Иезекиил 8:1 - Ыдыктыг Библия

¹ Туттуруушкунувустуң алдыгы чылында, алды айның беште, кажан мен бажыңымга олурумда база Иудеяның баштыңнары мээң мурнумга олурда, Дээрги-Бурган-Чаяакчының холу аңаа мени катап база башкарып эгелээн.

Иезекиил 8:1 Iomraidhean Croise

4 Хааннар 6:32

Ол бодунуң айбычызын медээчиже чорудупкан. Элисей бажыңынга чоннуң баштыңнары-биле кады олурган. Айбычы келбээнде, чоннуң баштыңнарынга ол: «Бо өлүрүкчү менче бажым алыр кижи чорудупканын билир силер бе? Көрдүңер бе, айбычы чедип кээрге, эжикти хаап, ооң мурнунга дуглап алгаш, киирбеңер. Адыр, айбычының артында ооң дээргизиниң базымнары дагжап тур!» – дээн.

Иезекиил 14:1

Израильдиң баштыңнарының чамдыызы меңээ келгеш, мурнумга олуруп алды.

Иезекиил 14:4

Олар-биле чугаалашкаш, Дээрги-Бурган-Чаяакчының чугаалаан чүвезин дамчыт: бир эвес израиль чондан кандыг-бир кижи дүрзү-бурганнарын бодунуң чүрээнге сиңирип, бачыдын бодунуң мурнунга тептиге бээр моондак кылдыр салып алгаш, ооң соонда Бурганның медээчизинге кээр болза, Мен, Дээрги-Чаяакчы, ооң хөй дүрзү-бурганнары дээш аңаа таптыг харыылаар мен!

Иезекиил 20:1

Туттуруушкунувустуң чедиги чылының беш айның онда израиль чоннуң баштыңнарының чамдыызы Дээрги-Чаяакчыдан чүве айтырар дээш, мээң мурнумга кээп олуруп алган.

Иезекиил 24:1

Туттуруушкунувустуң тоску чылының он айның онда Дээрги-Чаяакчы меңээ Бодунуң сөзүн ажыдып чугаалаан:

Иезекиил 26:1

Туттуруушкунувустуң он бирги чылында, бир айның бирээде Дээрги-Чаяакчы меңээ Бодунуң сөзүн ажыдып чугаалаан:

Иезекиил 29:1

Туттуруушкунувустуң онгу чылының он айның он ийиде Дээрги-Чаяакчы меңээ Бодунуң сөзүн ажыдып чугаалаан:

Иезекиил 29:17

Туттуруушкунувустуң чээрби чедиги чылында, бир айның бирээде Дээрги-Чаяакчы меңээ Бодунуң сөзүн ажыдып чугаалаан:

Иезекиил 3:12

Ооң соонда Бурганның Сүлдези мени көдүрүптү. Артымда: «Дээрги-Чаяакчының өндүр чырыы Ооң чурттаар черинге алгадып-йөрээтсин!» – деп турар, диңмирээшкин ышкаш аажок дыңзыг үн дыңнап кагдым.

Иезекиил 3:14

Сүлде мени көдүргеш, өскээр аппарды. Мен муңгарап, сеткилим аажок хөлзеп чордум, Дээрги-Чаяакчының холу мени чайгылыш чок башкарып турду.

Иезекиил 3:22

Дээрги-Чаяакчының холу мени аңаа башкарып эгеледи. Ол меңээ: «Тургаш, оргулаашче чорувут, Мен аңаа сээң-биле чугаалажыр мен» – диди.

Иезекиил 30:20

Туттуруушкунувустуң он бирги чылының бир айның чедиде Дээрги-Чаяакчы меңээ Бодунуң сөзүн ажыдып чугаалаан:

Иезекиил 31:1

Туттуруушкунувустуң он бирги чылында, үш айның бирээде Дээрги-Чаяакчы меңээ Бодунуң сөзүн ажыдып чугаалаан:

Иезекиил 32:1

Туттуруушкунувустуң он ийиги чылының он ийи айның бирээде Дээрги-Чаяакчы меңээ Бодунуң сөзүн ажыдып чугаалаан:

Иезекиил 32:17

Туттуруушкунувустуң он ийиги чылының ол-ла айының он беште Дээрги-Чаяакчы меңээ Бодунуң сөзүн ажыдып чугаалаан:

Иезекиил 33:22

А ол кижиниң кээриниң бүдүүзүнде кежээ Дээрги-Чаяакчы мени башкарып эгелээш, демги кижи даартазында эртен меңээ кээр бетинде, мээң үнүмнү эгидип берген. Ол мээң үнүм үндүрүптерге, ам-на чугаалап эгелээн мен.

Иезекиил 33:31

Олар сеңээ чоннуң чыыжынче дег чедип кээп, сээң мурнуңга олуруп алгаш, чугаа-сөзүңнү дыңнап турар, ынчалза-даа күүсетпес-тир. Мээң чонум – чүгле боттарының сеткилин өөртүр чүве дугайында чугаалажыр, чүгле боттарының алыксак чүректериниң күзелин хандырар чүве кылыр улус-тур.

Иезекиил 37:1

Дээрги-Чаяакчының холу мени катап база башкарып эгелээн. Ол мени Бодунуң Сүлдезин дамчыштыр хоорайдан үндүргеш, оргулааш ортузунга тургузуп каан – ол оргулаашты сөөктер долган болду.

Иезекиил 40:1

Туттуруушкунга таварышканывыстың чээрби бешки чылының эгезинде, бир айның онда, найысылалывысты үреп бусканындан бээр он дөрт чыл эрткенде – ол хүн Дээрги-Чаяакчының холу мени катап база башкарып эгелээш, Иерусалимче аппарган.

Иезекиил 7:27

Хаан качыгдап ыглаар, ноян кижи аңгадаашкынга алзыптар, карачал чоннуң холу кортканындан сирилээр. Оларны үүлгеткен херектерин ёзугаар аажылаар мен, боттарының-на шиидип турарын ёзугаар шиидер мен. Ынчан Мени Дээрги-Чаяакчы деп билип аарлар».

Иезекиил 8:2

Мен көрүптеримге, кижиге дөмей, от-даа ышкаш бир-ле чүве көстүп келди. Ол чүве белинден куду от ышкаш көзүлдү, а белинден өрү чайынналчак кызыткан демир дег чырып көзүлдү.

Малахия 2:7

Бурганның бараалгакчызының аксы-сөзү угаан-билигни кадагалаар ужурлуг, ынчан улус ооң чугаа-сөзүнден өөредигни дыңнаксаар, чүге дээрге ол – Аг-шериглиг Дээрги-Чаяакчының төлээлекчизи-дир.

Ажыл-чорудулга 20:33

Мен кайыңардан-даа алдын, мөңгүн, идик-хеп алырын күзевээн мен.