Иезекиил 5:2 - Ыдыктыг Библия

² Бүзээлээшкинниң үези төне бээрге, дүгүңнүң үштүң бир кезиин хоорайның ортузунга өрттедивит; өске үштүң бир кезиин ап алгаш, хоорайны долгандыр бижек-биле хээй кезип каавыт; арткан үштүң бир кезиин хатка тарадывыт; Мен хылыжымны хынындан ужулгаш, ол дүктерже анныр мен.

Иезекиил 5:2 Iomraidhean Croise

Иеремия 13:24

Мен сээң чонуңну, ээн кургаг ховунуң хадынга доюлган тараа саваңы дег, тарадыр шааптар мен!

Иеремия 15:2

Кажан олар сенден: „Кайнаар баар улус бис?“ – деп айтырар болза, мынча деп харыылаар сен. Дээрги-Чаяакчы: „Өлүр хүнү келген кижи өлүмче барзын, хылышка шаштырар кижи хылыштан калзын, ашка чыгаткан кижи аштазын, тудуп алгаш баары чайлаш чок кижи туттуруп алзын!“ – деп турар-дыр дээр сен.

Иеремия 24:10

Мээң оларга болгаш оларның ада-өгбезинге берген черимге олар шупту узуткаттырып, чиде бергижеге чедир, Мен оларже чаа-дайын, аш-чут болгаш хамчык аарыгны ыдар мен».

Иеремия 38:2

«Дээрги-Чаяакчы: „Бо хоорайга арткан кижи дайын-чаа, аш-чут болгаш хамчык аарыгдан өлүп каар. Халдейлерге дүжүп бээр кижи дириг артар, ооң олча-кежии – амы-тынныг артары боор! – дээн. –

Иеремия 39:1

Иудеяның хааны Седекияның чагыргазының тоску чылында, он айда Вавилоннуң хааны Навуходоносор бодунуң бүгү аг-шерии-биле Иерусалимге чедип кээп, ону бүзээлеп алган.

Иеремия 39:2

Седекияның чагыргазының он бирги чылында, дөрт айның тоста хоорайның ханазын деже шаапкан.

Иеремия 9:15

Ынчангаш Аг-шериглиг Дээрги-Чаяакчы, Израильдиң Бурганы: «Мен бо чонну ажыг чашпан-биле чемгерер мен, оларга хоранныг суг ижиртир мен!

Иеремия 9:16

Оларны өске чоннар аразынга тоо быдарадыр мен, а олар-даа, оларның ада-өгбези-даа ол чоннарны билбес чораан болгай. Оларны хылыш-биле сүрүп, төнчүзүнге чедир узуткаар мен» – дээн.

Иезекиил 12:14

Ону хүрээлээн бүгү улусту – ооң дузалакчыларын база шериглерин бүгү хаттар-биле тарадып кааптар мен, хылыжымны хынындан ужулгаш, оларже анныр мен.

Иезекиил 17:21

Ооң дескен дайынчылары хылышка шаштырып аар, а дириг арткан улузун бүгү хаттар-биле тарадып кааптар мен. Ынчан Дээрги-Чаяакчы Мээң мону чугаалаанымны билип аар силер».

Иезекиил 5:10

Сенде бар адалар ажы-төлүнүң эъдин чиир, а ажы-төл адаларының эъдин чиир. Мен сеңээ шииткел үндүргеш, чоннуң артынчызын бүгү хаттар-биле тарадып кааптар мен» – дээн.

Иезекиил 5:12

Сээң чонуңнуң үштүң бир кезии хамчык аарыг болгаш аш-чуттан сээң иштиңге өлүп каар; өске үштүң бир кезии сээң даштыңга дайын-чаадан кырлып каар, а арткан үштүң бир кезиин Мен хат-биле тарадып кааптар мен, хылыжымны хынындан ужулгаш, оларже анныр мен.

Иезекиил 5:3

Ынчалза-даа элээн каш дүктен ап алгаш, хевиң эдээнге бооп ал.

Левит 26:33

А силерни өске чоннар аразынга тарадыр мен. Хылыжымны ужулгаш, сооңарже анныр мен. Чер-чуртуңар ээнзирээр, хоорайларыңар үрелип бустур.

Амос 9:4

Дайзыннар тудуп алгаш, сүрүп аппаар-даа болза, оларны аңаа өлүрүп каарын хылышка дужаар мен. Оларга ачы-буянны эвес, айыыл-халапты таварыштырар мен».

Захария 13:8

Бүгү чурттуң чонунуң үштүң ийи кезии кырдырып аар, а үштүң бир кезии дириг артар – деп, Дээрги-Чаяакчы медеглээн. –