Иисус 14:4 - Ыдыктыг Библия

⁴ Иосифтиң салгалдарындан ийи аймак үнген: Манассия болгаш Эфрем. А левиттерге хувааглыг чер бербээн. Чүгле чурттаар хоорайлар болгаш мал-маганын кадарар чер берген.

Иисус 14:4 Iomraidhean Croise

Эге дөс 41:51

Дун оглун Иосиф Манассия деп адап алган, чүге дээрге ол «Бурган меңээ бүгү муңгаралдарымны болгаш адамның аалын уттуптар арганы берген» дээр турган.

Эге дөс 41:52

Ийи дугаар оглун Эфрем деп адап алган. Чүге дээрге ол «Бурган мээң хилинчек көрген черимге мени салгалдыг кылып каан» дээр турган.

Эге дөс 46:20

Илиопольда бараалгакчы Поти-Фераның уруу Асенет Иосифке Манассия биле Эфремни египет черге божуп берген.

Эге дөс 48:1

Элээн үе эрткенде, Иосифке ооң ачазы аарып турар дээрзин дыңнаткан. Иосиф бодунуң Манассия биле Эфрем деп ийи оглун эдертип алгаш, ачазынга чедип келген.

Эге дөс 48:5

Ынчангаш ам Египетке мээң кээримге чедир төрүттүнген ийи оглуң – Эфрем биле Манассия – Рувим болгаш Симеон-биле дең эргелиг мээң оолдарым болзун.

Эге дөс 48:6

А оларның соонда төрүттүнер оолдарың сээңии болур. Ынчалза-даа олар акыларының төрел аймаанга каттыжып, оларның салгал дамчаан өнчүзүн үлежирлер.

2 Чылдар 30:1

Эзекия бүгү Израильдиң болгаш Иудеяның чонунче шапкынчылар чоруткан, а Эфрем биле Манассияның чонунга база чагаалар бижип, Израильдиң Бурганы Дээрги-Чаяакчыга тураскааткан Хосталыышкын байырлалын демдеглээри-биле Иерусалимде Ооң өргээзинге чыглып кээрин чалаан.

Саннар 26:28

Иосиф Манассия биле Эфрем деп ийи оолдуг турган, оларның үре-салгалы болгаш олардан укталган төрел бөлүктер бо-дур.

Иисус 16:4

Иосифтиң салгалдары болур Манассия болгаш Эфремниң аймактары база боттарының ээлээр черлерин алган чүве-дир.