Иисус 10:11 - Ыдыктыг Библия

¹¹ Кажан удурланыкчылары израильчилерден Бет-Орон даан куду дезиптерге, Дээрги-Чаяакчы дээрден оларже улуг даштар октап эгелээн. Ол Азекага чедир даштар октап келген. Израильчилерниң хылыжындан өлген кижилерге бодаарга, даштыг долуга соктуруп өлгеннерниң саны дыка хөй болган.

Иисус 10:11 Iomraidhean Croise

Эге дөс 19:24

Дээрги-Чаяакчы Содом биле Гоморраже дээрлерден оттуг күгүрнү чаъс дег дүжүрүпкен.

2 Хааннар 18:8

Тулчуушкун ол чурттуң бүгү булуңнарынга тарай берген. Ол хүн арга-арыгга амы-тынындан чарылган улус хылыштан өлгеннерден хөй болган.

Иов 38:22

Харның дээрде шыгжамырынче кирген сен бе, долунуң шыгжамырларын көрген сен бе?

Иов 38:23

Оларны дүвүрээзинниг үеге дээш, дайын-чаа, тулчуушкунга дээш курлавырлап каан мен.

Ырлар 11:6

А Дээрги-Чаяакчы: «Мен ам түреңги улуска – човалаңы дээш, базындырган улуска – уё-човууру дээш болчур мен, Мээң камгалалым алыксаан кижиниң идегелин боттандырып бээр мен» – деп турар.

Исайя 28:2

А Дээрги быжыг, күчүлүг кижини оларга удур томуйлап каан. Ол долулуг чайык, өлүмнүг шуурган болгаш хайнып-мөөрээн үер суу дег. Эзирик израильчилерни ооң холу черже дүжүр октаптар,

Исайя 28:21

Дээрги-Чаяакчы, Перацим дагга дег, көдүрлүр, Гаваон шынаазынга дег, килеңин көргүзер – Ол туруп көрбээн ажыл-херекти кылыр, көстүп көрбээн ажыл-чорудулганы боттандырар.

Исайя 30:30

Дээрги-Чаяакчының түрлүг үнү дыңналыр, Ооң холу көстүп келгеш, согуушкун кылыр. Ооң килеңи кедергей болур – чалбыыш өрү окталып, от хөме алыр, чайык куттулуп, шуурганнаар, долу дүжер.

Иезекиил 13:11

Ынчангаш хананы чугай-биле чаап турар улуска ооң буступ дүжерин чугаала. Суггур чаъс кудар, улуг долу чаар, кедергей шуурган көдүрлүр,

Ы. х. к. 20:4

Бурганыңар Дээрги-Чаяакчы силер-биле кады бар чыдар болгай, дайзыннарыңар-биле тулчу бээриңерге, Ол силерге тиилелгени Боду хайырлаар!“

Ажыдыышкын 11:19

Ынчан дээрде Бурганның өргээзи ажыттынып, көстү берди. Чагыг-керээниң аптаразы ында турарын көрдүм. Ооң соонда кызаңнааштар кызаңнап, диңмирээшкин диңмиреп, чер шимчей берди база улуг долу дүжүптү.

Ажыдыышкын 16:21

Дээрден улусче бирээзи-ле бир талант деңзилиг долу дүжерге, улус долу халавы дээш, Бурганны каргап турду, чүге дээрге ол халап шуут коргунчуг болган.

Баштыңчылар 5:20

Дээрде сылдыстар безин боттарының дээрде оруктарындан Сисарага удур тулуштулар.