Иезекиил 7:11 - Ыдыктыг Библия

¹¹ Күчүлел бузуттуң шыкпыыжы бооп өзүп келген; олардан кым-даа артпас; оларның байлакшылындан, шимээн-даажындан база чаагай чоруундан чүү-даа артпас.

Иезекиил 7:11 Iomraidhean Croise

Ырлар 125:3

Дээрги-Чаяакчы биске өндүр улуг чүүлдү кылган – өөрүп-хөглеп шаг болган бис.

Ырлар 73:8

«Оларны шуут таптай базып кааптаал» – дээн соонда, дайзыннарың Сээң тодарадып каан шупту черлериңни бүгү чуртта өрттедипти.

Исайя 14:29

«Филистимнер оларны чылча шаап турган шыкпыыштың сыйылганы дээш өөрүвезин; чылан үре-салгалындан шагар чылан үнүп кээр, ооң үре-төлү ок-чылан апаар.

Исайя 5:7

Аг-шериглиг Дээрги-Чаяакчының виноград шөлү – израиль чон-дур, Иудеяның чону – Ооң ынак сесерлии-дир. Ол аңаа шынныг шииткел көрүксеп тургаш, хан төгүүшкүнү көрүп каан, чөптүг чорук көөрүнге идегеп тургаш, күчүлелдиң алгы-кышкызын дыңнап каан.

Исайя 9:4

Мадиан чонну чылча шапкан хүнүңде дег, Сен Бодуңнуң чонуңну хилинчектээн дөңгүнү, ооң эгиннеринде аар чүъктү уштуп, ооң кызагдакчызының мергезин сыйып кагдың.

Иеремия 22:18

Ынчангаш Дээрги-Чаяакчы Иосияның оглу, Иудеяның хааны Иоаким дугайында мынча дээн: «Улус ооң ажыын ажып, акы-угбаларынга „Аа халак!“ дивес, „Дээргивис, хайыраатывыс чок апарган-дыр!“ деп ажыын ажып ыглашпас.

Иеремия 25:33

Ол хүн Дээрги-Чаяакчыга өлүрткен улус чер-делегейниң бир кыдыындан өске кыдыынга чедир чыткылаар. Улус оларның ажыын ажып ыглашпас, мөчү-сөөгүн чыып, ажаавас, олар чер кырынга өдек дег чыдып каар.

Иеремия 6:7

Суг бажындан бүлгүрлүп турар суг дег, найысылалда бузут хайныгып тур, үптээшкин биле күчүлел ында оожургавайн дыңналып тур, Мен көрүп кээримге-ле, кемдээшкин, балыг-бышкын көстүр-дүр!

Иеремия 7:34

Иудеяның хоорайларынга, Иерусалимниң кудумчуларынга өөрүшкү биле хөглээшкин үнү, күдээ оол биле келин кыстың үнү дыңналбас кылдыр кылып каар мен, чүге дээрге бо черге бузундулар артар.

Иезекиил 45:9

Дээрги-Бурган-Чаяакчы мынча дээн: «Израильдиң чагырыкчылары, ам болзун! Каржы чорук биле кызагдалды болдурбаңар, шынныг шииткел биле чөптүг чоруктан кылыңар, Мээң чонумну хувааглыг черинден үндүр сывырарын соксадыңар – деп, Дээрги-Бурган-Чаяакчы медеглээн. –

Иезекиил 5:11

Дээрги-Бурган-Чаяакчы: «Иерусалим, сен Мээң ыдыктыг өргээмни бодуңнуң чүдек-бужар чүүлдериң-биле, бужар-бак чаңчылдарың-биле бужартадып алган сен. Ынчангаш дириг Бодумнуң адым-биле даңгыраглап тур мен: сени узуткап каар мен, сеңээ ээ-хайыралыг болбас мен, сени кээргевес мен – деп медеглээн. –

Иезекиил 5:4

Ол дүктерниң чамдыызын ап алгаш, отче октап, өрттедивит. Оортан өөскээн от бүгү израиль чонче чалбыышталыр».

Иезекиил 6:11

Дээрги-Бурган-Чаяакчы мынча дээн: «Муңгарааныңдан адыштарың часканып, тепсенип, израиль чоннуң бүгү бужар-бак үүлгедиглеринге хамаарыштыр „Аа халак!“ деп көр, чүге дээрге олар дайын-чаа, аш-чут болгаш хамчык аарыгдан кырлып каар-дыр.

Иезекиил 7:16

Дириг арткан улус камгаланыры-биле дагларже дезе бергеш, кашпалдарда көге-бугалар дег болур; олар шупту, кайызы-даа бодунуң бузут-багы дээш, човууртаар.

Иезекиил 7:2

«Кижи амытан, израиль черге Дээрги-Бурган-Чаяакчының чугаалаан чүвезин дамчыт: төнчү! Чер-чурттуң бүгү ужу-кыдыынга төнчү келген-дир!

Иезекиил 7:23

Кинчи-бектен белеткеп ал, чүге дээрге бо черни өлүрүкчү херектер долган-дыр, а найысылалды күчүлээшкин бүргээн-дир.

Иезекиил 8:17

Дээрги-Чаяакчы меңээ: «Кижи амытан, көрүп тур сен бе? Мээң өргээмде үүлгедип турары дег чүдек-бужар чүүлдер кылыры Иудеяның чонунга четпес болганы ол бе? Олар оон эрткеш, чуртту күчүлел-биле долдуруп, Мээң килеңимни кедергей күштелдирип турар-дыр. Олар Мээң арнымче шыкпыыш аннып турар-дыр!

Амос 3:10

Ол дээрге ак сеткилдии-биле чурттап билбес, боттарының шивээлеринде эртине-байлакты күчүлел болгаш үптээшкин-биле чыып ап турар улус-тур» – деп, Дээрги-Чаяакчы медеглээн.

Амос 6:3

Айыыл-халап хүнүн ырак кылдыр бодап, күчүлелдиң дүжүлгеге олурарын чоокшуладып турар-дыр силер.

Михей 2:2

Ол улус шөлдер күзээр болза, хунаап аар-дыр, бажыңнар күзээр болза, былаап аар-дыр. Бажыңнарга чурттап олурган улусту олар кызагдап, бажың ээзин-даа, ооң өг-бүлезин-даа үптеп-тонап, оларның ээлел черин бодунга ап аар-дыр.

Михей 3:3

мээң чонумнуң эъдин чип, кежин соя тыртып, сөөктерин сыйып, чанчарылдыр үүрмектеп турар, пашче каар дээн дег, эъдин доорап турар улус-тур силер!» – дээн мен.

Михей 6:12

Сээң байларың каржы-дошкун-дур, чурттакчыларың меге чүве чугаалаар-дыр, оларның аксындан чүгле меге үнер-дир.

Софония 1:18

Дээрги-Чаяакчының килең хүнүнде оларны алдыны-даа, мөңгүнү-даа камгалап шыдавас. Ооң хорадаан сагыжының одунга бүгү чер өрттенип каар, чырык черниң бүгү чурттакчылары хенертен бүрүнү-биле узуткаттырар.

Иаков 2:13

Чүге дээрге өршээл билбес улусту Бурган база өршээл чокка шиидер. А өршээл кезедир шииткелден артык өндүр!