

Баштыңчылар 19:10

Ынчалза-даа левит чөпшээрешпейн, чанып чорупкаш, Иевус хоорайның (амгы Иерусалимниң) чанынга чедип келген. Ол чүъктүг ийи элчиген биле амдыы херээженни ап алгаш чораан.