Иезекиил 5:12 - Ыдыктыг Библия

¹² Сээң чонуңнуң үштүң бир кезии хамчык аарыг болгаш аш-чуттан сээң иштиңге өлүп каар; өске үштүң бир кезии сээң даштыңга дайын-чаадан кырлып каар, а арткан үштүң бир кезиин Мен хат-биле тарадып кааптар мен, хылыжымны хынындан ужулгаш, оларже анныр мен.

Иезекиил 5:12 Iomraidhean Croise

Исайя 1:24

Ынчангаш Дээрги, Аг-шериглиг Дээрги-Чаяакчы, Израильдиң күштүг Бурганы: «Өжээтеннеримни канчаар кезедир эвес мен! Дайзыннарымдан өжээним негеп аар мен!

Иеремия 13:24

Мен сээң чонуңну, ээн кургаг ховунуң хадынга доюлган тараа саваңы дег, тарадыр шааптар мен!

Иеремия 14:12

Олар шээрленир-даа болза, ыы-сыызын дыңнавас мен, бүрүн өрттедир болгаш далган-тараа өргүлдери-даа кылыр болза, Меңээ таарышпас. Харын оларны дайын-чаа, аш-чут, хамчык аарыг-биле узуткаар мен!» – деп чугаалаан.

Иеремия 15:2

Кажан олар сенден: „Кайнаар баар улус бис?“ – деп айтырар болза, мынча деп харыылаар сен. Дээрги-Чаяакчы: „Өлүр хүнү келген кижи өлүмче барзын, хылышка шаштырар кижи хылыштан калзын, ашка чыгаткан кижи аштазын, тудуп алгаш баары чайлаш чок кижи туттуруп алзын!“ – деп турар-дыр дээр сен.

Иеремия 15:9

Чеди-даа ажы-төлдүг турган иелер ам харыксырап, сагыш-сеткили куруглап калган, оларның хүнү дүъште-ле ажа берген, олар, ады баксырап, дорамчылаткан. А чоннуң арткан улузун хылышка чиш кылдыр берип, дайзыннарынга хүлээдип бээр мен». Дээрги-Чаяакчының медеглээн чүвези ол-дур.

Иеремия 21:9

Бо хоорайга арткан улус дайын-чаа, аш-чут болгаш хамчык аарыгдан өлүп каар. А ооң даштынче үне бергеш, силерни бүзээлээн халдейлерге дүжүп бээр улус дириг артар, оларның олча-кежии – амы-тынныг артары боор.

Иеремия 24:10

Мээң оларга болгаш оларның ада-өгбезинге берген черимге олар шупту узуткаттырып, чиде бергижеге чедир, Мен оларже чаа-дайын, аш-чут болгаш хамчык аарыгны ыдар мен».

Иеремия 42:22

Ынчангаш ыяк билип алыңар: барып чурттаар деп турар чериңерге дайын-чаа, аш-чут болгаш хамчык аарыгдан өлүр силер!»

Иеремия 44:27

Силерге ачы-буян эвес, айыыл-халап келзин дээш, Мен силерден карак салбас мен. Египетте турар бүгү иудейлер, төндүр кырлып калгыжеге чедир, дайын-чаа болгаш аш-чуттан өлүп кээр.

Иеремия 9:15

Ынчангаш Аг-шериглиг Дээрги-Чаяакчы, Израильдиң Бурганы: «Мен бо чонну ажыг чашпан-биле чемгерер мен, оларга хоранныг суг ижиртир мен!

Иеремия 9:16

Оларны өске чоннар аразынга тоо быдарадыр мен, а олар-даа, оларның ада-өгбези-даа ол чоннарны билбес чораан болгай. Оларны хылыш-биле сүрүп, төнчүзүнге чедир узуткаар мен» – дээн.

Иезекиил 12:14

Ону хүрээлээн бүгү улусту – ооң дузалакчыларын база шериглерин бүгү хаттар-биле тарадып кааптар мен, хылыжымны хынындан ужулгаш, оларже анныр мен.

Иезекиил 14:17

Азы Мен бо чуртче хылыш ыткаш: „Хылыш, бо черни таварып эрткеш, ында турар улусту, мал-маганны узуткап каг!“ – дээн дижик мен.

Иезекиил 14:19

Азы Мен бо чуртче хамчык аарыг ыткаш, улусту-даа, мал-маганны-даа узуткаар дээш килеңим олче кыптыгып, өлүрүүшкүн кылган дижик мен.

Иезекиил 14:21

Дээрги-Бурган-Чаяакчы мынча дээн: «Кажан Мен Иерусалимде улусту, мал-маганны узуткап каар дээш, олче дөрт шаажылал: дайын-чаа, аш-чут, аң-араатан болгаш хамчык аарыг ыдыптар болзумза, кайы хире берге боор деп!

Иезекиил 16:42

Ооң соонда Мээң сеңээ удур килеңим намдай бээр, хорадаан сагыжым сенден чайлай бээр. Мен оожургап, сенче оон ыңай килеңневес мен.

Иезекиил 21:22

Ооң холунче „Иерусалимче“ деп айыткан төлге кирер-дир – ол аңаа дайынчы алгы үндүрүп, кыргып-хыдыышкынче кыйгырар, хана буза үстүрер чепсектер тургузар, хоорайны дескиндир чалдар кылыр, бүзээлел суургалары тудар.

Иезекиил 24:13

Иерусалим, сээң самыыраашкының сени бужартаткан-дыр. Мен сени арыглаар дээш чеже-даа оралдажырымга, арыгланмас-тыр сен, ынчангаш ам Мээң сеңээ хорадаан сагыжым оожургаваан шаанда, моон-даа соңгаар арыгланып шыдавас сен.

Иезекиил 33:27

Оларга Дээрги-Бурган-Чаяакчының чугаалаан чүвезин дамчыт. Мен дириг Бодумнуң адым-биле даңгыраглап тур мен: бузундуларда чурттап арткан улус хылыштан кырлып каар, ажык шөлде турар улусту Мен черлик аң-араатанга чемиш кылдыр бериптер мен, шивээлерде база куйларда чаштып турар улус хамчык аарыгдан өлүп каар.

Иезекиил 36:19

Мен израильчилерни өске чоннар аразынга тоо быдарадып каан мен; олар аңгы-аңгы чурттарже тарадыр сывыртадыпкан; Мен оларны ажыл-херээн ёзугаар база үүлгедиглерин ёзугаар шиидип турдум.

Иезекиил 43:8

Олар боттарының ордузунуң эргинин Мээң эргиним чанынга, боттарының эжииниң кастыктарын Мээң эжиимниң кастыктарының чанынга, аравыста чүгле хана турар кылдыр тургузуп алган, Мээң ыдыктыг адымны чүдек-бужар херектери-биле бужартадып каан. Ынчангаш Мен килеңим кыптыгып, оларны чок кылып каан мен.

Иезекиил 5:10

Сенде бар адалар ажы-төлүнүң эъдин чиир, а ажы-төл адаларының эъдин чиир. Мен сеңээ шииткел үндүргеш, чоннуң артынчызын бүгү хаттар-биле тарадып кааптар мен» – дээн.

Иезекиил 5:17

Мен сенче аш-чутту база аң-араатанны ыдар мен, олар сээң ажы-төлүңнү чок кылып каар. Хамчык аарыг болгаш өлүм-чидим сени таварып эртер, Мен сенче дайын-чааны ыдар мен. Мен, Дээрги-Чаяакчы, ону чугааладым».

Иезекиил 5:2

Бүзээлээшкинниң үези төне бээрге, дүгүңнүң үштүң бир кезиин хоорайның ортузунга өрттедивит; өске үштүң бир кезиин ап алгаш, хоорайны долгандыр бижек-биле хээй кезип каавыт; арткан үштүң бир кезиин хатка тарадывыт; Мен хылыжымны хынындан ужулгаш, ол дүктерже анныр мен.

Иезекиил 6:8

Ынчалза-даа чамдык улусту Мен хылыштан камгалап арттырар мен. Кажан силерни өске чер-чурттарже тарадып каарга, силерниң чамдыыңар чоннар аразынга дириг артар.

Иезекиил 7:15

Хоорай даштында – дайын-чаа, хоорай иштинде – хамчык аарыг болгаш аш-чут. Хову-шөлде турар кижи дайын-чаадан өлүп каар, хоорайда турар улусту аш-чут болгаш хамчык аарыг чиптер.

Иезекиил 7:3

Израиль, сээң төнчүң келген-дир, Мен ам сенче килеңимни ыдар мен. Үүлгеткен херектериң дээш, Мен сени шиидер мен, кылган бүгү чүдек-бужар чүүлдериң дээш кезедир мен.

Левит 26:33

А силерни өске чоннар аразынга тарадыр мен. Хылыжымны ужулгаш, сооңарже анныр мен. Чер-чуртуңар ээнзирээр, хоорайларыңар үрелип бустур.

Амос 9:4

Дайзыннар тудуп алгаш, сүрүп аппаар-даа болза, оларны аңаа өлүрүп каарын хылышка дужаар мен. Оларга ачы-буянны эвес, айыыл-халапты таварыштырар мен».

Амос 9:9

Дыңнаңар даан, Мен дужаал берип, израиль чоннуң бок хавыын, далган-тарааны шишкиишке челбиири дег, бүгү чоннар аразынче тарай шишкиир мен, чаңгыс-даа үрезин черже кээп дүшпес!

Захария 7:14

Мен оларны билбес чорааны бүгү чоннарже тарадыр хадыдыптым. Оларның соонда чер-чурту ээнзиреп, ону тавартыр кым-даа ыңай-бээр чорбас апарган. Олар ынчалдыр боттарының кайгамчык чараш черин ээн куруг кылып алган».

Ы. х. к. 28:65

Ол чоннар аразынга оожургал көрбес сен, будуң дыштандырар чер тыппас сен. Дээрги-Чаяакчы аңаа чүрээңни хөлзедип, дүвүредир, карааңны шыладып, баксырадыр, сеткил-хөңнүңнү муңгарадып, хилинчектээр;

Ажыдыышкын 6:8

Көрүптеримге, мурнумда бора аът турду. Ооң мунукчузун «Өлүм» дээр база ону өлүм оранының ара-албатызы эдерип чорду. Дайын-чаа, аш, аарыг-аржык азы черлик амытаннар дузазы-биле черниң дөрттүң бир кезииниң девискээринге өлүрер эргени оларга берген болду.