Иезекиил 7:3 - Ыдыктыг Библия

³ Израиль, сээң төнчүң келген-дир, Мен ам сенче килеңимни ыдар мен. Үүлгеткен херектериң дээш, Мен сени шиидер мен, кылган бүгү чүдек-бужар чүүлдериң дээш кезедир мен.

Иезекиил 7:3 Iomraidhean Croise

Эге дөс 6:13

Ынчангаш Бурган Нойга чугаалаан: «Черде чурттап турар кижилерниң амыдыралын үзүп каар мен, чүге дээрге оларның каржы-бак үүлгедиглери чер кырын долган-дыр. Оларны узуткап каар мен, олар-биле кады – бүгү черни база.

Исайя 47:7

Сен: „Кезээ мөңгеде чагырыкчы боор мен!“ – дидиң. А ол бүгүнүң сөөлү кандыг боорун эргий бодавадың.

Иеремия 13:14

Оон оларны савалар дег чуура шавар мен, бирээзин – өскезинге, адаларын – оолдарынга чуура үстүрер мен – деп, Дээрги-Чаяакчы медеглээн. – Өршээвес, кээргевес, ээ-хайыра көргүспес мен, кыргып-хыдыыр мен!“»

Иезекиил 11:21

А сеткил-чүрээ боттарының чүдек-бужар, бак чүүлдеринге алыскан улустуң чедип алган чүвезин оларның бажынче халдадыр мен». Дээрги-Бурган-Чаяакчының медеглээн чүвези ол-дур.

Иезекиил 16:38

Мен сеңээ ашаанга өскерилген херээженнерге дег база кижи өлүрген улуска дег кеземче онаар мен; хүннээнимден хорадап, килеңнээш, сээң ханың төгер мен.

Иезекиил 16:43

Аныяк шааңны сагынмайн барганың дээш, ол бүгү-биле мени килеңнедип келгениң дээш, чедип алган чүвеңни бодуңнуң бажыңче халдадыр мен. Бодуңнуң өске чүдек-бужар чаңчылдарыңга самыыраашкынны чүге немеп алдың?» – деп, Дээрги-Бурган-Чаяакчы медеглээн.

Иезекиил 16:59

Дээрги-Бурган-Чаяакчы мынча дээн: «Мен сени кылган үүлгедииң ёзугаар аажылаар мен, сен даңгырааңны тоовайн барып, чагыг-керээмни үрээн-дир сен.

Иезекиил 18:30

Ынчангаш, израиль чон, Мен силерниң кайыңарны-даа бодунуң оруктары дээш шиидер мен – деп, Дээрги-Бурган-Чаяакчы медеглээн. – Бачыдыңар минниңер! Бүгү кемниг херектериңерден ойталаңар, бузудуңар силерге моондак апарбас болзун.

Иезекиил 21:25

«А сен, Израильдиң бужар-бак чагырыкчызы, шииттирер хүнүң келген-дир, бүрүн кеземче көөр шагың четкен-дир – деп, Дээрги-Бурган-Чаяакчы чугаалаан. – Бажыңда оваадайың – дүжүлге демдеглээн бөргүң уштуп салып каг. Моон соңгаар ооң мурнунда турганы дег болбас: базындырганнар көдүрлүр, бедээннер базындырар.

Иезекиил 22:31

Ам Мен оларже килеңим кыптыгып, хорадаан сагыжымның оду-биле оларны узуткап каар мен, чедип алган чүвезин боттарының баштарынче халдадыр мен». Дээрги-Бурган-Чаяакчының медеглээн чүвези ол-дур.

Иезекиил 24:14

Мен, Дээрги-Чаяакчы, мону чугаалап тур мен: сеңээ кеземче онаар үе келген-дир, Мен ону боттандырар мен. Соксавас мен, өршээл, кээргел көргүспес мен. Сен бодуңнуң оруктарың болгаш херектериң ёзугаар шииттирер сен». Дээрги-Бурган-Чаяакчының медеглээн чүвези ол-дур.

Иезекиил 33:20

А силер: „Дээрги-Чаяакчының оруу шынныг эвес-тир“ – дээр-дир силер. Израильчилер, Мен кайыңарны-даа оруктарыңар дээш шиидер мен».

Иезекиил 36:19

Мен израильчилерни өске чоннар аразынга тоо быдарадып каан мен; олар аңгы-аңгы чурттарже тарадыр сывыртадыпкан; Мен оларны ажыл-херээн ёзугаар база үүлгедиглерин ёзугаар шиидип турдум.

Иезекиил 5:12

Сээң чонуңнуң үштүң бир кезии хамчык аарыг болгаш аш-чуттан сээң иштиңге өлүп каар; өске үштүң бир кезии сээң даштыңга дайын-чаадан кырлып каар, а арткан үштүң бир кезиин Мен хат-биле тарадып кааптар мен, хылыжымны хынындан ужулгаш, оларже анныр мен.

Иезекиил 5:13

Ынчан Мээң килеңим бүрүнү-биле кыптыгып кааптар, оларга хорадааным намдаар, сеткилим ханар. Ажынган сеткилим, хорадаан сагыжым оларже кыптыгарга, Дээрги-Чаяакчы Мээң чугаалап турганымны билип аарлар.

Иезекиил 7:2

«Кижи амытан, израиль черге Дээрги-Бурган-Чаяакчының чугаалаан чүвезин дамчыт: төнчү! Чер-чурттуң бүгү ужу-кыдыынга төнчү келген-дир!

Иезекиил 7:27

Хаан качыгдап ыглаар, ноян кижи аңгадаашкынга алзыптар, карачал чоннуң холу кортканындан сирилээр. Оларны үүлгеткен херектерин ёзугаар аажылаар мен, боттарының-на шиидип турарын ёзугаар шиидер мен. Ынчан Мени Дээрги-Чаяакчы деп билип аарлар».

Иезекиил 7:4

Мен сенче ээ-хайыралдыг көрүнмес мен, сени кээргевес мен; үүлгеткен херектериң, кылган чүдек-бужар чүүлдериң бодуңче чүдүрлүр. Ынчан Мени Дээрги-Чаяакчы деп билип аар силер».

Иезекиил 9:10

Ынчангаш Мен оларже ээ-хайыралдыг көрүнмес мен, оларны кээргевес мен; оларның боттарының чедип алган чүвезин боттарының бажынче халдадыр мен» – деп харыылады.

Осия 12:3

Иаков иезиниң иштинге-ле бодунуң акызын ажып эрткен, а күш-шыдалы четчи бергеш, Бурган-биле сегиржип алган.

Амос 8:2

Ол: «Чүнү көрүп тур сен, Амос?» – деп айтырарга, мен: «Бышкан чимистерлиг аргымал хааржакты» – деп харыыладым. Дээрги-Чаяакчы ынчан меңээ: «Мээң израиль чонумнуң төнчүзү келген-дир: Мен аңаа катап база өршээл көргүспес мен.