Иисус 13:3 - Ыдыктыг Библия

³ (Египеттиң чөөн талазында Шихор хемден соңгу чүкте Экрон кызыгаарынга чедир Ханаанның девискээрлери деп санаттынар. Ында филистимнерниң беш күрүне-хоорайы бар: Газа, Азот, Аскалон, Геф база Экрон);

Иисус 13:3 Iomraidhean Croise

Эге дөс 10:6

Хаамның оолдары: Хуш, Египет, Фут база Ханаан.

Эге дөс 15:18

Дээрги-Чаяакчы ол хүн Аврам-биле керээ кылып алган: «Сээң салгалыңга Египеттиң хеминден улуг Евфрат хемге чедир бо черни бээр мен:

3 Хааннар 8:65

Соломон, а ооң-биле кады бүгү израильчилер – соңгу чүкте Лево-Хаматтан эгелээш, мурнуу чүкте Египет-биле кызыгаарда хемге чедир черлерден чыылган мөөң чон – ол үеде байырлал кылган. Олар Дээрги-Чаяакчы Бурганывыстың мурнунга чеди хүн, оон база чеди хүн – каттышкаш, он дөрт хүн – байырлап келген.

1 Чылдар 13:5

Ынчалдыр Давид Бурганның аптаразын Кириат-Иаримден эккеп аары-биле Египетти кызыгаарлап турар Шихор хемден Лево-Хаматка чедир бүгү израильчилерни чыып алган.

Исайя 23:3

Египеттен тарааны, Шихор болгаш Нилдиң эриктеринден дүжүттү улуг делгем суглар кыры-биле сөөртүп турган силер. Хоорайыңар хөй чоннарның садыг кылыр чери турган.

Иеремия 2:18

А ам Египетче чүге баарың ол, Нил хемниң суун ижер дээш бе? Ассирияже чүге баарың ол, Евфраттың суун ижер дээш бе?

Ы. х. к. 2:23

А Кафтордан чедип келген кафтор чон Газа хоорайга чедир суурларга чурттап турган аввей чонну узуткап кааш, оларның черинге чурттай берген.)

Иисус 13:13

Ынчалза-даа израильчилер гессур база мааха чоннарны үндүр ойлатпаан. Олар бо хүннерде-даа израильчилерниң аразында чурттап чоруур.

Баштыңчылар 16:5

Ол херээженге филистимнерниң чагырыкчылары чедип келгеш: «Самсонну көгүдүп тургаш, ооң улуг күжүнүң чажыдын болгаш ону ажып тиилээш, бектеп-хүлүп, томаартыр аргазын билип ал, ол дээш сеңээ кижи бүрүзү 1100 шекел мөңгүн бээр бис» – дээннер.

Баштыңчылар 3:3

беш күрүне-хоорайга чурттаан филистимнер; Ливан дагларынга – Ваал-Эрмон дагдан Лево-Хаматка чедир чурттаан шупту хананейлер, сидончулар база хиввейлер.

1 Хааннар 5:1

Филистимнер Бурганның аптаразын ап алгаш, Авен-Эзерден Азотче эккелгеннер.

1 Хааннар 5:10

Ооң соонда Бурганның аптаразын Экронче чорудупканнар. Экроннуң чурттакчылары Бурганның аптаразын көргеш: «Бистиң чонувусту узуткадыр дээш Израильдиң Бурганының аптаразын мында эккелген чүве бе» – деп алгыржып үнгеннер.

1 Хааннар 5:8

Азотчулар филистим чагырыкчыларның шуптузун кыйгырып чыып алгаш: «Израильдиң Бурганының аптаразын канчаар бис?» – деп айтырганнар. Олары: «Израильдиң Бурганының аптаразын Гефче чорудуптаалыңарам» – дээннер. Ынчангаш Израильдиң Бурганының аптаразын Гефче чорудупканнар.

1 Хааннар 6:4

«Кем-буруу дээш Дээрги-Чаяакчыга кандыг өргүл кылыр улус бис?» – деп, филистимнер айтырганнар. Демгилери: «Филистим чагырыкчыларның саны-биле ыжыктың беш алдын дүрзүзүнден база беш алдын күске хевиринден кылып алыңар, чүге дээрге кеземче силерниң шуптуңарга база силерниң чагырыкчыларыңарга дүжүп турар-дыр.