Иисус 17:1 - Ыдыктыг Библия

¹ Төлге даштарын Манассияның аймаа дээш октаан. Манассия дээрге Иосифтиң дун оглу-дур. А Манассияның дун оглу Махир – галаадчыларның ада-өгбези. Галаадчылар ёзулуг дайынчылар турган, ынчангаш Махирниң төрел бөлүүнге Галаад болгаш Васан деп черлер онаашкан.

Иисус 17:1 Iomraidhean Croise

Эге дөс 41:51

Дун оглун Иосиф Манассия деп адап алган, чүге дээрге ол «Бурган меңээ бүгү муңгаралдарымны болгаш адамның аалын уттуптар арганы берген» дээр турган.

Эге дөс 41:52

Ийи дугаар оглун Эфрем деп адап алган. Чүге дээрге ол «Бурган мээң хилинчек көрген черимге мени салгалдыг кылып каан» дээр турган.

Эге дөс 46:20

Илиопольда бараалгакчы Поти-Фераның уруу Асенет Иосифке Манассия биле Эфремни египет черге божуп берген.

Эге дөс 48:17

Ачазы оң холун Эфремниң бажында салып алганын көөрге, Иосифке ол шын эвес кылдыр сагындырган. Иосиф ачазының холун Манассияның бажынче салыр дээш тудуп алгаш,

Эге дөс 48:18

ачазынга: «Соора салып алган-дыр силер, ачай. Улуу бо-дур, оң холуңарны ооң бажынга салып алыңар» – дээн.

Эге дөс 50:23

Ынчалдыр Иосиф Эфремниң үш салгал чедир ук-салгалын-даа, Манассияның оглу Махирниң чаа төрүттүнген оолдарын-даа хоюнга олуртуп, хүлээп алган.

2 Хааннар 2:9

Ону Галаад девискээрниң, Ашурнуң, Изреелдиң, Эфрем биле Вениамин аймактарның – бүгү Израильдиң хааны кылып каан.

1 Чылдар 2:23

Ынчалза-даа гессурлар болгаш арамейлер ол черге алдан хоорайны эжелеп алган. Ол хоорайларның аразында Иаирниң хоорай-суурлары, Кенат хоорай болгаш аңаа хамааржыр хоорай-суурлар бар турган. Аңаа чурттап турган улус шуптузу Галаадтың адазы Махирден укталган.

Иезекиил 47:13

Дээрги-Бурган-Чаяакчы мынча дээн: «Израильдиң он ийи аймаанга черни өнчү кылдыр хуваап бээриңер кызыгаарлар бо-дур. Иосифтиң салгалдары ийи кезек чер алыр.

Иезекиил 48:4

Манассияның хувааглыг чери Неффалимниң ээлээн чери-биле чөөн чүктен барыын чүкче кызыгаарлажыр.

Саннар 26:29

Манассияның төрел бөлүктери бо-дур: Махирден – махир төрел бөлүк, Махирниң оглу Галаадтан – галаад төрел бөлүк.

Саннар 27:1

Салпаад деп кижи (ол дээрге Хеферниң оглу, Хефер Махирниң оглу, Махир Манассияның оглу, Манассия Иосифтиң оглу чүве-дир) беш кыстыг турган. Оларның аттары: Махла, Ноа, Хогла, Милка болгаш Тирца.

Саннар 32:33

Моисей ынчан Гад биле Рувимниң аймактарынга база Иосифтиң оглу Манассияның аймааның чартыынга амор хаан Сигоннуң күрүнезин, Васанның хааны Огтуң күрүнезин, ол девискээрде хоорайларны болгаш оларның чоок-кавызында бүгү черлерни айтып берген.

Ы. х. к. 21:17

Харын ол кижи ынак эвес кадайындан оглун дун оглу кылдыр хүлээп көргеш, аңаа өнчүзүнден ийи дакпыр үлүгнү үзүп бээр ужурлуг, чүге дээрге демги оол ооң ажы-төлүнүң баштайгызы болган-дыр, дун оолдуң өнчү салгаар эргези аңаа хамааржыр-дыр».

Иисус 17:2

А Манассияның өске салгалдары – Авиезерниң, Хелектиң, Асриилдиң, Шехемниң, Хеферниң, Шемиданың үре-салгалы – төрел бөлүк аайы-биле хувааглыг черлерни база алган. Иосифтиң оглу Манассияның эр хиндиктиг салгалдары болгаш олардан укталган төрел бөлүктер мындыг чүве-дир:

Иисус 22:7

(Манассияның аймааның бир чартыынга черни Моисей Васанга берген турган. А ооң өске чартыынга черни Иисус Иорданның барыын талазынга ха-дуңмазының аразынга берген.) Чанып чоруп турда, Иисус оларны алгап-йөрээп,

Баштыңчылар 5:14

Амалик черде турумчуй берген эфрем аймактыг улус чедип келген, оларның соонда Вениаминниң улузу өске төрел аймактары-биле кады база махир төрел бөлүктүң баштыңнары база Завулоннуң дүжүметтери кээп турду.