Иезекиил 6:3 - Ыдыктыг Библия

³ Мынча дээр сен: „Израильдиң даглары, Дээрги-Бурган-Чаяакчының силерге база тейлер, кашпалдар болгаш шынааларга чугаалаан бо сөстерин дыңнаңар! Көрүңер, Мен силерге удур дайын-чааны ыдып тур мен, кырыңарда мөгейиишкин кылыр бедик черлериңерни үреп бузар мен.

Иезекиил 6:3 Iomraidhean Croise

3 Хааннар 14:23

Олар мөгейиишкин кылыр бедик черлер, даш көжээлер база бедик тей бүрүзүнге-ле, саглагар ыяш адаанга-ла Ашера бурганга тураскааткан адагаштар тургузуп алганнар.

Исайя 27:9

Израиль чон бодунуң кем-буруузундан мынчаар адырлыр, ол бодунуң бачыдындан ойталаар болза, үре-түңнели мындыг болур: ол өргүл салыр бедик черлерниң дажын, чугай дажы дег, чуура шаап кааптар, ыдыктыг ыяштарны-даа, адагаштарны-даа тура тыртып кааптар.

Исайя 30:25

Бедик даг бүрүзүнден, бүгү бедик тейлерден дамырактар, суглар агып бадар. (Ол хүн коргунчуг кыргып-хыдыышкын база болур, суургалар буступ кээп дүжер.)

Иеремия 2:20

«Бурунгу шагда-ла Мен хомудуңну буза шаап, моожаңны үзе тыртып берген мен, а сен: „Бараан болбас мен!“ – дидиң, бүгү бедик тейлер бажынга, таварышкан-на хөлегелиг саглагар ыяш адаанга самыырап турдуң!

Иеремия 22:29

О чер, чер, чер! Дээрги-Чаяакчының сөстерин дыңна!

Иеремия 3:23

Тейлерде – чүгле меге, дагларда – чүгле шимээнниг чыыштар бар болгай. Израильдиң камгалалы чүгле Дээрги-Чаяакчы Бурганывыстан кээри шын-дыр!

Иеремия 3:6

Дээрги-Чаяакчы меңээ Иосияның хааннаан үезинде: «Өскерликчи херээжен дег Израильдиң чүнү үүлгедип турганын көрген-не болгай сен. Ол бедик даг бүрүзүнче барып, таварышкан-на хөлегелиг салбагар ыяш адаанче кирип, аңаа самыырап турду.

Иезекиил 36:8

А силер, Израильдиң даглары, ыяжыңар будуктары чечектелип, Мээң израиль чонумга чимизиңер бээр силер, чүге дээрге олар удавас чанып кээр.

Левит 26:25

Чагыг-керээмни үрээниңер дээш, өжээн негээр аг-шеригни силерже ыдар мен. Ынчан хоорайларыңарже чаштына бээр силер, ынчалза-даа силерниң араңарга аарыг-аржыкты нептередиптеримге, дайзынның холунче кире бээр силер.

Левит 26:30

Мөгейиишкин кылыр бедик черлериңерни үрегдеп, мөгейип турар адагаштарыңарны бузуп кааптар мен; мөчү-сөөктериңерни дүрзү-бурганнарыңар бузундуларынче октаптар мен. Мээң сеткилим силерден хөңнү кала бээр.

Амос 7:9

Исаактың салгалдарының мөгейиишкин кылыр бедик черлери хоозураар, Израильдиң ыдыктыг дээн черлери үрелип бустур, Мээң хылыжым Иеровоам хаанга база ооң ук-салгалынга удур тулчур» – деп чугаалады.

Михей 6:1

Дээрги-Чаяакчының чугаалаар чүвезин дыңнаңар. Чон база туруп келгеш, дагларның мурнунга херээн чугаалазын, тейлер ооң сөзүн дыңназын.

Михей 6:2

Даглар, чер-делегейниң быжыг үндезиннери, Дээрги-Чаяакчының чаргызын дыңнаңар. Чүге дээрге Ол Бодунуң чону-биле чаргылдажып турар-дыр, Израиль-биле Ол маргыжып турар-дыр: