Иисус 1:7 - Ыдыктыг Библия

⁷ Чүгле кадыг-быжыг болгаш кончуг эрес-дидим бол. Мээң чалчам Моисейниң сеңээ чагааны хоойлуну бүрүнү-биле сагыырын утпа. Ол хоойлудан оң-даа, солагай-даа талаже чайгылбас болзуңза, сээң орууң каяа-даа ак болур.

Иисус 1:7 Iomraidhean Croise

3 Хааннар 2:2

«Кижи бүрүзүнүң баар сөөлгү оруунче чоруурум ол-дур. Кадыг-быжыг, эр соруктуг бооп көр.

3 Хааннар 2:3

Моисейниң хоойлузунда бижип каанын ёзугаар Дээрги-Чаяакчы Бурганыңның чагыг-керээзин кадагала. Ооң оруктарын эдерип, Ооң дүрүмнери болгаш айтыышкыннарын, Ооң доктаалдары болгаш шиитпирлерин күүсет. Ынчаар болзуңза, кылып турар бүгү чүүлдериңге, барган бүгү чериңге чедиишкинниг болур сен.

4 Хааннар 22:2

Иосия Дээрги-Чаяакчының мурнунга таарымчалыг чүүлдер кылып турган база бодунуң өгбези Давидтиң бүгү оруктарын эдерип, оң-даа, солагай-даа талаже барбаан.

1 Чылдар 22:13

Дээрги-Чаяакчының Моисейни дамчыштыр израиль чонга берген дүрүм-хоойлуларын шыңгыы сагыыр болзуңза, ынчан сен чедиишкинниг болур сен. Кадыг-быжыг болгаш эрес-дидим бол, коргуп-сүртеве!

2 Чылдар 15:7

А силер кадыг-быжыг болуңар, холуңар суларавазын, чүге дээрге кылган ажыл-херээңер дээш шаңнал алыр силер».

2 Чылдар 26:5

Захарияның назынының дургузунда Озия Бурганче чүткүп турган, чүге дээрге Захария ону Бургандан коргуп чоруур кылдыр чагып-сургап чораан чүве-дир. Озияның Дээрги-Чаяакчыже чүткүп турган үезинде Бурган аңаа чедиишкинни хайырлап келген.

Иов 1:8

Дээрги-Чаяакчы буруудадыкчыга: «Мээң чалчам Иовту эскердиң бе? Чер кырында өске ындыг кижи чок – ол кем-буруу чок, чөптүг, Бургандан коргар болгаш бачыттан хая көрнүп чоруур кижи чүве» – дээн.

Чугаалар 4:27

Оң-даа, солагай-даа талаже эгбе, будуңну бузуттан чайлат.

Чугаалар 8:20

Чөптүг чоруктуң оруу-биле, шынчы чоруктуң изи-биле бар чыдар мен:

Даниил 10:19

Ол мынча диди: «Кортпа, Бурганның эргим кижизи! Быжыглан, шупту чүве эки-чаагай болур, быжыглан!» Ол сөстерден меңээ катап күш тыптып келген. Мен: «Дээргим ам чугаалазын! Мээң күжүм эгидип бердиңер» – дидим.

Саннар 27:23

бодунуң холдарын аңаа дээскеш, чонну баштаар даалганы берген. Бүгү чүве Дээрги-Чаяакчының Моисейни дамчыштыр чугаалаанын ёзугаар күүсеттинген.

Ы. х. к. 11:8

«Мээң бөгүн силерге айтып-чагып турарым шупту айтыышкыннарны сагыңар, ынчан силер күш кире бээр силер база барып эжелеп аар дээш Иорданны кежип, кирер деп турарыңар черни эжелеп ап шыдаар силер;

Ы. х. к. 12:32

Силерге айтып-чагып турарым бүгү чүвени күүседирин кызыдыңар, чугаалаан чүвемге чүнү-даа немевеңер база оон чүнү-даа казываңар».

Ы. х. к. 28:14

Чүгле мээң бөгүн сеңээ айтып-чагып турарым бүгү сөстерден оң-даа, солагай-даа талаже чайлава, өске бурганнар эдербе, оларга бараан болба».

Ы. х. к. 29:8

Оларның черин эжелеп алгаш, Рувимниң, Гадтың аймактарынга база Манассияның аймааның чартыынга хуваап берген бис.

Ы. х. к. 29:9

Ындыг болганда, бо чагыг-керээниң сөстерин сагып, күүседиңер, ынчан кылып турар бүгү чүүлдериңерге чедиишкинниг болур силер.

Ы. х. к. 31:7

Моисей Иисусту кыйгыртып алгаш, бүгү израиль чон көрүп турда, аңаа: «Кадыг-быжыг, эрес-дидим бол, чүге дээрге бо чон-биле кады Дээрги-Чаяакчының оларның ада-өгбезинге бээр бооп даңгыраглаан черинче кирер-дир сен база ол черни чонга ээлээр кылдыр бээр-дир сен.

Ы. х. к. 4:2

Мээң силерге берип турар айтыышкыннарымга чүнү-даа немевеңер база оон чүнү-даа казываңар; силерге чагып турарым Дээрги-Чаяакчы Бурганыңарның айтыышкыннарын сагыңар.

Ы. х. к. 5:32

Ынчангаш Дээрги-Чаяакчы Бурганыңарның силерге дужааганын ёзугаар кылырын кызыдыңар, оң-даа, солагай-даа талаже өскээр барбаңар;

Иисус 1:1

Дээрги-Чаяакчының чалчазы Моисейниң өлгениниң соонда, ооң дузалакчызы – Нуннуң оглу Иисуска Дээрги-Чаяакчы мынча дээн:

Иисус 1:8

Ол хоойлуда бижээн сөстерни аксыңдан дүжүрбейн, үргүлчү чугаалап чор. Ону дүн-хүн дивейн бодап, сагыырын утпа – ынчан сээң чорууң чогуур болгаш орууң ажык болур.

Иисус 1:9

Сеңээ дужаадым чоп: кадыг-быжыг болгаш эрес-дидим бол, коргуп-сүртеве! Дээрги-Чаяакчы Бурганың каяа-даа сээң-биле кады боор».

Иисус 11:15

Ынчалдыр кылырын Дээрги-Чаяакчы Бодунуң чалчазы Моисейге дужааган, а Моисей ону Иисуска дужааган чүве-дир. Дээрги-Чаяакчы Моисейге чүнү чагааныл, Иисус чаңгыс-даа сөс хажытпайн, шак-ла ынчалдыр күүсеткен.

Иисус 23:6

Силер Моисейниң хоойлу номунда бижип каан дүрүмнерни, бичии-даа хажытпайн, шыңгыы сагып, оң-даа, солагай-даа талаже чайгылбайн, бүрүн күүседир ужурлуг силер.