Иисус 11:6 - Ыдыктыг Библия

⁶ Дээрги-Чаяакчы Иисуска: «Олардан кортпа. Даарта, бо-ла үеде, Мен оларның шуптузун израильчилерге чылча шаптырар кылып каар мен. Сен оларның аъттарының балдырларының сиирлерин үзе кезип каг, а дайынчы тергелерин өрттедивит» – дээн.

Иисус 11:6 Iomraidhean Croise

2 Хааннар 8:4

Давид ол хаанның 1700 аъттыг база 20 000 чадаг шериглерин тудуп алган. Ол дайынчы тергелиг аъттарның балдырларының сиирлерин үзе кезип каапкан, олардан чүгле чүс аътты бодунга арттырып алган.

4 Хааннар 6:16

«Кортпа – деп, медээчи харыылаан. – Бистиң талавыста шериг оларның талазында шеригден хөй-дүр».

2 Чылдар 20:16

Даарта оларга уткуй тулчуп үнүңер. Олар Циц деп артче үнүп кел чыдар болур. Силер оларны шынааның ужунга, ээн кургаг Иеруил ховунуң мурнунга тып аар силер.

Ырлар 46:10

Чоннарның баштыңнары Авраамның Бурганының чону-биле кады чыглып келди, чер-делегейге бүгү камгалал – Бургандан кээр, Ол бүгүдеден бедидир көдүрткен-дир.

Ырлар 46:9

Бурган бүгү чоннарны чагырып тур, Ол Бодунуң ыдыктыг дүжүлгезинге барып саадапты.

Чугаалар 20:7

Чөптүг-шынныг кижи кем-буруу чок чурттаар, ооң ажы-төлү амыр-чыргалдыг.

Исайя 30:16

Силер: «Чок, аът мунуп алгаш, дезе бээр бис!» – дээн силер. Ам канчаар, дезер болган-дыр силер. «Дүвү-далаш ыңай боор бис!» – дээн силер. Ам канчаар, дайзын силерни дыка дүрген сүрүп чедер болган-дыр!

Исайя 31:1

Дуза дилеп, Египетче барып турар улус ат болур! Олар аъттарга ынанып, дайынчы тергелерниң хөйүнге, аъттыг шеригниң улуг күжүнге идегеп турар-дыр, а Израильдиң ыдыктыг Бурганынче көрүнмес-тир, Дээрги-Чаяакчыдан сүме айтырбас-тыр.

Иезекиил 39:9

Ол үеде Израильдиң хоорайларының чурттакчылары октапкан ок-чепсекти оттулар чүүл кылдыр чыып үнүп кээр. Олар от кыпсып, бичии болгаш улуг дозуг-камгалалдар, ча-согуннар, моңнар болгаш чыдаларны өрттедип эгелээр. Ол бүгү оларга чеди чыл дургузунда оттулар чүүл боор.

Осия 14:3

Мөргүүр сөстериңер боданып алгаш, Дээрги-Чаяакчыже эглип кээп: „Хамык кем-буруувусту өршээп, эккээр чүүлүвүстү ээ көрнүүшкүн-биле хүлээп ап көрем, аксы-сөзүвүстүң макталын өргүл кылдыр Сеңээ эккээр бис.

Наум 2:13

«Мен сеңээ удур мен! – деп, Аг-шериглиг Дээрги-Чаяакчы медеглээн. – Мен сээң дайынчы тергелериңни хуюкталдыр өрттедиптер мен, хылыш сээң арзылаңчыгаштарыңны кыргып-хыдыыр. Чер кырынга сеңээ олча арттырбас мен, сээң элчиннериң үнү моон соңгаар дыңналбас».

Ы. х. к. 7:16

Дээрги-Чаяакчы Бурганыңның сээң эргеңге хүлээдип бээри бүгү чоннарны сыырыптар сен; оларга хайыра бербе, оларның бурганнарынга мөгейбе – ол дээрге сеңээ салган четки-дир.

Иисус 10:8

Дээрги-Чаяакчы Иисуска: «Дайзыннардан кортпа, Мен оларны сээң холуңга берип каан мен: олардан сеңээ удур кым-даа туржуп шыдавас» – дээн.

Иисус 11:5

Ол хааннар шупту катчып алгаш, Израиль-биле чаалажыр дээш, Мером сугларының чоогунга кады турлагжып алганнар.

Иисус 11:7

Иисус болгаш дайылдажып-ла шыдаар бүгү улус хенертен Мером сугларынче үнүп келгеш, дайзыннарынче халдай бергеннер.

Иисус 11:9

Иисус Дээрги-Чаяакчының чагааны дег, оларның аъттарын берттиндиргеш, тергелерин өрттедипкен.

Иисус 3:5

Иисус чонга: «Ыдыктанып-арыгланып алыңар, чүге дээрге даарта Дээрги-Чаяакчы силерниң араңарга кайгамчык чүүлдер кылыр болгай» – деп дужааган.

Баштыңчылар 7:9

Ол дүне Дээрги-Чаяакчы Гедеонга мынча дээн: «Тургаш, адааңда турлагже бадып халда, ону сээң холуңче киирип берип тур мен.

1 Хааннар 11:9

Келген элчилерге олар мынча дээн: «Галаадта Иавистиң чурттакчыларынга „Даарта дал дүъш турда, силерни камгалап чедип кээр бис“ деп барып чугаалаңар». Элчилер Иавистиң чурттакчыларынга ону чугаалаарга, олар дыка өөрээннер.