Иисус 13:25 - Ыдыктыг Библия

²⁵ Иазер деп девискээр, Галаадтың бүгү хоорайлары, Равва хоорайның дужунда Ароерге чедир аммон чурттуң чартыы;

Иисус 13:25 Iomraidhean Croise

2 Хааннар 11:1

Дараазында чылдың эгезинде, хааннар дайылдажыр дээш үнер үеде, Давид Иоавты бодунуң улузу-биле кады – бүгү израиль шеригни чорудуптарга, аммоннарны чылча шаап кааш, оларның найысылалы Равваны бүзээлеп алганнар. А Давид Иерусалимге артып калган чүве-дир.

2 Хааннар 12:26

Ол үеде Иоав аммон черниң найысылалы Раввага удур дайылдажып тургаш, хаанның шивээзин эжелеп алган.

2 Хааннар 24:5

Иордан хемни кешкеш, Ароер хоорайның оң талазынга турумчуп алганнар. Ол хоорай Гадтың аймааның чурттап турары шынаада Иазерже баар орукта турар чүве-дир.

1 Чылдар 26:31

Хеврончуларның кол кижизи Иерия турган. Давидтиң хааннаашкынының дөртен дугаар чылында хеврончуларның төрел бөлүүн шинчилеп көөрге, Галаадтың Иазер хоорайда кончуг күштүг-шыырак улус бар болган.

Исайя 16:8

Эсевоннуң шөлдери болгаш Сивманың виноград шөлдери кургап калган. Чоннарның чагырыкчылары биеэде Иазер хоорайга чедир үнүп, ээн кургаг хову чедир чаттылып турган эң эки сыптарны таптай базып каапкан. Оларның адырлары өзүп тарап, далай ындынче эрттир үнүп турган.

Исайя 17:2

Ароерниң хоорайлары ээн кагдынып, чүгле мал сүрүг аңаа дыштанып чыдып, одарлаар, ол мал-маганны хойзур кижи артпас.

Иеремия 48:32

Сивмада виноград шөлү, сен дээш ыглааным Иазер дээш ыглаанымдан качыгдалдыг-дыр. Сээң виноградың сыптары далай ындынче, Иазерге чедир чаттылып турган болгай. Сээң чайгы чимизиңни, бышкан салбактарыңны узуткакчы үзе тыртып тур.

Иезекиил 21:20

Хылыштың чоруп болгу дег оруктарын даап бодап, чуруп ал: бир орук аммон чоннуң найысылал хоорайы Равваже, өске орук – Иудеяже, быжыглалдыг Иерусалимче барзын.

Амос 1:14

Равва хоорайның ханазынга отту кыпсыр мен, ол от ооң шивээлерин чаа-дайын хүнүнде алгы-кышкы аразынга, хат-шуурганныг хүнде казыргыланып келгеш, чиптер.

Саннар 21:32

Моисей Иазер хоорайны хайгыылдап көрзүн дээш улус айбылап чоруткан соонда, израильчилер ол хоорайны, ооң чоок-кавызында хоорайжыгаштарны эжелеп алгаш, аңаа чурттап турган аморларны үндүр сывырыпкан.

Саннар 32:35

Атарот-Шофан, Иазер, Иогбега,

Ы. х. к. 2:19

Аммон чонга чоокшулап келген-дир сен. Оларны кызып-кыйба, олар-биле дайылдашпа; аммон чоннуң черинден сеңээ хензиг-даа чер бербес мен, чүге дээрге ол черни Лоттуң үре-салгалынга* ээледип каан мен“».

Ы. х. к. 3:11

(Васанның хааны Ог дээрзи арткан сөөлгү рефаларның бирээзи турган чүве-дир. Ооң демир оруну аммоннарның Равва хоорайында ам-даа бар болдур ийин. Кыры дурту-биле хемчээрге, ол оруннуң узуну тос кыры, дооразы дөрт кыры болган.)

Иисус 13:11

Гессур база мааха чоннарның девискээрлери, Галаад, бүгү Эрмон даг, Салхага чедир бүгү Васан –

Иисус 13:24

Моисей Гадтың аймаанга төрел бөлүк аайы-биле дараазында черлерни үлеп берген:

Иисус 13:26

Эсевондан Рамат-Мицпага болгаш Бетонимге чедир, Маханаимден Давир кызыгаарынга чедир черлер;

Баштыңчылар 5:17

Галаадчылар Иордан ындынга ол-ла хевээр артып калган, ол ышкаш Дан база бодунуң корабльдары-биле ол-ла хевээр артып калган. Асир база далай эриинде корабльдар доктаап турар черлериниң чанынга ол-ла хевээр артып калган.