Иезекиил 9:8 - Ыдыктыг Библия

⁸ Кажан израильчилерни өлүрүп турда, мен чааскаан арткаш, хаваамны черге дегзип, мөгейгеш: «О, Дээрги-Бурган-Чаяакчы! Таанда-ла Сен, Иерусалимче килеңиң кыптыгып, израиль чоннуң бүгү артынчызын узуткап каар сен бе?!» – деп алгыра аарак айтырдым.

Иезекиил 9:8 Iomraidhean Croise

Эге дөс 18:23

Авраам чоокшулап чеде бергеш, Дээрги-Чаяакчыдан айтырган: «Таанда-ла буруулуглар-биле кады буруу чок улусту база узуткап каар сен бе?

1 Чылдар 21:16

Давид топтап көргеш, холунда тудуп алган хылыжын Иерусалимче сунуп алган, чер биле дээрниң аразында турар Дээрги-Чаяакчының төлээзин эскерип каан. Качыгдал хеви кеткен Давид болгаш чоннуң баштыңнары черге чедир сөгүрүп кээп дүшкеннер.

Эзра 9:5

Кежээки өргүл салыр үеде бодумну томаартып, олурган черимден ора тыртып каапкан хептиг туруп келгеш, дискек кырынга олура дүжүп, бодумнуң Бурганым Дээрги-Чаяакчыже холдарым сунуп,

Иеремия 14:13

Мен ынчан: «Аа халак, Дээрги-Бурган-Чаяакчы! Сээң медээчилериң улуска: „Дайын-чаа көрбес силер, аш-чут-даа силерге болбас, чүге дээрге Бурган бо черге силерге быжыг тайбыңны хайырлаар“ – деп чугаалап тур» – дээн мен.

Иеремия 14:19

Таанда-ла Сен Иудеядан шуут ойталадың бе? Таанда-ла Сээң сеткил-сагыжың Сионну көөр хөңнү чок бе? Чүге Сен бисти экирип шыдавас кылдыр эттеп-соп тур сен? Амыр-тайбың кээр боор деп идегеп турдувус, ынчалза-даа ачылыг чүү-даа чок-тур, экирииривисти манап турдувус, ынчалза-даа коргунчуг хай-халаптар чедип келди.

Иеремия 4:10

Мен: «Аа халак, Дээрги-Бурган-Чаяакчы! Сен бо чонга, Иерусалимниң чурттакчыларынга тайбың дүжерин аазааш, оларны ылап-ла мегелеп кагдың. Хылыш оларның боскун үзе кезер деп барды» – деп чугааладым.

Иезекиил 11:13

Мен өттүр билип медеглеп турар арамда, Ванеяның оглу Фалтия өлүп калган. Мен дискектенгеш, хаваамны черге дегзип: «О, Дээрги-Бурган-Чаяакчы! Израиль чоннуң артынчызын төнчүзүнге чедир чок кылыр деп бардың бе?» – деп алгыра аарак айтырдым.

Иезекиил 4:14

Мен ынчан: «О, Дээрги-Бурган-Чаяакчы! Мен кажан-даа арыг эвес аъш-чем чип көрбээн мен. Бодунуң өлүмү-биле өлген азы араатан аң үзерлеп каан дириг амытан эъдин аныяамдан бээр, амдыгаа чедир чип көрбээн мен. Бужартаан эът черле мээң аксымче кирбээн» – дээн мен.

Иезекиил 7:8

Удавайн Мен сени хорадаан сагыжым-биле бүргээр мен, килеңимни сеңээ көргүзер мен; сени үүлгеткен херектериң дээш шиидер мен, кылган бүгү чүдек-бужар чүүлдериң дээш кезедир мен.

Саннар 14:5

Моисей биле Аарон бүгү израиль ниитилел көрүп турда, доңгая кээп дүшкеннер.

Саннар 16:4

Моисей ону дыңнап кааш, доңгая кээп дүшкен.

Саннар 16:45

«Бо ниитилелден ырай бериңер, Мен оларны карак чивеш дээр аразында узуткап каайн» – дээн. Олар ынчан доңгая кээп дүшкеннер.

Ы. х. к. 9:18

Оон Дээрги-Чаяакчының мурнунга доңгая кээп дүшкеш, ооң мурнунда дег, дөртен дүн-хүн дургузунда ээрежип, аъш-чем-даа чивээн, суг-даа ишпээн мен. Дээрги-Чаяакчыны килеңнедип, Ооң мурнунга бузут үүлгедип турганыңар дээш – кылган шупту бачыдыңар дээш ээрежип турганым ол.

Иисус 7:6

Иисус муңгаралдан хевин ора соп каапкаш, Дээрги-Чаяакчының аптаразының мурнунга черже доңгайып кээп дүшкеш, кежээге чедир аңаа чыткан. Иисус-биле кады Израильдиң баштыңнары база ынчалганнар, баштарынче довурак бызап алганнар.