Иезекиил 7:9 - Ыдыктыг Библия

⁹ Мен сенче ээ-хайыралдыг көрүнмес мен, сени кээргевес мен; үүлгеткен херектериң, кылган чүдек-бужар чүүлдериң бодуңче чүдүрлүр. Ынчан Мени кезедикчи Дээрги-Чаяакчы деп билип аар силер.

Иезекиил 7:9 Iomraidhean Croise

Исайя 9:13

Ынчалза-даа чон ону ам-даа соп турар Бурганче ээлбейн баар, Аг-шериглиг Дээрги-Чаяакчыже чүткүвейн баар.

Иеремия 13:14

Оон оларны савалар дег чуура шавар мен, бирээзин – өскезинге, адаларын – оолдарынга чуура үстүрер мен – деп, Дээрги-Чаяакчы медеглээн. – Өршээвес, кээргевес, ээ-хайыра көргүспес мен, кыргып-хыдыыр мен!“»

Иеремия 21:7

А ооң соонда Иудеяның хааны Седекияны, ооң дүжүметтерин, бүгү албаты чонун, бо хоорайда хамчык аарыгдан, дайын-чаа биле аштан дириг арткан бүгү улусту Вавилоннуң хааны Навуходоносорнуң холунга, дайзыннар холунга, оларның өлүмүн күзээн улустуң холунга хүлээдир мен – деп, Дээрги-Чаяакчы медеглээн. – Хаан оларны хылыш-биле шанчып каар, кээргевес, оларга хайыра көргүспес, өршээл бербес!»

Иеремия 36:31

Мен Иоакимни, ооң үре-салгалын, дүжүметтерин оларның кем-буруузу дээш кезедир мен. Иерусалимниң чурттакчылары, Иудеяның чону Мени тооп дыңнаваан боорга, Мен оларже Мээң оларга аазааным бүгү айыыл-халапты ыдар мен“ – деп чугаалаан».

Ыы-сыы 2:17

Дээрги-Чаяакчы бодалдарын боттандырып, эткен сөзүн ээледи. Үе-дүпте аазаан сөзүн күүсетти: хайыра чок сени базып, өжээтенге шоот кылып, дайзыннарың мыйыстарын сүүрертипти. צ (цаде)

Иезекиил 22:22

Эзилдирер суугуга мөңгүннүң эстири дег, силер база аңаа эстип каар силер. Ынчан Мээң, Дээрги-Чаяакчының, килеңимниң силерже кыптыкканын билип аар силер».

Иезекиил 23:49

Олар самыыраашкынын боттары чүктээр, дүрзү-бурганнарынга мөгейип, бачыттар үүлгеткени дээш кеземче көөр. Ынчан Мени Дээрги-Бурган-Чаяакчы деп билип аар силер».

Иезекиил 5:11

Дээрги-Бурган-Чаяакчы: «Иерусалим, сен Мээң ыдыктыг өргээмни бодуңнуң чүдек-бужар чүүлдериң-биле, бужар-бак чаңчылдарың-биле бужартадып алган сен. Ынчангаш дириг Бодумнуң адым-биле даңгыраглап тур мен: сени узуткап каар мен, сеңээ ээ-хайыралыг болбас мен, сени кээргевес мен – деп медеглээн. –

Иезекиил 7:10

Кеземче хүнү бо-дур! Ол хүн келген-дир! Өлүм келген-дир! Ол улустуң шыкпыыжы өзүп келген, улуургак чоруу улгадып өскен.

Иезекиил 7:8

Удавайн Мен сени хорадаан сагыжым-биле бүргээр мен, килеңимни сеңээ көргүзер мен; сени үүлгеткен херектериң дээш шиидер мен, кылган бүгү чүдек-бужар чүүлдериң дээш кезедир мен.

Михей 6:9

Дээрги-Чаяакчы хоорайны кыйгырып тур (мерген угаан дээрге Сээң адыңдан коргары болгай): «Чагырга мергезин база ону тургузуп каан Бурганны тооп дыңнаңар.

Галатчыларга 6:7

Мегеге туттурбаңар: Бурганны карак ажыттаары болдунмас. Кижи чүнү тарып аарыл, оозун ажаап алыр.

Ажыдыышкын 20:13

Далай аңаа чораан өлүг улусту үндүр чалгыпкан. Өлүм болгаш Тамы боттарының өлүг улузун берипкен. Оон оларның кижи бүрүзүн черге кылган херектерин барымдаалап шииткен.