Иисус 18:10 - Ыдыктыг Библия

¹⁰ Иисус Силомга Дээрги-Чаяакчының мурнунга төлге даштарын октааш, израильчилерниң арткан аймактарынга хувааглыг черлерни үлеп берген.

Иисус 18:10 Iomraidhean Croise

1 Чылдар 24:5

Оларны кандыг-даа тала тыртпайн, төлге даштарының дүшкенин ёзугаар чарып каан, чүге дээрге Элеазарның-даа, Ифамарның-даа үре-салгалы Бурганның мурнунга – ыдыктыг черге бараан болур дең эргелиг турган чүве-дир.

Неемия 11:1

Чоннуң баштыңнары Иерусалимге чурттай берген. Өске бүгү улус ыдыктыг хоорай Иерусалимге кым чурттаар эвес дээш, төлге даштары октап турган: он кижиниң бирээзи-ле аңаа чурттаары-биле чоруй баар, а арткан тос кижи боттарының хоорай-суурларынга артып каар турган.

Ырлар 47:4

Хоорайның шивээлеринде Бурган турар; хоорайны Ол кадагалап турарын улус база билир.

Ырлар 61:5

Дайзыннар мени бедик черден дүжүр октаар бодап, мегезинге сеткили ханып турар – аксы-сөзү-биле алгап-йөрээр, а ишти-хөңнүнде – каргаар. Сэла

Чугаалар 18:18

Удурланыкчызы чугаалап эгелевээнде, сактырга, баштай чаргылдажып эгелээн кижиниң сөстери шынныг-даа ышкаш болур.

Иеремия 7:12

Мээң ат-алдарым аңаа турар кылдыр эң баштай доктааткан чер болур Силомче баргаш, Мээң израиль чонумнуң бузут-багы дээш ону канчаар кезеткенимни көрүңер.

Иезекиил 47:22

Силер ону боттарыңарга база араңарга чурттай бергеш, ажы-төлдүг апарган даштыкы улуска өнчү кылдыр хуваап алыр силер. Ол даштыкы улус силерниң араңарга Израильдиң үндезин чурттакчылары дег кылдыр санатсын: Израильдиң аймактарының аразынга оларга база хувааглыг черден өнчү кылдыр берзин.

Иезекиил 48:29

Израильдиң аймактарынга эдилээр кылдыр хуваап бээриңер чер ындыг-дыр». Дээрги-Бурган-Чаяакчының медеглээн чүвези ол-дур.

Михей 2:5

Ынчангаш Дээрги-Чаяакчының чонунуң аразынга кым-даа силерге хувааглыг чер үлеп бербес.

Саннар 34:16

Дээрги-Чаяакчы Моисейге мынча деп чугаалаан:

Матфей 27:35

Иисусту белдир-ыяшка хере шаап кааш, шериглер Ооң хевин алыр дээш үлүг тыртып, аразында үлежип алганнар.

Иоанн 17:2

Ол Сээң Аңаа бүзүреп хүлээткен улузуңнуң шуптузунга мөңге амыдыралды берзин дээш, Сен Аңаа бүгү кижи төрелгетенни чагырар эргени бердиң.

Ажыл-чорудулга 13:19

Бурган Ханаанга чеди аңгы өске чонну хыдып каапкаш, оларның черин израиль чонга 450 чыл иштинде өнчү кылдыр берип каан. Ооң соонда Самуил медээчиниң үезинге чедир Бурган оларга баштыңчылар берип келген.

Ажыл-чорудулга 26:18

Оларның бачыттары өршээттинзин дээш, а ол ышкаш Меңээ бүзүрээниниң ачызында Бурганның ыдыктаан чонунуң аразынче кирзиннер дээш, сен оларның карактарын ажыдар база дүмбей караңгыдан – чырыкче, эрликтиң чагыргазындан – Бурганче ээлдирер сен“.

Колосчуларга 1:12

Бодунуң улузунуң чырыткылыг өнчүзүнден үлүг алыр арганы силерге бергени дээш, Адага өөрүшкү-маңнайлыг өөрүп четтириңер.

Иисус 14:2

Дээрги-Чаяакчының Моисейни дамчыштыр чагааны-биле, ол черни төлге даштары октааш, израиль чоннуң тос болгаш чартык аймаанга үлеп бергеннер.

Иисус 14:5

Дээрги-Чаяакчы Моисейге канчаар чагып кааныл, израильчилер ынчалдыр черни хуваалда ёзугаар үлежип алганнар.

Иисус 18:11

Баштай-ла Вениаминниң аймаа төрел бөлүктер аайы-биле дараазында хувааглыг черни алган. Оларның үлүү болур чери Иуданың болгаш Иосифтиң салгалдарының черлериниң аразында болган.

Иисус 18:6

Черниң байдалын бижип демдеглеп алгаш, чеди кезекке үлеп алгаш, меңээ борта эккеп көргүзүңер. Дээрги-Чаяакчы Бурганывыстың мурнунга төлге даштарын октааш, ол черни силерге тодарадып бээр мен.

Иисус 18:8

Черниң байдалын бижиир ужурлуг улуска, чоруурунуң бетинде, Иисус мындыг чарлык үндүрген: «Бо чуртту эргип кезээш, байдалын бижип алгаш, катап меңээ чедип келиңер. А мен ынчан маңаа, Силомга, Дээрги-Чаяакчының мурнунга төлге даштарын октааш, черни силерге тодарадып бээр мен».

Иисус 18:9

Ол улус чоруткаш, чуртту эргип кезээш, бүгү хоорайларын дептерге демдеглеп, чеди кезекке үлеп алгаш, Силомда турлагда Иисуска чедип келген.

Иисус 19:51

Бурганның бараалгакчызы Элеазар, Нуннуң оглу Иисус база аймактарның баштыңнары төлге даштарын октааш, Силомда Ужуражылга майгынының кирер черинге Дээрги-Чаяакчының мурнунга израильчилерге шак ындыг хувааглыг черлерни үлеп бергеннер. Чер үлелгези ынчалдыр доозулган чүве-дир.

Иисус 23:4

Көрүңер даан, мен силерге Иордан хемден барыын чүкте Улуг далайга чедир чылча шапканым бүгү чоннарның база ам-даа ында артып калган чоннарның черлерин аймак аайы-биле үлеп бердим.