Иисус 1:6 - Ыдыктыг Библия

⁶ Кадыг-быжыг болгаш эрес-дидим бол. Сен бодуңнуң чонуңга Мээң оларның ада-өгбезинге бээр бооп даңгыраглааным бо черни ээлээр кылдыр хүлээдип бээр сен.

Иисус 1:6 Iomraidhean Croise

Эге дөс 12:7

Дээрги-Чаяакчы Аврамга көстүп келгеш: «Бо черни Мен сээң үре-салгалыңга бээр мен» – дээн. Ынчан Аврам Дээрги-Чаяакчының көстүп келген черинге Аңаа өргүл салыр бедигээш тудуп каан.

Эге дөс 26:3

Амдыызында бо черге чурттап чор. Мен сеңээ ачы-буян хайырлап, сээң-биле кады чоруур мен. Сээң ачаң Авраамга берген даңгыраамны күүседир мен: бо черлерниң шуптузун сеңээ болгаш сээң үре-салгалыңга бээр мен.

2 Хааннар 10:12

Эрес-дидим бол, чонувус дээш, Бурганывыстың хоорайлары дээш чалданыш чок туржур бис. Дээрги-Чаяакчы Боду канчаар күзээрил, ынчалдыр кылзын».

3 Хааннар 2:2

«Кижи бүрүзүнүң баар сөөлгү оруунче чоруурум ол-дур. Кадыг-быжыг, эр соруктуг бооп көр.

1 Чылдар 22:13

Дээрги-Чаяакчының Моисейни дамчыштыр израиль чонга берген дүрүм-хоойлуларын шыңгыы сагыыр болзуңза, ынчан сен чедиишкинниг болур сен. Кадыг-быжыг болгаш эрес-дидим бол, коргуп-сүртеве!

1 Чылдар 28:10

Көр даан, сени Дээрги-Чаяакчы ыдыктыг өргээзин тудар кылдыр шилип алган. Кадыг-быжыг бол, хөделип эгеле».

1 Чылдар 28:20

Оон ыңай Давид оглу Соломонга мынча дээн: «Кадыг-быжыг болгаш эрес-дидим бол, хөделип эгеле! Чүден-даа сестип кортпа, чүге дээрге Бурганым – Дээрги-Бурган-Чаяакчы – сээң-биле кады. Ол сени кагбас, сенден ойталавас, Ооң өргээзинде бараан болур ажылдарны албан доозар сен.

2 Чылдар 15:7

А силер кадыг-быжыг болуңар, холуңар суларавазын, чүге дээрге кылган ажыл-херээңер дээш шаңнал алыр силер».

2 Чылдар 20:11

Ам олар Сээң биске өнчү кылдыр бергениң ээлел чериңден бисти үндүр сывырар дээш чедип келген-дир. Оларның биске харыызы ол-дур.

2 Чылдар 20:7

Бурганывыс, бо черниң биеэги чурттакчыларын Сээң израиль чонуңнуң мурнундан Сен сывырып чорудуптуп, ону Бодуңнуң өңнүүң Авраамның үре-салгалынга кезээ мөңгеде берипкен эвес сен бе?

Даниил 10:19

Ол мынча диди: «Кортпа, Бурганның эргим кижизи! Быжыглан, шупту чүве эки-чаагай болур, быжыглан!» Ол сөстерден меңээ катап күш тыптып келген. Мен: «Дээргим ам чугаалазын! Мээң күжүм эгидип бердиңер» – дидим.

Аггей 2:4

Ынчалза-даа ам сорук кирип көр, Зоровавел – деп, Дээрги-Чаяакчы медеглээн. – Иоседектиң оглу, дээди бараалгакчы Иисус, сен база сорук кирип көр; черниң бүгү чону, сорук кирип, ажылдап эгелеңер, Мен, Аг-шериглиг Дээрги-Чаяакчы, силер-биле кады болгай мен.

Захария 8:9

Аг-шериглиг Дээрги-Чаяакчының чугаалаан чүвези бо-дур: «Аг-шериглиг Дээрги-Чаяакчының өргээзин тудары-биле ооң таваан салып турда, ындыг сөстерни Бурганның медээчилери чугаалап турган. Силер ам ол-ла сөстерни дыңнап тур силер, холдарыңар күш-шыдал кирзин!

Саннар 26:53

«Бо аймактарга черни, санаашкынны эрткен кижилер санын барымдаалап, үлүглей хуваар ужурлуг.

Саннар 33:53

Ол черни эжелеп алгаш, аңаа чурттай бериңер, чүге дээрге Мен ону ээлезин дээш силерге берип тур мен.

1 Коринфичилерге 16:13

Серемчилелдиг болуңар, бүзүрелден быжыг туттунуңар, туруштуг болуңар, күштүг болуңар!

Эфесчилерге 6:10

Адак сөөлүнде чугаалап каайн: Дээрги-Чаяакчыга башкарткаш, Ооң өндүр улуг күчү-күжү-биле бодуңарны быжыглаңар.

Ы. х. к. 1:21

көрүңер даан, бо черни Дээрги-Чаяакчы Бурганыңар силерге берип турар-дыр, барып, ада-өгбеңерниң Бурганы Дээрги-Чаяакчының силерге чугаалап турганын ёзугаар, ону ээлеп алыңар, кортпаңар-даа, сүрээдевеңер-даа“ – дээн мен.

Ы. х. к. 1:8

Көрүңер даан, Мен бо черни силерге берип тур мен, ам баргаш, Дээрги-Чаяакчының ада-өгбеңерге – Авраам, Исаак болгаш Иаков оларга база оларның үре-салгалынга бээр бооп даңгыраглааны бо черни өнчү кылдыр хүлээп алыңар“ – дээн болгай».

Ы. х. к. 11:8

«Мээң бөгүн силерге айтып-чагып турарым шупту айтыышкыннарны сагыңар, ынчан силер күш кире бээр силер база барып эжелеп аар дээш Иорданны кежип, кирер деп турарыңар черни эжелеп ап шыдаар силер;

Ы. х. к. 31:23

Дээрги-Чаяакчы ынчан Нуннуң оглу Иисуска даалга берип: «Кадыг-быжыг, эрес-дидим бол, чүге дээрге израиль чонну Мээң оларга бээр бооп даңгыраглааным черже киирер кижи сен-дир сен, Мен сээң-биле кады болур мен» – деп чугаалаан.

2 Тимофейге 2:1

Оглум Тимофей, Христос Иисустан келген авыралдан күш кирип көр.

Иисус 1:18

Сээң чугааңны тоовас болгаш сээң дужаалыңны күүсетпес кижи бүрүзү өлүртүр. Сен чүгле кадыг-быжыг болгаш эрес-дидим бол!» – деп харыылааннар.

Иисус 1:7

Чүгле кадыг-быжыг болгаш кончуг эрес-дидим бол. Мээң чалчам Моисейниң сеңээ чагааны хоойлуну бүрүнү-биле сагыырын утпа. Ол хоойлудан оң-даа, солагай-даа талаже чайгылбас болзуңза, сээң орууң каяа-даа ак болур.

Иисус 1:9

Сеңээ дужаадым чоп: кадыг-быжыг болгаш эрес-дидим бол, коргуп-сүртеве! Дээрги-Чаяакчы Бурганың каяа-даа сээң-биле кады боор».

Иисус 10:25

Иисус шериг баштыңчыларынга: «Коргуп-сүртевеңер, кадыг-быжыг болгаш эрес-дидим болуңар! Силерниң дайзыннарыңарны, черле кым силерге удур дайылдажыр болдур, Дээрги-Чаяакчы оларны шак-ла ынчалдыр аажылаар!» – дээн.

Иисус 13:6

Ливандан Мисрефот-Маимге чедир даглыг черлерниң чурттакчылары – бүгү сидончуларны израиль чондан үндүр сывырыптар мен. Мээң сеңээ чагып кааным дег, ол черни израиль чонга өнчү кылдыр үлеп бер.

Иисус 18:3

Ынчан Иисус израильчилерге мынча дээн: «Силерниң ада-өгбеңерниң Бурганы Дээрги-Чаяакчының силерге бергени черни ээлеп аарда, ам чеже шүшпеңнеп кээр силер?

Иисус 21:43

Ынчалдыр Дээрги-Чаяакчы израильчилерниң ада-өгбезинге даңгыраглаанын ёзугаар, ол бүгү черни бериптерге, олар ону эжелеп алгаш, ээлеп чурттай бергеннер.

Иисус 5:6

Израильчилер ээн кургаг ховуга дөртен чыл иштинде көжүп чоруп турган. Олар Дээрги-Чаяакчыны тооп дыңнаваан боорга, Ол: «Мээң силерниң ада-өгбеңерге бээр бооп даңгыраглааным чуртту – сүт биле ары чигири агып чыдар байлак черни – кажан-даа көрбес силер» – деп оларга даңгыраглаан. Ынчангаш Египеттен үнген соонда, дайылдажып шыдаар турган эр улус шупту ол үе дургузунда мөчээн.

1 Хааннар 4:9

Филистимнер, кадыг-быжыг, эр соруктуг болуңар. Бистиң оларны кулданып алганывыс дег, еврейлерге кулдандырбас дизе, олар-биле эрес-дидим тулчуңар».