Иезекиил 8:16 - Ыдыктыг Библия

¹⁶ Оон Ол мени Дээрги-Чаяакчының өргээзиниң иштики шөлүнче киире берди. Көөрүмге, Бурганның өргээзинче кирер эжик чанында, серилиг чер биле өргүл салыр бедигээш аразында, чээрби беш шаа кижи бар болду. Олар ооргазын Дээрги-Чаяакчының өргээзинче көрүндүр, арыннарын чөөн чүкче көрүндүр туруп алгаш, чөөн чүкте үнген хүнге тейлеп турду.

Иезекиил 8:16 Iomraidhean Croise

3 Хааннар 8:29

Сээң карааң дүне-хүндүс бо өргээже, аңаа хамаарыштыр: „Мээң ат-алдарым маңаа турар“ – дээн чериңче шимдинмейн көрзүн. Бодуңнуң чалчаңның бо черже шиглей көргеш, чаннып турар мөргүлүн дыңнап көрем.

4 Хааннар 16:14

Дээрги-Чаяакчының мурнунга турган өргүл салыр хүлер бедигээшти хаан Бурганның өргээзиниң мурнунда – чаа өргүл бедигээжи биле өргээниң аразында – туружундан көжүрүп, чаа бедигээштиң соңгу талазынга тургузуп каан.

4 Хааннар 21:5

Манассия Дээрги-Чаяакчының өргээзиниң даштыкы, иштики шөлүнге сылдыстарның бүгү аг-шериинге өргүл салыр бедигээштер тудуп каан.

4 Хааннар 23:11

Ол Иудеяның хааннарының Дээрги-Чаяакчының өргээзинче кирер чер чанынга хүнге тураскаадып тургузуп турган аъттарын ап каапкан. Ол аъттар өргээниң даштыкы шөлүнге, Нафан-Мелех дүжүметтиң хуу өрээлиниң чанынга турган чүве-дир. Оон Иосия хүнге тураскааткан чуузаларны база өрттедипкен.

4 Хааннар 23:5

Иосия Иудеяның хааннарының мөгейиишкин кылыр бедик черлерге, чурттуң хоорайларынга база Иерусалимни долгандыр айдызаар өргүлдер кывыссын дээш томуйлап кааны бараалгакчыларны дүжүрүп каапкан. Ол бараалгакчылар Ваалга, ай-хүнге, сылдыстарга – дээрниң бүгү аг-шериинге айдызаашкын кылып турган чүве-дир.

2 Чылдар 29:6

Ада-өгбевис Дээрги-Чаяакчыга шынчы чорукту үреп, бистиң Бурганывыстың мурнунга таарымчалыг эвес чүүлдер кылып, Ону каапкаш барып, Ооң өргээзинден көрүжүн чайладып, хая көрнү берген-дир.

2 Чылдар 7:7

Соломон Дээрги-Чаяакчының өргээзиниң мурнунда турар шөлдүң төп кезээн ыдыктап каан – хаан аңаа бүрүн өрттедир өргүлдерни база эп-найырал өргүлдериниң үс-чаан эккеп салган. Чүге дээрге ооң кылып кааны хүлер өргүл бедигээжи бүрүн өрттедир өргүлдерни, далган-тараа өргүлдерин болгаш өргүл малдарының чаан сыңырып шыдавас болган.

Иеремия 2:27

Олар ыяшты „Ачам сен“ деп, дашты „Мени төрүп кагдың“ деп турар. Менче арнын эвес, ооргазын эргилдирип кээр-дир. Ол хирезинде-ле айыыл-халапка таварышканда, „Бисти камгалап көрем!“ дижир-дир.

Иеремия 32:33

Олар Менден арыннарын чажырып, хая көрнү бердилер; оларны Мен катап-катап өөредип турдум, ынчалза-даа Мени тооп дыңнавадылар, суртаалымны хүлээп албадылар.

Иеремия 44:17

Кылыр бооп аазаан бүгү чүвевисти моон-даа соңгаар кылыр бис: мурнунда боттарывыстың, ада-өгбевистиң, хааннарывыстың болгаш нояннарывыстың Иудеяның хоорайларынга, Иерусалимниң кудумчуларынга кылып турганывыс дег, дээрниң Кадынынга айдызаашкын кылып, арага өргүлү чажар бис. Бис ону кылып тургаш, тоттур чемненип, аас-кежиктиг чурттап, бак чүве көрбээн болгай бис.

Иеремия 7:18

Ажы-төл ыяш чыып тур, адалары от кыпсып тур, херээженнер дээрниң Кадынынга өргүүр боовалар быжырар дээш далган нугуп, Мени хомудадыр дээш өске бурганнарга арага чажып тур.

Иеремия 8:2

Ол сөөктерни хүн биле айның адаанга, ол улустуң ынак чорааны, бараан болуп чорааны сылдыстарның бүгү аг-шерииниң мурнунга тарадыр октаптар. Олар ук чырымалдарга мөгейип, олардан айтыртынып, оларның мурнунга доңгая кээп дүжүп турган болгай! Ол сөөктерни кым-даа чыгбас, орнукшутпас – черге өдек ышкаш артып каар.

Иезекиил 10:3

А херувимнер, ол кижи кире бээрге, Бурганның өргээзиниң мурнуу чүкче көрүнген талазынга турганнар; өргээниң иштики шөлүн булут бүргеп турган.

Иезекиил 11:1

Бурганның Сүлдези мени көдүргеш, Дээрги-Чаяакчының өргээзиниң чөөн чүкче көрүнген хаалгазынга эккелди. Көөрүмге, хаалгаже кирер чер чанында чээрби беш кижи турар болду. Оларның аразында чоннуң нояннары болур Азурнуң оглу Иазанияны, Ванеяның оглу Фалтияны көрдүм.

Иезекиил 23:35

Ынчангаш Дээрги-Бурган-Чаяакчы: «Сен Мени уттуп, Мени артыңче октапкан болганыңда, бодуңнуң кем-бурууң, самыыраашкыныңны чүктээр апаар сен» – деп чугаалаан.

Иезекиил 23:39

Ажы-төлүн дүрзү-бурганнарга эккеп өргүп турган үезинде безин олар Мээң ыдыктыг черимче кирип, ону ооң-биле бужартадып турганнар. Олар Мээң өргээм иштинге ынчанганнар!

Иезекиил 40:28

Хемчээкчи кижи мени мурнуу талада хаалга дамчыштыр иштики шөлче киире берди. Ону хемчээрге, өске хаалгалар ышкаш хемчээлдиг болган.

Иезекиил 40:6

Оон демги кижи чөөн чүкче көрүнген хаалгаже баргаш, тепкииштерлиг чадалап ынаар үнгеш, ооң бир талазында эргинни хемчээрге, дооразы бир даянгыыш дурту, а өске талазында эргинниң дооразын хемчээрге, база бир даянгыыш дурту болган.

Иезекиил 43:5

Бурганның Сүлдези мени көдүргеш, өргээзиниң иштики шөлүнче аппарды. Көөрүмге, Дээрги-Чаяакчының өндүр чырыы өргээни бүргей апты.

Иезекиил 43:8

Олар боттарының ордузунуң эргинин Мээң эргиним чанынга, боттарының эжииниң кастыктарын Мээң эжиимниң кастыктарының чанынга, аравыста чүгле хана турар кылдыр тургузуп алган, Мээң ыдыктыг адымны чүдек-бужар херектери-биле бужартадып каан. Ынчангаш Мен килеңим кыптыгып, оларны чок кылып каан мен.

Иезекиил 45:19

Бурганның бараалгакчызы бачыт дээш өргүл малының ханындан ап алгаш, Бурганның өргээзиниң эжик кастыктарын, өргүл салыр бедигээштиң ортаакы каъдының дөрт азыын болгаш иштики шөлдүң хаалгаларының кастыктарын чаап кагзын.

Иезекиил 46:1

Дээрги-Бурган-Чаяакчы мынча дээн: «Чөөн чүкче көрүнген иштики хаалганы алды ажыл хүнүнде хаап каан турар ужурлуг, а амыр-дыш хүнүнде база ай чаазының хүнүнде ону ажыдып каан турзун.

Иезекиил 7:23

Кинчи-бектен белеткеп ал, чүге дээрге бо черни өлүрүкчү херектер долган-дыр, а найысылалды күчүлээшкин бүргээн-дир.

Иезекиил 8:15

Дээрги-Чаяакчы меңээ: «Кижи амытан, көрүп тур сен бе? Ындыг-даа болза, оон-даа дора чүдек-бужар чүүлдер көөр сен» – диди.

Иоил 2:17

Дээрги-Чаяакчының өргээзиниң мурнунда, серилиг чер биле өргүл салыр бедигээш аразында турар Бурганның бараалгакчылары ыглап-сыктап, мынча дишсин: «Дээрги-Чаяакчы, Бодуңнуң чонуңга хайыраңны көргүзем, Бодуңнуң өнчүң болур улусту бак сөглетпем, бисти өске чоннар кыжырбазын; чүге ол чоннар аразында: „Оларның Бурганы кайыл?“ – дижип турарыл?»

Ы. х. к. 4:19

Дээрже көргеш, ооң шупту аг-шериин: хүннү, айны, сылдыстарны көрүп кааш, элзеттирип, оларга мөгейип, бараан болуп эгеледиңер халак, Дээрги-Чаяакчы Бурганыңар ол бүгүнү дээр адаанда шупту өске чоннарга, оларның үлүү кылдыр, хуваап берген болгай,